రెడ్ వైన్ లో దాగున్న రియల్ బ్యూటీ సీక్రెట్స్

ఏజింగ్

ఆర్గానిక్ రెడ్ వైన్స్ లో ఫ్లేవనాయిడ్స్ వంటి యాంటీ ఆక్సిడెంట్స్, టాన్నిన్ వంటి గుణాలు ఉన్నాయి. ఇవి చర్మ సౌందర్యానికి మంచిది. కాబట్టి కొద్దిగా రెడ్ వైన్ తీసుకుని చర్మానికి అప్లై చేయడం వల్ల చర్మంపై ముడతలు, గీతలు అరికట్టడమే కాకుండా.. చర్మానికి కొత్త నిగారింపు తీసుకొస్తుంది.

యాక్నే

రెడ్ వైన్ లో యాంటీ ఇన్ల్ఫమేటరీ, యాంటీ సెప్టిక్ గుణాలు ఉంటాయి. దీన్ని ముఖానికి అప్లై చేయడం వల్ల యాక్నేతో పోరాడి, జిడ్డుని తగ్గిస్తుంది.

స్కిన్ డ్యామేజ్

ఎమినో యాసిడ్స్ రెడ్ వైన్ లో రిచ్ గా ఉంటాయి. ఇవి చర్మానికి న్యూ లుక్ తీసుకొస్తాయి. అలాగే సూర్య రశ్మి వల్ల వచ్చే సమస్యలను నివారిస్తుంది.

గ్లోయింగ్ స్కిన్

రెడ్ వైన్ లో పోలీఫెనాల్స్ ఉంటాయి. ఇవి సెల్ ఆక్సిడేషన్ ని నివారిస్తాయి. నిర్జీవంగా మారిన చర్మానికి నిగారింపు తీసుకొస్తాయి. రెడ్ వైన్ ని డైరెక్ట్ గా అప్లై చేయవచ్చు. లేదా ఓట్ మీల్ తో కలిపి.. ముఖానికి రాసుకుని 5 నిమిషాల తర్వాత శుభ్రం చేసుకోవచ్చు. ఇలా చేయడం వల్ల చర్మంలో గ్లో రావడంతో పాటు.. డెడ్ సెల్స్ ని తొలగిస్తుంది.

టోనర్

రెడ్ వైన్ అమేజింగ్ ఫేస్ టోనర్ లా పనిచేస్తుంది. రెడ్ వైన్ లో దూది ముంచి ముఖంపై రుద్దుకోవాలి. 20 నిమిషాల తర్వాత శుభ్రం చేసుకుంటే మంచి ఫలితం ఉంటుంది.

ఫేస్ ప్యాక్

ఒక కప్పులో టేబుల్‌స్పూను తేనె, టీస్పూను పంచదార పొడి వేసి అందులో 4 టేబుల్‌స్పూన్లు రెడ్‌వైన్‌, ఒక గుడ్డు తెల్లసొన కలపాలి. ఈ మిశ్రమాన్ని ముఖం, మెడకి రాసుకుని కొద్దిసేపు మర్దనా చేసి పదినిమిషాల తర్వాత గోరువెచ్చని నీటితో కడిగేసుకుంటే మంచి ఫలితం ఉంటుంది.

మెరిసే చర్మానికి

అరకప్పు రెడ్‌వైన్‌లో పావుకప్పు రోజ్‌వాటర్‌ కలపాలి. ఈ మిశ్రమంలో తడిపిన దూదితో ముఖాన్ని తుడుచుకోవాలి. మిగిలిన మిశ్రమాన్ని ప్లాస్టిక్‌ డబ్బాలో నిల్వ చేసుకోవచ్చు. ఈ విధంగా వారంరోజులు చేస్తూ ఉంటే.. మేని ఛాయ మెరిసిపోతుంది.

మచ్చలకు

రెండు టేబుల్‌స్పూన్ల ముల్తానీ మట్టిలో ఒక టేబుల్‌స్పూను రెడ్‌వైన్‌ వేసి పేస్టులా చేసుకోవాలి. దీన్ని ముఖానికి రాసుకుని 15 నిమిషాల తర్వాత కడిగేసుకోవాలి. ఇలా రెగ్యులర్ గా చేయడం వల్ల ముఖంపై మచ్చలు త్వరగా పోతాయి.