8 సూపర్ ఫుడ్స్ తో యవ్వనం..ఆరోగ్యం మీ సొంతం

ఆరోగ్యంగా ఉండటానికి యాపిల్ చేసే మేలు అంతా ఇంతా కాదు, రోజుకు ఒక యాపిల్ తిన్నా గంపెడు ఆరోగ్యాన్ని కొని తెచ్చుకున్నట్టే. కాబట్టి ప్రతి రోజు ఆహారంలో ఏదో ఒకపూట కనీసం ఒక యాపిల్ అయినా తినాలి. ఆపిల్ లో ఉండే సి విటమిన్ చర్మంలోని ముడతలను తగ్గించి యవ్వనంగా ఉంచుతుంది.

సోయాబీన్ లో ఉండే ఫ్లేవోన్స్, శరీరంలోని హార్మోన్ ఇంబాలెన్స్ వల్ల కలిగే రుగ్మతలను దూరంగా ఉంచుతుంది. ఇందులో చర్మానికి కావలసిన పోషకాలన్నీ పుష్కలంగా ఉన్నాయి. సోయా బీన్స్ కారణంగా కొవ్వు శాతాన్ని తగ్గించడం, ఎముకల్లో దృఢత్వం పెంచడం వీలవుతుంది.

టమాటాల్లో అధిక మోతాదులో ఉండే లైకోపిన్, చర్మాన్ని కాంతిహీనం చేసే సెల్స్ ని అదుపులో ఉంచుతాయి. పచ్చి టమాటాల్లో కంటే వండిన టమాటాల్లో 5 రెట్లు ఎక్కువ లైకోపిన్ ఉంటుంది. చర్మానికే కాదు రకరకాల గుండెకు సంబంధించిన వ్యాధుల నుండి ఈ లైకోపిన్ దూరంగా ఉంచుతుంది.

ఆకుకూరల్లో విటమిన్ సి, పుష్కలంగా ఉంటుంది, అది చర్మం కాంతివంతంగా ప్రకాశించడంలో దోహదపడుతుంది. అంతేకాదు ఆకుకూరల్లో ఉండే క్యారోటినాయిడ్స్ చర్మం ముడతలను తొలగించి, ఆరోగ్యంగా ఉంచుతుంది.

వేరు శనగల్లో అధిక మోతాదులో ఉండే విటమిన్ ఇ, సిలీనియం, జింక్ శరీర సౌందర్యానికి కావలసిన హార్మోన్ ల ఉత్పత్తిలో సహకరిస్తాయి. రక్తప్రసరణ మెరుగుపరచి మంచి ఆరోగ్యంతో పాటు చర్మ సౌందర్యానికి ఉపకరిస్తాయి.

వెల్లుల్లిని మించిన యాంటి ఆక్సిడెంట్ లేదు, వెల్లుల్లిని ఏదో రూపంలో ఆహారంలో ఉండేటట్లు చూసుకుంటే చాలు, ఎన్నో రోగాలు మన దగ్గరికి కూడా రావు, వెల్లుల్లిలో ఉండే ఆంటిసెప్టిక్ , ఆంటి బ్యాక్టీరియల్, ఆంటీ వైరల్స్, స్కిన్ ఇన్ఫెక్షన్ నుండి దూరంగా ఉంచుతాయి. రక్తాన్ని శుద్ధపరచి గుండెను ఆరోగ్యంగా ఉంచుతాయి. బ్లడ్ ప్రెషర్ ను క్రమబద్ధం చేసి రక్తంలో చెడు కొవ్వును తగ్గించి ఆరోగ్యంగా ఉండటానికి తోడ్పడుతుంది.

మరో యాంటిఆక్సిండెంట్ గ్రీన్ టీ. ఇది కావల్సిన శక్తిని ఇస్తుంది. మైండ్ ను రిఫ్రెష్ చేస్తుంది. చెడు కొలెస్ట్రాల్ ను కరిగిస్తుంది. ఇది కూడా వయస్సు పైబడనీయకుండా ఉంచే వాటిలో ఒక అద్భుతమైనటువంటిదే.

వయస్సును తగ్గించడంలో ప్రతి రోజూ మనం తీసుకొనే డైయట్ లో నీరు కూడా ఒక భాగమే. నీరు ఇంటర్నల్ గాను, ఎక్సటర్నల్ గాను మంచి ప్రయోజనకారి. ప్రతి రోజూ ఎనిమిది నుండి పది గ్లాసుల నీరు తాగడం వల్ల శరీరానకి కావల్సిన తేమ అంది ఎప్పటికీ ఆరోగ్యంగా ఉంచుతుంది.