బొక్క బోర్లా పడుకుంటే ముఖంపై ముడతలే..?

ముఖాన్ని దిండులోకి దూర్చి గాఢంగా నిద్రలోని జారుకునే వారికి నోరు, ముక్కు భాగాల చుట్టూ ముడతలు వచ్చే అవకాశం ఉందట. అంతేకాదు, ఈ విధంగా నిద్రించటం వల్ల ముఖంలోని తేమను దిండు పై భాగంలో ఉండే గలేబు వస్త్రం పీల్చేసుకొంటుంది. ఈ ప్రభావంతో చర్మం పొడిబారిపోయే ప్రమాదముంది. బొక్కబోర్లా పవళించటం వల్ల బరువంతా పొట్ట పై పడుతుంది. ఈ క్రమంలో పొట్ట భాగం పై ఒత్తిడి పెరిగి జీర్ణక్రియలో వేగం మందగిస్తుంది.

వెన్నుకి సౌకర్యంగా ఉండేలా.. పక్కకు తిరిగి ఒత్తిగిలి పడుకోవడం, పొట్టమీద చేతిని ఆన్చకుండా ఉండటం వంటి సరైన నిద్రించే విధానాలను అలవర్చుకోవాలని నిపుణులు సూచిస్తున్నారు. నిద్ర విషయంలో తగు జాగ్రత్తలు పాటించటం వల్ల వ్యాధినిరోధక శక్తి పెరిగి ముఖ కాంతి వృద్ధి చెందటంతో పాటు ముడతల సమస్య దరికి చేరదు.