తక్కువగా తింటే ‘ముసలితనం’ రాదా..?

Skin Care

oi-Sivanjaneyulu

By Sivanjaneyulu Bommu

Published: Thursday, November 3, 2011, 10:20 [IST]

రాబోయో ముసలితనాన్ని కప్పిపుచ్చుకునేందుకు 'సౌందర్య శాలల'చుట్టూ చెక్కర్ల కొట్టే వారు తిండి కాస్తంత తగ్గించి తింటే ముదిమి ఛాయలు ఆలస్యంగా దరి చేరతాయని ఇటీవల నిర్వహించిన ఓ అధ్యయనం నిగ్గుతేల్చింది. యువ్వనంగా కనిపించేందుకు చాలా మంది 'బొటక్స్'ను ఉపయోగిస్తున్న విషయం తెలిసందే.

తక్కువ క్యాలరీలలో తీసుకునే పౌష్టికాహారం ఆరోగ్యం పై దీర్ఘకాలకి ప్రయోజనం చూపుతుందట. ఎప్పుడు కడుపును ఆహారంతో 'ఫుల్'గా నింపేయకుండా, కాస్తంతా వెలితి ఉండేలా చూసుకోవాలిన అధ్యయనకర్తలు సూచిస్తున్నారు. ఈ విధమైన ఆరోగ్య విధానాలను పాటించటం వల్ల వయసు పై బడటం కారణంగా మతిమరుపు, క్యాన్సర్, టైప్2 డయాబెటిస్ వంటి వ్యాధులు వచ్చే అవకాశం తక్కువుగా ఉన్నట్లు వీరు స్పష్టం చేస్తున్నారు.

ఆహారం తక్కువ క్యాలరీలలో తీసుకోవడం వల్ల పీఆర్ఎక్స్ 1 ఎంజైమ్ లెవెల్స్ పెరుగుతాయట. ఇది వయసు పై బడినపుడు కనిపించే లక్షణాల పైన ప్రభావం చూపిస్తుంది. క్యాలరీలు తక్కువగా తీసుకోవడం వల్ల పీఆర్ఎక్స్ 1 ఎంజైమ్ లెవెల్స్ కణాలలో ఉన్న హానికరమైన హైడ్రోజన్ పెరాక్సైడ్ లెవెల్స్ తగ్గుముఖం పడతాయని అధ్యయనంలో పాల్పంచుకున్న మైకెల్ మోలిన్ విశ్లేషించారు.