వాలెంటైన్ డే కళ్ళు మేకప్ పై అవగాహన ఉందా...

Make Up

oi-Saraswathi

By Sindhu

Published: Thursday, February 2, 2012, 12:30 [IST]

స్త్రీలో ముఖం చూడగానే ఆకర్షించేవి కనులే. అవును కళ్లల్లోనే ఉంది. ఏంటంటారా?… అందం, ఆకర్షణీయమైన కళ కళ్ళల్లోనే ఉంటుంది. అందుకే అవి మాట్లాడతాయి, ఆడతాయి, పాడతాయి, రెప్పవేసినా, తెరచినా భావాలను కుమ్మరిస్తాయి. అలాంటి కళ్ళకు మెరుగులు దిద్దుకునేవారి సంఖ్య నానాటికీ పెరుగుతూనే ఉంది. కళ్ల అలంకరణకి ప్రక్రియలు ఈనాడు ఎన్నో ఉన్నాయి. ఐబ్రోపెన్సిల్స్‌, ఐషాడో, వైలెనర్‌, మాస్కారా లాంటివి ఎన్నో ఉన్నాయి. కంటికి కనుబొమ్మల ఎడాన్ని పెంచి, కన్ను విపులంగా పెద్దగా కనిపించేలా చేస్తారు.

మేకప్‌ వేసుకునే సమయంలో సాధారణంగా చేసే తప్పు, ఫౌండెషన్‌ ఎన్నిక. తెల్లగా ఉన్న వారు లైటర్‌ షేడ్‌ లను ఉపయోగించడం వల్ల మాస్క్‌ వేసుకున్నట్టుగా ఉంటుంది తప్ప సహజంగా ఉండదు. సాధారణంగా ఫౌండెషన్లు పసుపు, పింక్‌ టోన్లలో దొరుకుతాయి. కనుక ఏది సరిపోతుంది అన్నది చేతిమీద రాసుకుని చూసుకుని ఎంచుకోవాలి. ఫౌండేషన్‌ కు తగ్గ పౌడర్‌ షేడ్‌ ను ఎంచుకోవాలి. సాధారణంగా కాంపాక్ట్‌ పౌడర్లలో కూడా రకరకాల షేడ్స్‌ దొరుకుతాయి. వాటిలో ఫౌండేషన్‌ కు సరిపోయే వాటిని ఎంచుకోవాలి.

కంటికి షేడ్స్‌ వేసుకుని వాటిని తీర్చి దిద్దుకునే సమయంలో కూడా చాలా జాగ్రత్తలు తీసుకోవాలి. కళ్ళకు పెట్టుకునే కాటుక, ఐషేడ్‌ సవ్యంగా వేసుకుంటే చాలా అందంగా కనిపిస్తారు. ముఖ్యంగా స్మోకీ ఎఫెక్ట్‌ కోసం చిన్న కళ్ళున్న వారు ప్రయత్నం చేయకపోవడమే మంచిది. ఆ ప్రయత్నం వారి కళ్ళను మరింత చిన్నగా కనిపించేలా చేస్తాయి మరి.

మేకప్‌ లో చివరగా వేసుకునే మస్కారా విషయంలో కూడా తగు జాగ్రత్తలు తీసుకోవాలి. బయటకు వెళ్ళే ముందు కనురెప్పలకు చక్కగా అంటేలా వేసుకోవాలి. అంతేకాని, గబగబా ఒక కోటింగ్‌ వేసుకుంటే దాని అందం అంతగా తెలియదు. మేకప్‌ వస్తువులు వాడేటప్పుడు ఖరీదు కొంచెం ఎక్కువైనా మంచి ఉత్పత్తులనే కొనుగోలు చేయడం మంచిది. అలాగే మేకప్‌ సామాగ్రిని ఎక్కువ కాలం దాచి వాడటం మంచిది కాదు.