మొటిమలను పూర్తీగా నివారించే అద్భుత ఔషధం..! వేప..!!

వేప నూనె

టీ స్పూన్ వేప నూనెను ఒక గిన్నెలో తీసుకోవాలి. కాస్త వేడి చేసి.. మొటిమపై రాసుకోవాలి. రాత్రంతా అలానే ఉంచి ఉదయాన్నే శుభ్రం చేసుకోవాలి. వారంపాటు ఈ చిట్కా పాటించి చూడండి.

వేప, పసుపు

వేపతోపాటు, పసుపుని మిక్స్ చేసి రాస్తే అద్భుతంగా పనిచేస్తుంది. ఈ రెండింటి మిశ్రమాన్ని మొటిమలపై అప్లై చేసి ఆరిన తర్వాత శుభ్రం చేసుకోవాలి. పసుపులో ఉన్న యాంటీ సెప్టిక్ గుణాలు.. మొటిమలను పర్మనెంట్ గా నివారిస్తాయి. అలాగే.. మొటిమల పక్కన ఇన్ఫెక్షన్ కాకుండా నివారిస్తుంది.

వేప

మీ చర్మంపై మొటిమలు తొలగిపోయి.. మెరిసే చర్మాన్ని పొందాలంటే.. వేపాకు పేస్ట్ ని వారానికి ఒకసారి అప్లై చేస్తూ ఉండాలి. కాస్త ఇబ్బందిగా ఉన్నప్పటికీ.. మొటిమలు, మొటిమల వల్ల ఏర్పడిన మచ్చలు తొలగిపోతాయి.

వేప, దాల్చిన చెక్క

ఒక టేబుల్ స్పూన్ దాల్చిన చెక్క పొడి, రెండు టేబుల్ స్పూన్ వేప ఆకు పేస్ట్ తీసుకుని బాగా మిక్స్ చేసి.. మొటిమలపై రాసుకోవాలి. ఈ రెండింటిలో ఉండే గుణాలు.. మొటిమలు నివారిస్తాయి.

వేప రసం

తాజా వేపాకు రసంతో.. రోజుకి రెండుసార్లు ముఖాన్ని శుభ్రం చేసుకోవాలి. ఈ రసం చర్మానికి క్లెన్సింగ్ లా పనిచేస్తుంది. మొటిమలు ఎక్కువ కాకుండా, పెద్దగా మారకుండా నివారిస్తుంది. అలానే ట్యాన్ ని నివారిస్తుంది.

వేప పొడి

వేపాకు పొడికి, పాలు కలిపి పేస్ట్ తయారు చేసి ఫేస్ కి అప్లై చేయాలి. కొంతమంది అమ్మాయిలను వేధించే పీరియడ్ పింపుల్స్ ని కూడా.. ఈ ఫేస్ ప్యాక్ తగ్గిస్తుంది. ఈ ప్యాక్ ని రెండు మూడు రోజులకు ఒకసారి మీ పీరియడ్ డేట్ కి ముందు అప్లై చేస్తే.. మంచి ఫలితం ఉంటుంది.

వేప సోప్

ఈ ఫేస్ ప్యాక్స్, ఫేస్ వాష్ లు అప్లై చేయడానికి లేజీగా ఫీలవుతుంటే.. మార్కెట్ లో లభించే నీమ్ సోప్ లేదా వేప సోప్ ని ఉపయోగించవచ్చు. ఇది మొటిమలు రాకుండా నివారించడంతో పాటు.. ఫ్రెష్ లుక్ ని అందిస్తుంది.