సిగ్గు పడితే ‘కొంప కొల్లేరే’..?

పాఠశాల్లలో సెక్స్ సంబంధించిన విద్యను బోధించకపోవడం, చిన్నతనం నుంచి మర్మ, జననేంధ్రియ భాగాలను రహస్య, అసహ్యకర భాగాలుగా ఊహించుకోవటం కారణంగానే మహిళలు ఆ భాగాలకు సంబంధించిన సందేహాలను, సమస్యలను నివృత్తి చేసుకునేందుకు వెనకడగు వేస్తున్నారు.

నిజానికి ఆరోగ్యవంతమైన స్త్రీ జననావయవం శరీరంలో వుండే పరిశుభ్రమైన అవయవాలలో ఒకటి. ప్రతినెల లోపలి పొరల్ని వదిలి కొత్త పొరల్ని పొందడం, స్రావాల ద్వారా, కండరాల కదలికల ద్వారా ఎప్పటికప్పుడు తనని తను పరిశుభ్రపరుచుకునే అవయవం ఇది. ఒక అద్దం తీసుకుని స్వంతంగా రోజూ ఈ అవయవాన్ని గమనించడం అవసరం.

మహిళలు జనన, మర్మాంగ భాగాల్లో వ్యాప్తి చెందే వ్యాధుల పట్ల ఆశ్రద్ధ, భయం, సిగ్గు తదితర కారణాల చూపి సమస్యను మరింత జటిలం చేసుకుని ప్రాణాలమీదకు తెచ్చుకోవద్దని నిపుణులు హెచ్చరిస్తున్నారు.