మేనిమెరుపుకు వంటింటి వస్తువులుండగా..కాస్మొటిక్స్ ఎందుకు..?

Published: Wednesday, March 28, 2012, 12:30 [IST]

బాడీలోషన్లు, క్లెన్సరన్ లు స్క్రబ్స్, సన్ స్ర్కీన్లు, మాయిశ్చరైజరులు, యాస్ట్రింజెంట్లు లేదా టోనర్లు ఇలా స్కిన్ కేర్ కోసం రకరాకాలుగా ప్రయత్నాలు చేసి విసిగి వేసారి చివరకు వాటిని వాడకుండానే వదిలేస్తున్నారు కొందరు మహిళలు. అయితే ఇంట్లో దొరికే వస్తువులతోనే చక్కని లెన్సర్స్, స్ర్కబ్స్, టోనర్స్, యాస్ట్రింజెంట్లు బాగా పనిచేస్తాయని తెలుసుకోలేకపోతురన్నారు.. ఉదాహరణకు కొన్ని మృదువైన చర్మానికి ఇంట్లోనే మాయిశ్చరైజర్స్ ఎలా తయారు చేసుకొని ఉపయోగించాలో మీకోసం కొన్ని....

1. బేకింగ్ సోడా: మృదువైన, పట్టులాంటి చర్మం కావాలంటే స్నానానికి ముందు బేకింగ్‌ సోడాను ఒంటికి పట్టించి తర్వాత స్నానం చేస్తే మీ శరీరం మృదువుగా, ప్రకాశవంతంగా కనిపిస్తుంది. ఇదే ముఖంపై ఉండే బ్లాక్‌ హెడ్స్ నివారణకు కూడా ఉపయోగపడుతుంది.
2. పసుపు: మామూలుగా వంటింట్లో ఇది వాడనది ఏ వంటా పూర్తవ్వదు. పసుపు చేసే లాభాలు అందరికీ దాదాపు తెలిసిందే. కానీ పసుపు కంటికింద ఉండే నల్లటి చారల్ని, ఉబ్బును కూడా తొలగిస్తుందని చాలామందికితెలియదు. పగిలిన మడమలను బాగుచేస్తుంది. పిగ్మెంటేషన్, ముడుతల్ని పోగొడుతుంది. చర్మానికి మెరుపునిస్తుంది..ఇన్ని సుగుణాలున్న పసుపును ప్రతి రోజూ ఉపయోగిస్తే సౌందర్యం మీ చెంతే ఉంటుంది.
3. కీరదోస: వేసవిలో అరుదుగా లభించే కీరదోసకాయ, పైనాపిల్, నిమ్మరసాలు ప్రకృతి ఇచ్చిన యాస్ట్రింజెంట్లు. ఇంట్లో వీటిని వాడే ముందు ముఖానికి ఆవిరిపట్టాలి. ఇలాచేయడం వల్ల ముఖంపై రంధ్రాలు తెరుచుకుని శుభ్రమవుతాయి. దీనివల్ల పోషకాలు సులభంగా చర్మంలోకి ప్రవేశించే వీలుంటుంది.
4. వంటింట్లో ఉపయోగించే మెంతులు, కందిపప్పుల్ని పొడిని గుడ్డులోని తెల్లసొనతో కలిపి పేస్ట్ చేసి దాన్ని చర్మం పై రాసుకుంటే జిడ్డు తొలగిపోతుంది. చర్మానికి మెరుపునిస్తుంది.
5. తేనెలో నిమ్మరసాన్ని, వేరుశనగ పప్పు పొడిని వేసి పేస్ట్ లా చేసి స్క్రబ్బింగ్ గా ఉపయోగిస్తే చక్కటి మెరుపు సంతరించుకుంటుంది.