పాలు-మంచి గందం తోటి చక్కటి సౌందర్యం...

Skin Care

oi-Saraswathi

By Sindhu

Published: Wednesday, January 11, 2012, 13:29 [IST]

1. ఎండలో నుంచి వచ్చాక ముఖాన్ని చల్లటి నీళ్లతో శుభ్రపరుచుకోవాలి. తరువాత కలబంద గుజ్జును ముఖానికి రాసి మర్దన చేయాలి. ఒకవేళ కలబంద అందుబాటులో లేని పక్షంలో దానికి సంబంధించిన ఉత్పత్తులను వాడుకోవచ్చు. ఇది ఎండ వేడి నుండి చర్మాన్ని కాపాడి తాజాదనాన్ని అందిస్తుంది.

2. వెనిగర్ ను చిన్న పాత్రలోకి తీసుకుని అందులో పొడివస్త్రాన్ని ముంచి..ముఖం, మెడ చేతులకు రాసుకోవాలి. దీనివల్ల చర్మంపై పేరుకున్న దుమ్ము, ధూళి తొలగిపోతుంది. మృదువుగా మారుతుంది.

3. ముఖ చర్మం ప్రకాశవంతంగా మారి..మృదుత్వాన్ని సంతరించుకోవాలంటే..ఇలా చేసి చూడండి. బంగాళాదుంప చెక్కు తీసి మెత్తగా రుబ్బాలి. ఈ మిశ్రమాన్ని ముఖానికి రాసుకోవాలి. ఆరాక చల్లటి నీటితో కడిగేస్తే చాలు..ముఖం కాంతివంతంగా ఉంటుంది.

4. తాజా మీగడను ముఖం మీద నెమ్మదిగా మర్ధనచేయాలి సుమారు పది నిముషాలు చేసి చల్లని నీటితో ముఖం కడుగుకోవాలి . ముఖచారం మీద ఉన్న మృతకణాలు రాలిపోయి తాజాదనం వస్తుంది.

5. పచ్చిపాలు, మంచి గంధం సరిపడా తీసుకొని ఈ మిశ్రమాన్ని ముఖానికి మాత్రమే కాక, మెడకు, చేతులకు పట్టించి ఆరాక చల్లని నీటితో కడిగేయాలి. ఇది క్రమం తప్పకుండా ఒక నెల రోజులు వాడి చూడండి.. తేడా మీకే తెలుస్తుంది. ఇది ముఖానికి పట్టించి, ముఖాన్ని కడిగేశాక ముఖం ఎంత మెరుపు, నునుపును సంతరించుకుంటుందో తెలిసిపోతుంది.