ఈ ఆయుర్వేద పదార్థాలతో చుండ్రు సమస్య వెంటనే తొలగిపోతుంది!

మెంతులు మరియు పెరుగు:

1 బౌల్లో 1 టేబుల్ స్పూన్ మెంతి గింజల పొడి మరియు 1 టేబుల్ స్పూన్ పెరుగు వేసి, రాత్రంతా నానబెట్టండి. మరుసటి రోజు ఉదయం, మీ జుట్టుకు మాస్క్‌లా అప్లై చేసి, ఒక గంట తర్వాత తేలికపాటి షాంపూతో శుభ్రం చేసుకోండి. ఉత్తమ ఫలితాల కోసం వారానికి ఒకటి లేదా రెండుసార్లు చేయండి.

కొబ్బరి నూనె మరియు నిమ్మరసం

ఒక గిన్నెలొ కొబ్బరి నూనె తీసుకుని 2 నిమిషాలు వేడి చేయండి. తర్వాత దానికి 1 టేబుల్ స్పూన్ నిమ్మరసం వేసి బాగా కలపాలి. మీరు దానిని మీ జుట్టు మీద బ్రష్ చేసి, హెయిర్ వాష్ చేయడానికి ముందు రాత్రిపూట లేదా 2 గంటల పాటు అలాగే ఉంచవచ్చు. ఇలా వారానికోసారి చేస్తే చుండ్రు సమస్య తగ్గుతుంది.

నిమ్మకాయ మరియు కొబ్బరి నూనె

కొబ్బరి నూనెలో 1 టేబుల్ స్పూన్ నిమ్మరసంతో 5 గ్రాముల మెంతిపొడి కలపండి, జుట్టును బ్రష్ చేసి రాత్రంతా అలాగే ఉంచండి. మరుసటి రోజు ఉదయం, హెర్బల్ షాంపూతో మీ జుట్టును కడగాలి. వారానికి రెండు సార్లు ఇలా చేయడం వల్ల చుండ్రు సమస్య నుంచి ఉపశమనం పొందవచ్చు.

అలోవెరా మరియు పంచదార పాకం:

రెండు టేబుల్ స్పూన్ల పంచదార పాకంతో 1 కప్పు అలోవెరా జెల్ కలపండి. దీన్ని మీ తలకు పట్టించి, రాత్రంతా అలాగే ఉంచి, మరుసటి రోజు ఉదయం కడగాలి. ఫలితాల కోసం వారానికోసారి చేయండి.

మెంతులు మరియు అలోవెరా:

ఒక కప్పు మెంతి గింజలను రాత్రంతా నీటిలో నానబెట్టండి. తరవాత గ్రైండ్ చేసి పేస్ట్ లా చేసి, దానికి 2 టేబుల్ స్పూన్ల అలోవెరా జెల్ వేసి బాగా కలపాలి. దీన్ని మీ తలకు పట్టించి 1 గంట పాటు అలాగే ఉంచండి. తేలికపాటి షాంపూతో మీ జుట్టును కడగాలి. వారానికి రెండుసార్లు చేస్తే ఫలితం ఉంటుంది.

త్రిఫల పౌడర్ మరియు మజ్జిగ:

2 టేబుల్ స్పూన్ల మజ్జిగ తీసుకుని, అందులో 1 టేబుల్ స్పూన్ త్రిఫల పౌడర్ మిక్స్ చేసి రాత్రంతా అలాగే ఉంచాలి. మరుసటి రోజు ఉదయం, ఈ ఔషధంను మజ్జిగతో బాగా కలిపి జుట్టుకు పట్టించాలి, ఆపై సున్నితమైన షాంపూని ఉపయోగించి తర్వాత తలస్నానం చేయాలి. ఇలా వారానికి రెండు సార్లు చేయండి మంచి ఫలితం ఉంటుంది.

వేప ఆకులు

వేపాకు పేస్ట్ తలకు పట్టించి అరగంట తర్వాత వేడినీటితో మీ జుట్టును కడగాలి. దీంతో చుండ్రు సమస్యకు గుడ్ బై చెప్పవచ్చు.