అందంగా మారడానికి సింపుల్ ఫేషియల్ ప్యాకేజ్

ఆయిలీ స్కిన్ ఉన్నవారికి - సిట్రస్ మాస్క్

కావలసినవి:

½ tsp పంపర పనస (Grapefruit),

½ tsp నిమ్మ రసం,

½ tsp యాపిల్ పండు,

1- 2 గుడ్డు లోని తెల్లసొన ,

30-40 ద్రాక్ష పళ్ళు

వీటన్నింటిని బ్లెండ్ చేసి మొహానికి పెట్టుకుని 15 నిమిషాల తరవాత గోరువెచ్చటి నీటితో కడిగేస్తే మొహం లో జిడ్డు తగ్గుతుంది.

పెరుగు మాస్క్

కావలసినవి:

పెరుగు

పెరుగును మొహానికి పట్టించి 20 నిమిషాల తరవాత కడగాలి. డ్రై స్కిన్ ఉన్నవారు రోజుకు ఒకసారి అప్లై చేసుకుంటే చర్మం కాంతి లీనుతుంది.

బొప్పాయి

బొప్పాయి గుజ్జును మొహానికి రాసుకుని 5 నిమిషాల పాటు ఉంచి గోరువెచ్చటి నీటితో కడిగేయాలి.బొప్పాయి లో ఉండే పపైన్ అనే ఎంజైమ్ చర్మానికి బాగా ఉపకరిస్తుంది.

గుడ్డు తో ఫేషియల్స్

ఎగ్ మాస్క్ 1

కావలసినవి:

1 గుడ్డులోని తెల్లసొన

గుడ్డు లోని తెల్లసొనను 15 నిమిషాల పాటు మొహానికి రాసుకుని రిలాక్స్ అయితే స్మూత్ గా తయారవుతుంది.

ఎగ్ మాస్క్ 2

కావలసినవి:

గుడ్డులోని పసుపుసొన

గుడ్డులోని పసుపు సొనను 15 నిమిషాల పాటు మొహానికి రాసుకుని గోరువెచ్చటి నీటితో కడిగితే చర్మం నిగనిగలాడుతుంది. గుడ్డు లోని పసుపు సొన లో ఉండే యాంటీ- ఆక్సిడెంట్స్ చర్మాన్ని కాంతివంతం చేస్తాయి. ఆరోగ్యంగా ఉంచుతుంది.

గుడ్డు మరియు తేనె స్పెషల్

కావలసినవి:

గుడ్డులోని పసుపు సొన

1 tsp తేనె

1 tsp విటమిన్ ఈ ఆయిల్

1 tsp బాదం నూనె

వీటన్నింటిని బాగా కలిపి 15 నిమిషాలు మొహానికి పట్టించి కడిగేయాలి. ఈ మాస్క్ అన్ని రకాల చర్మం వారికి బాగా ఉపకరిస్తుంది. ఈ మిశ్రమాన్ని కనీసం వారానికొకసారైనా మొహానికి పట్టిస్తే గుడ్డులోని పసుపు సొనలో ఉన్న యాంటీ యాక్సిడెంట్స్ చ ర్మాన్ని ఆరోగ్యంగా ఉంచుతాయి.

డీ హైడ్రేటెడ్ స్కిన్ ఉన్నవారికి - ఫ్రూట్ మాస్క్

కావలసినవి:

ఒక కప్పు నిండా స్ట్రా బెర్రీస్, పీచెస్, నిమ్మరసం , మరియు అరటిపండు.

2-3 tsp డబుల్ క్రీం

3 tsp వెన్న

1 tsp బెల్లం

4 స్పూన్ ల ఓట్ మీల్ పౌడర్

కలిపి బ్లెండ్ చేసి 15 నిమిషాలు మొహానికి రాసుకుని గోరువెచ్చటి తో నీటితో కడగండి.

తేనె మాస్క్

కావలసినవి:

1 1/2 tsp తేనె

1 గుడ్డులోని తెల్లసొన

2 tsp గ్లిసరిన్

1/3 cup శనగపిండి

వీటన్నింటినీ కలిపితే చిక్కటి పేస్ట్ లా తయారవుతుంది . దాన్ని 15 నిమిషాల పాటు మొహానికి పెట్టుకుని గోరువెచ్చటి నీటితో కడిగేయండి. ఈ మిశ్రమం చర్మాన్ని మాయిస్చర్ చేసి స్కిన్ ని టైటనింగ్ చేసి చర్మం స్మూత్ గా సాఫ్ట్ గా అయ్యేలా చేస్తుంది.

టమాట మాస్క్

కావలసినవి :

1/2 టమాట ( టమాట తోలు, గింజలు లేకుండా చేసుకోవాలి)

2 tsp పెరుగు

1 tsp సన్నగా తరిగిన కీరదోస

3-4 tsp ఓట్ మీల్ పౌడర్

3 పుదీనా ఆకులు

వీటన్నింటినీ కలిపి మొహానికి పట్టించి 10 నిమిషాల తర్వాత గోరువెచ్చటి నీటితో కడగాలి. ఈ మాస్క్ ఆయిలీ స్కిన్ ఉన్నవారికి బాగా ఉపకరిస్తుంది. టమాట లో మంచి యాంటీ ఆక్సిడెంట్స్ గుణాలు ఉన్నాయి. పెరుగు చర్మం లో తేమను కాపాడుతుంది.

సులువైన ఫ్రూటీ ఫేషియల్స్

పుచ్చకాయ

పుచ్చకాయ గుజ్జును మొహానికి రాసుకుని 5 నిమిషాల పాటు ఉంచితే మొహంలోని మలినాలన్నీ శుభ్రం అవుతాయి.

స్ట్రా బెర్రీ

స్ట్రా బెర్రీలను క్రష్ చేసి మొహానికి రాసుకుని 2-3 నిమిషాలు ఉంచి గోరువెచ్చటి నీటితో కడిగేయాలి. స్ట్రా బెర్రీ లో ఉండే విటమిన్ సి, చర్మాన్ని తేజోవంతం చేస్తుంది.