ముఖంలో గులాబీ మెరుపులు పొందడానికి నేచురల్ ఫేస్ ప్యాక్స్

దానిమ్మ మరియు తేనె ఫేస్ ప్యాక్:

దానిమ్మ గింజలను మెత్తగా పేస్ట్ చేసి అందులో ఒక చెంచా తేనె మిక్స్ చేసి ముఖానికి పట్టించి 30 నిముషాల తర్వాత చల్లటి నీటితో శుభ్రం చేసుకోవాలి. ఫెయిర్ స్కిన్ పొందడానికి ఇది ఒక ఉత్తమ హోం రెమెడీ.

పెసలు మరియు పసుపు ఫేస్ ప్యాక్:

రెండు చెంచాల పెసళ్ళ పౌడర్ మరియు చిటికెడు పసుపు తీసుకోవాలి . దీనికి కొద్దిగా పాలు జోడించి చిక్కగా పేస్ట్ చేసుకోవాలి. ఈ పేస్ట్ ను ముఖానికి పట్టించి 20 నిముషాల తర్వాత శుభ్రం చేసుకోవాలి.

బంతిపువ్వులు మరియు రోజ్ ప్యాక్:

బంతపువ్వుల యొక్క రేకులను మెత్తగా పేస్ట్ చేసి దానికి కొన్ని చుక్కల రోజ్ వాటర్ మిక్స్ చేసి పేస్ట్ లా చేసుకోవాలి. ఈ పేస్ట్ ను ముఖం మరియు మెడకు పట్టించి 15 నిముషాల తర్వాత చల్లటి నీటితో శుభ్రం చేసుకోవాలి . ఇది ఒక బెస్ట్ హోం మేడ్ ఫేస్ ప్యాక్.

పుదీనా మరియు ముల్తానీ మట్టి ఫేస్ ప్యాక్:

తాజాగా ఉండే పుదీనా ఆకులు మెత్తగా గ్రైండ్ చేసి, దానికి కొన్ని చుక్కల రోజ్ వాటర్ ను మిక్స్ చేయాలి . తర్వాత అందులో కొద్దిగా ముల్తానీ మట్టి మిక్స్ చేసి, ఈ పేస్ట్ ను ముఖానికి అప్లై చేయాలి. 20 నిముషాల తర్వాత చల్లటి నీటితో శుభ్రం చేసుకోవాలి.

గంధం మరియు రోజ్ వాటర్:

ఒక టేబుల్ స్పూన్ గంధంలో చిటికెడు పసుపు మరియు కొన్ని చుక్కల రోజ్ వాటర్ మిక్స్ చేసి పేస్ట్ చేసుకోవాలి . ఈ పేస్ట్ ను ముఖానికి మరియు మెడకు పట్టించి 20 నిముషాల తర్వాత గోరువెచ్చని నీటితో శుభ్రం చేసుకోవాలి.ఈ ఫేస్ ప్యాక్ వల్ల నేచురల్ ఫెయిర్ ను పొందవచ్చు.

తేనె మరియు వేప ఫేస్ ప్యాక్:

ఈ ఫేస్ ప్యాక్ ను తయారుచేయడానికి ఒక చెంచా తేనెలో చిటికెడు పసుపు మిక్స్ చేసి పేస్ట్ లా చేసి కొన్ని చుక్కల రోజ్ వాటర్ మిక్స్ చేసి ముఖానికి పట్టించి 10 నిముషాల తర్వత గోరువెచ్చని నీటితో శుభ్రం చేసుకోవాలి.

తులసి మరియు వేప ఫేస్ ప్యాక్:

ఈ ఫేస్ ప్యాక్ ను కోసం తులసి ఆకులు మరియు కొద్దిగా వేప ఆకులు తీసుకొని పేస్ట్ లా చేయాలి. అందులో కొన్ని చుక్కల రోజ్ వాటర్ మిక్స్ చేసి, ఈ పేస్ట్ ను ముఖానికి పట్టించాలి. 15 నిముషాల తర్వాత గోరువెచ్చని నీటితో శుభ్రం చేసుకోవాలి.

నువ్వులు మరియు పసుపు:

నువ్వులను నీళ్ళలో వేసి 12గంటలు నానబెట్టాలి. తర్వాత నీరు వంపేసి పేస్ట్ చేయాలి. ఈ పేస్ట్ కు కొన్ని చుక్కల ఆపిల్ సైడర్ వెనిగర్ , పసుపు మిక్స్ చేసి పేస్ట్ లా చేసిన తర్వాత ముఖానికి ప్యాక్ లా వేసుకొని 15 నిముషాల తర్వాత శుభ్రం చేసుకోవాలి.