హెయిర్ స్టైల్ అంత ఫ్యాషన్ గాజుల్లో కనబడితే

Published: Thursday, September 13, 2012, 13:31 [IST]

How to Choose perfect Bangles for you hands

గాజుల గలగలలు. నగలు ఎన్ని ఉన్నాఆడవాళ్ళ చేతులకి మట్టి గాజులు వేసుకుంటే వచ్చినంత కళ ,అందం ఇంక దేనికీ రావని చెప్పొచ్చు. ఎక్కడికైనా వెళ్లాలి అంటే ముందుగా మనం ఆలోచించేది దుస్తుల గురించి. అక్కడకు ఏం ధరించి వెళ్తే బావుంటుందనే మొదట చూసుకుంటాం. అంతటితో సెలెక్షన్‌ పూర్తయిపోలేదు. ఆ తరువాత మనం ఎంచుకోవాల్సింది ఎక్సెసరీస్‌ గురించి. అంటే, దుస్తులకు అనుసంధానంగా ధరించాల్సిన అదనపు హంగుల గురించన్నమాట! ఇవి చిన్నగా అనిపించినా వీటి ప్రాధాన్యత ఎక్కువే. ఇవి ఒకటి కాదు, రెండు కాదు. అనేకం! అవేమంటే చెప్పులు, బ్యాగ్‌, వాచ్‌, బ్యాంగిల్స్‌, బ్రాస్‌లెట్స్‌, చైన్‌, ఇయర్‌ రింగ్స్‌, ఉంగరాలు... ఇవన్నీ! అలాగని, సమయానికి చేతికందినవి వేసేసుకుంటే కుదరదు. మనం ధరించిన దుస్తులు, వెళుతున్న సందర్భం దృష్టిలో ఉంచుకుని వీటినీ ఎంచుకోవాలి. అవన్నీ ఖరీదైనవే ఉండాలన్న సూత్రం ఏమీలేదు. ఉన్న వాటిలో, మనకు నప్పేవి ఎంపిక చేసుకుంటే సరిపోతుంది... అచ్చంగా దుస్తుల ఎంపిక లాగానే!

చేతులకు ధగధగమని మెరిసే బంగారు గాజులు ఎన్ని వున్నా వాటి మధ్యలో మట్టిగాజులు వేసుకుంటేనే వాటికి మరింత నిగారింపు వస్తుంది. పెళ్ళిళ్ళు, శుభకార్యాలకు రెండు చేతులకూ రంగురంగుల మట్టిగాజులు వేసుకుంటే మహిళల చేతులు కళకళలాడుతూ ఆకర్షణీయంగా వుంటాయి. చిన్నపిల్లలకైతే మట్టి, పింగాణీతో చేసిన గాజులు వేయడం కన్నా ప్లాస్టిక్, రబ్బరు, మెటల్, బంగారంతో చేసిన గాజులే భద్రంగానూ, చూడముచ్చటగానూ వుంటాయి. చిన్నపిల్లలకు సన్నటి గాజులు నాలుగైదు వేయడంకన్నా వెడల్పుగా వుండే సింగిల్ గాజు వేస్తేనే అందంగా వుంటుంది. రోజూ వేసుకునే కటింగ్స్ గాజు, గాజులకు వుండే మెరుపు కొన్ని రోజులకు పోతుంది. వాటిని వెంటనే మార్చేయాలి. లేకుంటే అందవికారంగా వుంటుంది. సాంప్రదాయం, ఆధునికం ఏదైనా రకరకాల రూపాల్లో గాజులను ధరించడం అంటే అమ్మాయిలకు అమిమతైన మక్కువ. ఫ్యాషనబుల్ గా కనిపించాలనుకున్నా, ప్రత్యేకంగా అనిపించాలన్నా దుస్తులు, హెయిర్ స్టైల్స్ తో పాటు గాజుల గలగలలు తప్పనిసరి. గాజుల ఎంపికలోనూ, ధరించడంలోనూ కొన్ని ప్రత్యకతలు పాటించాలి.

1. ఫ్యాషనబుల్ గా కనిపించాలంటే ఒక చేతికి మాత్రమే గాజులు వేసుకొని, ఆ గాజులను పోలి ఉండే ఫంకీ రింగ్ ను మరొక చేతి వేలికి ధరించాలి.
2. చేతికి ఎక్కువ గాజులు వేసుకునేటప్పుడు చూడగానే కంటికి నుదురుగా కనిపించే ఒక ప్రత్యేకమైన గాజును సెంటర్ లో ఉండేట్టుగా వేసుకోవాలి.
3. 4-6 ఆరు గాజులు ఒక తరహాలో వేసుకొనేటప్పుడు వాటికి మరొకొన్ని భిన్నమైన గాజులను జోడించాలి.
4. వెండి, బంగారు ఇతర లోహపు గాజులు ధరించేటప్పుడు రంగులు విషయంలో ప్రత్యేక శ్రద్ద తీసుకోవాలి. ఎక్కువగా నేచురల్ కలర్స్ ని ఎంపిక చేసుకుంటే కాంప్లిమెంట్స్ కూడా ఎక్కువగా అందుకుంటారు.
5. లెదర్, దారం, పూసలతో తయారు చేసిన బ్రేస్ లెట్స్ ను ధరించినప్పుడు ఇతర సంప్రదాయ గాజులకుదూరంగా ఉండటం మంచిది.
6. గాజుల ఎంపిక సమయంలో మీ మణికట్టు పరిమాణం కూడా పరిగణలోకి తీసుకోవాలి.