కొనే ముందు శ్రద్ద పెడితే మంచివే ఎంపిక చేసుకోవచ్చు...!

Published: Saturday, June 9, 2012, 16:51 [IST]

చెప్పుల షాపుకి వెళ్లి ఏదో ఒక పెయిర్ కొనుక్కొచ్చేసి తీరా ఇంటికి వచ్చాక అవి సౌకర్యంగా లేవనో... అవసరానికి ఉపయోగపడవనో... మీల్స్ మీరీ ఎక్కువయ్యాయనో... ఇంకేదో కారణంతో బాధపడడం కన్నీ కొనే ముందే కొద్దిగా మనసు పెడితే మంచి చెప్పులను తెచ్చుకోవచ్చు. ఎలాంటి డ్రెస్ వేసుకున్నీ ఏంత అందంగా తయారైనా చాలా మంది చెప్పులు లేదా షూస్ దగ్గరికి వచ్చే సరికి పెద్దగా పట్టించుకోరు. ఏదో ఒకటి అన్నట్టుగా వాటి గురించే ఆలోచించరు. అయితే వేసుకునే డ్రెస్ లకి , ధరించే నగలకి ఎంత ప్రాముఖ్యత ఇస్తామో..పాదాలకు వేసుకునే పాదరక్షలకి అంతే ప్రాముఖ్యత ఇవ్వాలి. పాదాలకు అనుగుణమైన వాటిని ఎంపిక చేసుకున్నప్పుడే అందం అనే పదానికి పరిపూర్ణత వస్తుంది. సరైన పాదరక్షల ఎంపికకు ఈ క్రింది జాగ్రత్తలతో మంచి షూ లేదా చెప్పులను మీ సొంతం చేసుకోవచ్చు.

1. షాపుకి వెళ్లే ముందే ఎలాంటి చెప్పులు లేదా షూ కొనాలనుకుంటున్నారో నిర్ణయించుకుని వెళ్లండి. ఫంక్షన్లకు, పార్టీలకు అనువైనవా? లేదా రోజూవారీ ఉపయోగనికా? అన్నది ముందే నిర్ణయించుకోవాలి.
2. బ్రాండెడ్ వెరైటీలు మన్నికకు పేరెన్నికగన్నవి. అయితే వీటి ఖరీదు కొద్దిగా ఎక్కువగానే ఉంటుంది. ఖరీదును, నాణ్యతను పోల్చి చూడకుండా నాణ్యతకే మొగ్గు చూపండి
3. ఇప్పుడు మీల్స్ ఫ్యాషన్. మరీ ఎత్తు ఎక్కువ ఉంటే నడవడానికి ఇబ్బంది. ఆరోగ్యానికి హానికరం. ఒకటిన్నర అంగుళం కన్నా హీల్ ఎత్తు ఎక్కువ ఉండకూడదు.
4. పెన్సిల్ హీల్ అని వస్తోంది. ఇవి చూడడానికి అందంగా ఉన్నా వేసుకోవడానికి సౌకర్యంగా వుండవు. చెప్పుల అడుగు భాగం మొత్తం హీల్ వుండేవాటినే ఎంపిక చేసుకోవాలని నిపుణులు సూచిస్తున్నారు. వీటి వలన నడం నొప్పి బాధ వుండదు.
5. చెప్పులు వేసుకుంటే తేలికగా ఉండేవే మంచివి. బరువుగా వున్న చెప్పులు లేదా షూస్ ను ఎప్పుడూ ఎంపిక చేసుకోకూడదు.
6. మొత్తగా ఉన్న చెప్పులే నడవడానికి అనుకూలంగా వుంటాయి.
7. చెప్పులు రెండు మూడు రంగులలోనే వుంటాయి. కాబట్టి వాటిల్లో ఎరుపు లేదా నలుపు రంగులు బాగా మన్నుతాయి. తెలుపు రంగు చెప్పు చూడడానికి అందంగా వున్నా త్వరగా మాసిపోయి రంగు వెలిసిపోయినట్లు వుంటాయి.
8. రాబోయేది వర్షాకాలం. ఈ కాలానికి అనువైన వాటినే ఎంచుకోండి. వర్షాకాలానికి ప్రత్యేకంగా కొన్ని వెరైటీలను ఉప్పత్తి దారులు మార్కెట్ లోకి విడుదల చేస్తూ వుంటారు. వాటి గురించి పూర్తి వివరాలు తెలుసుకొని కొనుగోలు చేయాలి.
9. అలాగే మీ బరువుకి, ఎత్తుకి సరిపడ వాటినే ఎంపిక చేసుకోవాలి.
10 వర్షాకాలం పాదం పూర్తిగా కవర్ చేస్తూ వుండే చెప్పులు లేదా షూస్ అంత అనువుగా వుండవు. నీటిలో నడిచేటప్పుడు నీరు లోపలికి పోయి అపౌకర్యం కలిగిస్తాయి.
11. కాలి మడమలు షార్ప్ గా ఉన్నట్టయితే, ముందు భాగం పొడవుగా కోసుగా ఉండే చెప్పులు లేదా షూస్ అస్సలు బాగుండవు.
12. కొన్ని చెప్పులు లేదా షూస్ కాలి వేళ్ళను పూర్తిగా కవర్ చేయకుండా మధ్యలో వుండే రెండు మూడు వేళ్లు కవర్ చేస్తూ వుండే వెరైటీలు వుంటాయి. వీటి వలన కాలివేళ్ళ గోళ్ళు దెబ్బ తినే అవకాశం వుంది.
13. కొద్దిగా రఫ్ గా వుండే వారికి వెనుకవైపు ఓపెన్ గా వుండే షూస్ అస్సలు నప్పవు. పాదం ముందు భాగం ఓపెన్ గా ఉన్నా, వెనుక క్లోజ్ అయిన వాటినే ఎంపిక చేసుకోవాలి.
14. చెప్పులు లేదా షూస్ మరీ బిగుతుగా వుండే వాటిని ఎంపిక చేసుకోరాదు. కొద్దిగా వదులుగా వుంటేనే సౌకర్యంగా వుంటాయి. అలా అని మీర వదులుగా వున్నా చూడటానికి అందంగా వుండదు.
15. పాదరక్షలు కొన్న తరువాత షాపులోనే వాటిని వేసుకుని చూడటంతో సరిపెట్టుకోకుండా ఒకటికి రెండు సార్లు అటూ ఇటూ నడిస్తే అవి సరిపోతాయా? లేదా? అన్నది వెంటనే తెలుస్తుంది. ఏ రకాన్ని ఎంపిక చేసుకున్నా పాదం అందంగా కనబడేటట్టుగా వుండాలి.