ముఖం అందాన్ని రెట్టింపు చేసుకోవడానికి బనానా ఫేస్ ప్యాక్ రిసిపిలు

బనానా(అరటి)-ఓట్స్:

మీరు బాగపండిన అరటి పండుకు ఓట్స్ ను చేర్చి ఫేస్ మాస్క్ అప్లై చేయండి. ఇది ఒక సులభమైన చిట్కా. అరకప్పు ఓట్స్ ను మిక్సీలో వేసి పౌడర్ చేసుకొని అందులో అరటిపండు గుజ్జును కలిపి బాగా మిక్స్ చేయాలి. ఇప్పుడు ఈ నేచురల్ ఫేస్ మాస్క్ ను ముఖానికి అప్లై చేసి అరగంట పాటు అలాగే ఉండనిచ్చి తర్వాత ముఖం మీద నీళ్ళు చల్లుకొని సున్నితంగా రుద్దాలి. తర్వాత జోరుగా నీళ్ళు పోస్తు ముఖాన్నిశుభ్రం చేసుకోవాలి. ఇలా చేయడం వల్ల ముఖంలో ఉన్నా బ్లాక్ హెడ్స్, మృత కణాలు తొలగిపోతాయి.

అరటి మరియు పెరుగు ఫేస్ ప్యాక్:

బాగా పండిన అరటిపండుకు పెరుగు మిక్స్ చేసి దీన్ని ముఖానికి పట్టించాలి. 15నిముషాల తర్వాత శుభ్రం చేసుకుంటే, సన్ టాన్ నివారిస్తుంది . మరియు ఇది మీ ముఖాన్ని బ్రైట్ గా మరియు ఫ్రెష్ గా మార్చుతుంది . మీ చర్మానికి అవసరం అయ్యే హైడ్రేషన్ అందిస్తుంది మరియు డ్రై నెస్ నివారిస్తుంది.

బనానా(అరటి)-తేనె:

మనందరికి తెలుసు అరటిపండులోనూ, తేనెలోనూ అద్భుతమైన న్యూట్రియంట్స్ కలిగి ఉన్నాయని. అరటి పండులోని సగభాగం తీసుకొని ఒక బౌల్ లో వేసి చిన్న చిన్న ముక్కలుగా కట్ చేసి వేసుకోవాలి. దానికి ఒక చెంచా తేనె కలిపి బాగా మిక్స్ చేసి ముఖం, మెడకు అప్లై చేయాలి. ఇరవై నిమిషాలు అలాగే ఆరనివ్వాలి. ఇరవై నిమిషాల తర్వాత చల్లని నీటితో కడిగేసుకోవాలి. ముఖం పొడిబారినట్లు కనబడుతుంటే కనుక ఫేషియల్ స్టీమింగ్ చేసుకోవాలి. తర్వాత ఫేస్ మాయిశ్చరైజర్ తో మసాజ్ చేసుకొని చూడండి అద్భుతమైన మార్పు కనబడుతుంది.

అరటిపండు-పాలు:

రెండు చెంచాల అరటిపండు గుజ్జులో ఒక టేబుల్ స్పూన్ పాలు కలిపి బాగా మిక్స్ చేయాలి. ఈ మిశ్రమాన్ని ముఖానికి అప్లై చేసి అరగంట తర్వాత కోల్డ్ వాటర్ తో శుభ్రం చేసుకోవాలి. దాంతో మీ ముఖం కాంతివంతంగాను, తాజాగాను కనబడుతుంది.

అరటి మరియు సాండిల్ ఉడ్ ప్యాక్:

గంధం చర్మానికి అప్లౌ చేస్తే మంచి గ్లో వస్తుంది. కొద్దిగా సాండిల్ వుడ్ పౌడర్ ను అరటి పండు గుజ్జుతో మిక్స్ చేసి, ముఖానికి అప్లై చేయడం వల్ల చర్మం కాంతివంతంగా మార్చుతుంది. దీన్ని ముఖానికి అప్లై చేసి, కొద్ది సేపటి తర్వాత చల్లటి నీటితో శుభ్రం చేసుకుంటే మంచి గ్లో వస్తుంది.