చర్మ సంరక్షణకు చలికాల జాగ్రత్తలు!

1. క్రీమ్ మరియు తేనె - ఈ రెంటి మిశ్రమం మించింది వింటర్ లో చర్మసంరక్షణకు లేదనే చెపపాలి. మీగడ, తేనె రెండూ ఒక చిన్న గిన్నెలో బాగా మిక్స్ చేయండి కొద్ది పాలు కూడా కలపండి ఆ మిశ్రమాన్ని ముఖానికి మెడకు రాసి 10 నిమిషాలు వుంచి గుడ్డతో తుడిచేయండి.
2. మరో చర్యగా మీగడ, కొమ్ము అరగదీసిన పసుపు, నిమ్మరసం మూడూ కలిపిన మిశ్రమాన్ని ముఖానికి, చేతులకు, మెడకు రాసి పది నిమిషాలపాటు వుంచి కడిగేయండి.
3. ఆరెంజ్ తొక్కలు, క్రీమ్, స్ట్రాబెర్రీలు - ఆరెంజ్ తొక్కలను బాగా ఎండబెట్టండి. వాటిని స్ట్రాబెర్రీలు, మీగడలతో కలిపి మిక్సర్ లో వేయండి. ఈ మిశ్రమంలో కావలసినన్ని యాంటీ ఆక్సిడెంట్లు, విటమిన్ సి వుంటాయి. అవసరమనుకుంటే కొద్దిపాటి ఓట్ మీల్ పౌడర్ కలపండి. ఇక ఆ పేస్టును ఫేస్ మాస్క్ గా వేసుకోవచ్చు.
4. బాదంపప్పు, వెన్న, బియ్యం పిండి, క్రీమ్ ...ఈ నాలిగింటిని బాగా కలిపి ఆ మిశ్రమాన్ని ముఖానికి ఫేస్ పేక్ గా వేయండి. బాదం పప్పులనుఒక రాత్రంతా నీటిలో నానపెట్టాలి. ఈ మిశ్రమం బాగా చర్మంలోకి ఇంకేవరకు మెల్లగా రాయండి. చర్మంలో అధికంగా వున్న నూనెలను బాదం పప్పు తీసివేస్తుంది. ఈ మిశ్రమంలో ఇదే ప్రధాన పదార్ధం.