వంటింటి వస్తువులే అందానికి సోఫానాలు...

Skin Care

oi-Saraswathi

By Sindhu

Published: Thursday, March 15, 2012, 12:11 [IST]

1. క్యారెట్ రసంలో కొంత గోధుమ పిండి కలపి ముఖానికి రాసుకుని ఇరవై నిమిషాల తర్వాత కడిగేస్తే ముఖం అందంగా మృదువుగా తయారవుతుంది.
2. ఓట్స్‌, పాలు, బాదం పాలు, పన్నీర్‌ కలిపి ముఖానికి పూసుకుని రెండు నిముషాల తర్వాత కడిగేస్తే ముఖం మెరుస్తుంది.
3. ఆపిల్‌ను వేడినీటిలో వేసి తొలు తీసి జూస్‌ లా చేసి చర్మానికి పట్టిస్తే వస్తే చర్మం మెరిసిపోతుంది.
4. పుదీనా, వేపాకు, తులసి ఆకులను సమపాలలో తీసుకుని నూరి ముఖానికి పట్టిస్తూ వస్తే మొటిమలు రావు.
5. బాగా పండిన అరటి పండు తొక్కకు అంటి ఉన్న గుజ్జును రోజూ పులిపిర్లకు రాస్తూ ఉంటే కొంత వరకు తగ్గే అవకాశం ఉంది.
6. దోసకాయ రసంతో ముఖం శుభ్రం చేసుకుంటే యాస్ట్రింజెంట్ లా పనిచేస్తుంది.
7. పొట్లకాయ రసంలో కొంత టమోట రసం కలిపి ముఖానికి రాసుకుని ఐదు నిమిషాల తర్వాత గోరు వెచ్చటి నీళ్ళతో ముఖం శుభ్రం చేసుకుంటే ముఖం అందంగా..మృదువుగా తయారవుతుంది.
8. ముఖాన్ని మృదువుగా ఉంచేందుకు ఉపయోగపడే స్క్రబ్బింగ్-పెసరపండి, బియ్యప్పిండి, ఎర్రకందిపప్పు, గోధుమలు కొంచెం బరకగా పిండి పట్టించి అందులో ఓట్‌ మీల్‌ పౌడరు, నారింజతొక్కల పొడి కలిపి నిల్వ చేసి పెట్టుకోవాలి. ఈ పొడి ఒక స్పూను తీసుకుని దాంట్లో పాలమీద మీగడకానీ, మాయిశ్చరైజింగ్‌ క్రీమ్‌ కానీ కలిపి దాంతో ముఖం అంతా మర్దన చేసుకుంటే చర్మం మృదువుగా తయారవుతుంది.