చర్మపై రంధ్రాలని సహజం గా నిర్మూలించడం ఎలా ?

ఐస్ క్యూబ్ : ఈ చికిత్స చాలా సులభం. ఒక కాటన్ వస్త్రం లో ఐస్ క్యూబ్ ని ఉంచి మీ ముఖం పై రుద్దాలి. చర్మం పై రంధ్రాలని ఐస్ క్యూబ్స్ గట్టిగా చేస్తాయి. చర్మాన్ని మెరుగ్గా చేసుకోవడానికి ఈ పద్దతిని ప్రతి ఉదయం పాటించండి. ఈ విధానం చర్మం సహజం గా ఉత్పత్తి చేసే సెబమ్ (నూనె గ్రంధులు) ని సాధారణం గా ఉంచడానికి తోడ్పడుతుంది.

తేనె : చర్మం పై రంధ్రలని తగ్గించడానికి తేనె ఎంత గానో ఉపయోగపడుతుంది. నూనె చర్మం గల వారికి కూడా ఈ చిట్కా ఉపయోగపడుతుంది. రెండు లేదా మూడు టేబుల్ స్పూన్ల తేనె లో నిమ్మ రసం కలిపి హెర్బ్ హనీ మాస్క్ ని తయారు చేసుకోండి . ఈ మిశ్రమం తో మీ చర్మాన్ని మసాజ్ చేసి కనీసం అయిదు నిమిషాల వరకు అలాగే ఉంచండి. ఆ తరువాత్ గోరువెచ్చటి నీటితో కడిగేయండి.

టమాటో రసం : చర్మం పై రంద్రాలని కుదించేందుకు టమాటో రసం ఉపయోగపడుతుంది. మీ ముఖం పై టమాటో రసాన్ని రాసి కనీసం 20 నిమిషాల పాటు అలాగే ఉంచి ఆ తరువాత్ గోరువెచ్చటి నీటితో కడగండి. ఈ విధం గా వారం లో కనీసం మూడు సార్లు చేస్తే అందమైన చర్మం మీ సొంతం.

దోసకాయ రసం : చర్మ సౌందర్యం లో దోస రసానికి ప్రత్యేక స్థానం . పెద్ద చర్మ గ్రంధుల ఇబ్బందుల తో సహా అనేక ఇబ్బందులకు ఇది మంచి చిట్కా . ముఖానికి మాస్క్ లాగే కాక శరీరం లో ని వ్యర్ధాలను నిర్మూలించడానికి ఈ రసం తాగటానికి ఉపయోగపడుతుంది. దోసకాయ రసం లో కొంచెం ఉప్పు కలిపి మీ ముఖానికి అప్లై చేసి కొన్ని నిముషాలు అలాగే ఉంచాలి.

ఓట్ మీల్ : అయిదు టేబుల్ స్పూన్ల తేనే లో రెండు టేబుల్ స్పూన్ల ఓట్ మీల్ కలిపి, రెండు స్పూన్ల మిల్క్ పౌడర్ కూడా కలపండి. ఈ మిశ్రమాన్ని బాగా కలపాలి. ముఖంపై సమానం గా ఈ మిశ్రమాన్ని అప్లై చేసి వృత్తాకారం లో మసాజ్ చెయ్యండి. ఆ తరువాత కడగండి. ఈ విధంగా వారం లో కనీసం రెండు సార్లు చెయ్యాలి.

చర్మం పై రంధ్రలని కుదించేందుకు చిట్కాలు

ఫేస్ వాష్: ప్రతి రోజు రాత్రి మేకప్ ని జాగ్రత్తగా శుభ్రం చేసుకోండి. సాలిసైక్లిక్ ఆసిడ్ కలిగిన సోప్ తో మీ ముఖాన్ని శుభ్రపరచుకోండి. ఈ పదార్ధం తో మురికి మరియు జిడ్డు ని వదిలించడం వల్ల చర్మపు రంధ్రాలు తెరచుకుని చర్మం శుభ్రపడుతుంది.

మాయిశ్చరైజర్: మాయిశ్చరైజర్ ఎంచుకునేటప్పుడు జిడ్డు లేనటువంటిది మరియు ఎలర్జీలు కలిగించనటువంటిది వాడండి. సాలిసైక్లిక్ ఆసిడ్ లో మాయిశ్చరైజర్ కలిసి ఉండడం వల్ల కొన్ని రకాల చర్మాలకు ఇరిటేషన్ కలిగించవచ్చు.

సోపులు: రసాయనాలు అధికంగా లేనటువంటి మేలు రకం సోపులను, గాఢత తక్కువ ఉన్న సోపులను మరియు మెడికేటడ్ సోపులను ఉపయోగించడం మేలు.

సన్ స్ర్కీన్ లోషన్: ప్రతి రోజు సన్ స్క్రీన్ వాడండి. నిజానికి చాలా మందికి సూర్య రశ్మి వల్ల చర్మ సౌందర్యం దెబ్బ తింటుందని తెలియదు. కొల్లజేన్ చర్మపు పొరలు సున్నితం గా ఉంటాయి.

అవసరమైనప్పుడు ప్రత్యెక శ్రద్ధ వహించండి. తగిన చికిత్స కొరకు చర్మ వైద్యున్ని సంప్రదించండి. మీ చర్మానికి తగినటువంటి అనేక ప్రత్యేక చికిత్స విధానాల ద్వారా కొన్ని చర్మ సమస్యలను అధిగమించవచ్చు. తెలివైన వినియోగాదారులుగా సరి అయిన చికిత్సని ఎంచుకోండి. ఎటువంటి సైడ్ ఎఫెక్ట్స్ లేనటువంటి చికిత్సని ఎంచుకోండి.