పెదాలు నల్లగా మారడానికి 8 ప్రధాన కారణాలు.!

స్మోకింగ్ : స్మోకింగ్ వల్ల పెదాలు నల్లగా మారుతాయే విషయం ప్రతి ఒక్కరికీ తెలిసిన విషయమే. సిగరెట్స్ లో ఉన్ననికోటిన్ పెదాలను నల్లగా మార్చుతుంది మరియు పెదాలు సహజ రంగును కోల్పోయి అసహ్యంగా కనబడుతాయి. ఆరోగ్యంతో పాటు అందాన్ని కూడా హరించేసే ఈ ధూమపానాన్ని వెంటనే నిలిపివేయడం ఉత్తమ పద్దతి.

కెఫిన్: కాఫీలోని కెఫిన్ మన పళ్ళను మరకలు పడేలా చేస్తాయన్న విషయం మనందరికీ తెలిసిన విషయమే. మరియు పళ్ళను పసుపుపచ్చగా మార్చుతాయి. కాఫీ, టీలు త్రాగడం వల్ల మరో సైడ్ ఎఫెక్ట్ పెదాలు కూడా నల్లగా మారుతాయి. మీరు తీసుకొనే మోతాదును బట్టే మీ పెదాలు నల్లగా మారడం జరుగుతుంది. దీన్ని నివారించాలంటే కాఫీ, టీలతో పాటు తగినన్ని నీళ్ళు కూడా తీసుకోవడం ఉత్తమ పద్దతి.

సూర్యుని ప్రభావం: సూర్యకిరణాలు చర్మం, పెదవుల మీద సున్నత చర్మ మీద తగిలినప్పుడు అక్కడ ఉండే మెలనిన్ ఉత్పత్తి పెంచుతుంది. మన పెదాలు చాలా సున్నితంగా ఉంచుతాయి. సూర్య రశ్మి వల్ల దీర్ఘకాలం పాటు పెదాలు నల్లగా మారడం జరుగుతుంది. దీన్ని నివారంచడం కోసం లిప్ బామ్స్ ను ఉపయోగించవచ్చు.

లిప్ ప్రొడక్ట్స్: మీరు పెదాల అందం కోసం ఉపయోగించే లిప్ ప్రొడక్ట్స్ మీద చాలా జాగ్రత్త వహించాలి. లోక్వాలిటీ లిప్ స్టిక్స్ పెదాలను నల్లగా మార్చుతాయి. అంతే కాదు ఇవి పెదాల అందాన్ని పాడు చేస్తూ పెదాలకు అలెర్జీని కలిగిస్తాయి. కాబట్టి పెదాలకు ఉపయోగించే కాస్మోటిక్స్ నాణ్యమైన వాటిని ఎంపిక చేసుకోవాలి.

హైడ్రేషన్: తగినంత నీరు తాగకపోవడం వల్ల డీహైడ్రేషన్ కు గురిఅవుతారు. ఫలితంగా పెదాలు ఎండిపోయి మరింత నల్లగా మారుతాయి. కాబట్టి ప్రతి రోజూ తగినన్ని నీరు 2-3లీటర్ల నీరు త్రాగడం వల్ల మీ శరీరానికి హైడ్రేషన్ కలిగించి చర్మంతో పాటు పెదాలను తేమగా ఉంచుకోవచ్చు.

పెదాలను తడిచేయడం: పెదాలను కొరకడం, పెదాలను తరచూ తడిచేస్తుండం వల్ల కూడా నల్లగా మారుతాయని కొందరు శాస్త్రవేత్తలు నిరూపించబడ్డాయి. పెదాలను తడి చేయడం వల్ల పెదాలు నల్లగా మారుతాయి మరియు పెదాల పగుళ్ళకు దారితీస్తుంది. లాలాజంతో పెదాలను తడి చేయడం వల్ల పెదాలు త్వరగా పొడిబారడానికి కారణం అవుతుంది.

డైట్: విటమిన్ల లోపం వల్ల కూడా పెదాలు నల్లగా మారుతాయి. విటమిన్ సి లోపిస్తే పెదాల నల్లబడటం జరుగుతుంది. కాబట్టి మీ తీసుకొనే ఆహారంలో సమతుల ఆహారమై ఉండాలి. అందుకు తాజా పండ్లు మరియు తాజా కూరగాయలను తీసుకోవాలి.

అలెర్జీ: కొన్ని కాస్మోటిక్స్ వల్ల పెదాల మీద అలెర్జీ చెందుతాయి. దాంతో పెదాలు మరింత నల్లగా మారుతాయి . మీరు పెదాలకు ఉపయోగించే లిప్ స్టిక్స్ లో కొన్ని రంగులు లేదా ప్రతి చర్య కలిగించే పరిమళాలు కలిగి ఉండవచ్చు. అవి మీ పెదాలకు అలెర్జీ కలిగించవచ్చు. కాబట్టి అటువంటివి కొనడానికి ముందు మీ చర్మ మీద వాటిని వేసుకొని పరీక్షించిన తర్వాత కొనుగోలు చేయడం మంచిది.