మృధువైన ఆరోగ్యకర జుట్టుకై సూచించబడిన నూనెలు ఇవే

ఆర్గాన్ నూనె:

ఇది ఒక లీవ్ - ఇన్ కండిషనర్ గా కూడా పని చేస్తుంది. తద్వారా జుట్టును సున్నితంగా ఆరోగ్యకరంగా మార్చగలదు. కొద్దిగా తడిగా ఉన్న జుట్టుపై ఈ నూనెని అప్లై చేసి, ఒకరోజు ఉంచి స్నానం చేయాలి. ఈ పద్దతి వారంలో రెండు సార్లు చేయడం ద్వారా మంచి ఫలితాలను చూడవచ్చు.

కొబ్బరి నూనె:

కొబ్బరి నూనెలో అధికమైన కొవ్వు పదార్ధాలు ఉండడం మూలంగా జుట్టుకు మంచి పోషకాలను అందించగలదు. కావున రోజులో 40-50 సెకండ్లు మర్ధనలాగా జుట్టుకు దట్టించి ఒక రాత్రి అలాగే ఉంచి ఉదయం లేచాక స్నానం చేయాలి. ఇలా వారంలో 2-3 సార్లు చేయడం మూలంగా మంచి ఫలితాలను పొందవచ్చు.

అవకాడో నూనె:

ఇందులో అనేకరకాల అనామ్ల జనకాలు ఉన్న కారణంగా మంచి పోషకాలను జుట్టుకు అందివ్వగలదు. ఒక స్పూన్ ఆలివ్ ఆయిల్ లో, కొన్ని చుక్కల అవకాడో నూనెని కలిపి మర్ధన చేసి రాత్రంతా ఉంచి, ఉదయం లేచి స్నానం చేయాలి. వారంలో 2-3 సార్లు చేయడం మూలంగా మంచి ఫలితాలను పొందవచ్చు.

జూజూబా నూనె:

చాలమందికి తెలియని నూనె ఇది. కానీ జుట్టును స్మూత్ గా ఉంచుటలో అద్భుత ఫలితాలను ఇస్తుంది. మీ కండిషనర్ తో జూజూబా నూనె కొన్ని చుక్కలను కలపడం ద్వారా మంచి ఫలితాలను పొందవచ్చు. కానీ వారంలో రెండు సార్లు కనీసం చేయడం వలన జుట్టుకి మంచి పోషణను ఇవ్వగలదు.

బాదం నూనె:

కాస్త ఖరీదు ఎక్కువైనా, జుట్టుకి ఇది చేసే మేలు అంతా ఇంతా కాదు. జుట్టుకు సరైన పోషణ ఇవ్వడంతో పాటు సిల్కీగా ఉండునట్లు చూడడంలో ఎంతో సహాయం చేస్తుంది .

ఈ బాదం నూనెతో 2-3 గంటల మర్ధనం చేసి, స్నానంచేయడం ద్వారా మంచి ఫలితాలను పొందవచ్చు. వారంలో కనీసం రెండు సార్లు చేయడం సూచించబడినది.

రోస్మెరీ నూనె:

మంచి మాయిశ్చరైజింగ్ లక్షణాలు కలిగిన ఈ నూనె, జుట్టును స్మూత్ గా సిల్కీ గా చేసే మరొక ముఖ్యమైన నూనెగా చెప్పబడింది. ఒక స్పూన్ కొబ్బరినూనెలో 4-5 చుక్కల రోస్మెరీ నూనె కలిపి మర్ధన చేసి 40 నిమిషాల తర్వాత స్నానం చేయoడి. తద్వారా మీ జుట్టు సున్నితంగా మృధువుగా తయారవుతుంది.

ఆలివ్ నూనె:

ఆలివ్ నూనెలో కూడా అనేక పోషకాలతో కూడిన మాయిశ్చరైజింగ్ లక్షణాలు ఉన్నాయి. కావున ఆలివ్ ఆయిల్ కూడా ప్రయత్నించవచ్చు. ఆలివ్ ఆయిల్ వంటల్లో కూడా వినియోగిస్తారు .

2-3 స్పూన్స్ ఆలివ్ నూనె తో జుట్టు అన్నిభాగాలకు విస్తరించునట్లుగా మర్ధన చేయాలి, 3-4 గంటల తర్వాత స్నానం చేయడం ద్వారా మంచి ఫలితాలను పొందవచ్చు. వారంలో రెండు సార్లు చెయ్యడం ద్వారా మీ జుట్టుని ఆరోగ్యకరంగా మలచుకోవచ్చు.

విటమిన్ – e నూనె :

జుట్టుకు పోషణనిచ్చే నూనెలలో విటమిన్ - e నూనె చాలా ముఖ్యమైనది. విటమిన్ - e జుట్టు ఎదుగుదలకు ఆరోగ్యానికి సూచించబడినది.

2 స్పూన్స్ విటమిన్ - e తో మసాజ్ చేసి రాత్రంతా ఉంచి ఉదయం లేచి స్నానం చేయడం ద్వారా అధ్బుతమైన ఫలితాలను పొందవచ్చు. వారంలో రెండు మూడు సార్లు చేయడం మంచిది.