మొటిమలు రావడానికి అనారోగ్య సమస్యలు కారణమా ?

నుదురు

మొటిమలు, చిన్న చిన్న గుళ్లలు ఎక్కువగా నుదిటి భాగంలో కనిపిస్తుంటాయి. ఈ భాగంలో యువకులకే కాదు.. పెద్దవాళ్లలోనూ మొటిమల సమస్య ఉంటుంది. నిత్యం ఎక్కువ నీళ్లు తాగటం వల్ల.. ఇక్కడ మొటిమలు రావు. నుదురుపై మొటిమలు రావడానికి అజీర్తి, డీహైడ్రేషన్ కూడా కారణం. వేళకు ఆహారం తీసుకోవడం, పౌష్టికాహారం ఉండేలా చూసుకోవడం వల్ల మొటిమలకు చెక్ పెట్టవచ్చు.

బుగ్గలు

చూడగానే ఎట్రాక్ట్ చేసే బుగ్గల అందం.. మగువ అందాన్ని రెట్టింపు చేస్తుంది. కానీ.. చాలామందిని బుగ్గలపై మొటిమలు వేధిస్తుంటాయి. స్మోకింగ్, పొల్యూషన్ కారణంగా బుగ్గలపై మొటిమలు వస్తుంటాయి. కాలుష్యంలో ఎక్కువగా తిరగడం వల్ల ముఖంపై గాలి, దుమ్ము చేరుకుని.. మొటిమలకు కారణమవుతుంది. కాబట్టి బయటకు వెళ్లినప్పుడు ముఖానికి ప్రొటెక్టివ్ లోషన్ రాసుకోవడం మంచిది. అలాగే.. దిండు కవర్లను ఎప్పటికప్పుడు శుభ్రం చేసుకుంటూ ఉండాలి.

చిన్

గడ్డం దగ్గర మొటిమలు ఉన్నాయంటే చాలా అలర్ట్ గా ఉండాలి. చిన్న ప్రేగులో సమస్య ఉన్నప్పుడే ఇక్కడ మొటిమలు మొదలవుతాయి. అలాగే.. ఆలోచనలో ఉన్నప్పుడు.. బోర్ కొట్టినప్పుడు కొంతమంది గడ్డం కింద చేయి పెట్టుకుని కూర్చుంటారు. దీనివల్ల చేతిలో ఉండే బ్యాక్టీరియా.. చర్మానికి అంటుకోవడం వల్ల మొటిమలు వస్తుంటాయి.

చెవులు

కిడ్నీలో సమస్యలతో పాటు.. డీహైడ్రేషన్ అవుతుందంటే.. చెవి భాగంలో మొటిమలు వస్తుంటాయి. ఉప్పు కూడా మీరు ఎక్కువ తీసుకుంటున్నారడనడానికి ఇది సంకేతం. తలస్నానం చేసేప్పుడు కండిషనర్, నూనెను శుభ్రంగా క్లీన్ చేసుకోకపోయినా.. ఈ భాగంలో మొటిమలు మొదలవుతాయి.

నోటి చుట్టూ

దంత సమస్యలు వేధిస్తున్న వాళ్లకు.. నోటి చుట్టూ మొటిమలు కూడా ఎక్కువగా బాధిస్తుంటాయి. టీ, కాఫీలు తీసుకోవడం తగ్గించడంతోపాటు.. తీపి పదార్థాలు తగ్గించాలి. రోజుకి రెండుసార్లు బ్రష్ చేసుకోవడం కూడా మంచిది.

టీ జోన్

ముక్కు, నుదురు భాగాల్లో మొటిమల సమస్య ఎక్కువగా టీనేజర్లను వేధిస్తుంటాయి. ఈ భాగాల్లో మొటిమలు మొదలయ్యాయంటే.. కాలేయానికి సంబంధించిన సమస్య ఉందని గ్రహించాలి. కాబట్టి ఫ్యాట్ ఫుడ్, జిగురు పదార్థాలు ఆహారంలో లేకుండా చూసుకోవాలి.