దోసకాయ, పుదీనా మరియు పెరుగుతో మీ ఫేసులో గ్లో వస్తుందని తెలుసా...

బంగాళాదుంప రసం

బంగాళాదుంపల్లో బ్లీచింగ్ లక్షణాలు ఉన్నాయి, ఇవి మీ చర్మాన్ని తెల్లగా మార్చడానికి సహాయపడతాయి. మొత్తం బంగాళాదుంప రసం మరియు సగం దోసకాయ రసం తీసుకొని బాగా కలపాలి. శుభ్రంగా ఉన్న పత్తి తీసుకొని దానిని ఈ మిశ్రమంలో నానబెట్టి మీ ముఖం మీద రుద్దండి. కొద్దిసేపు ఆరనివ్వండి, తరువాత శుభ్రం చేసుకోండి.

పాల పొడి

ముందుగా పాలపొడిని తీసుకోండి. ఒక బౌల్లో పాలపొడి, దోసకాయ రసం వేసి బాగా కలపండి. ఈ మిశ్రమం పేస్ట్ లాగా కనిపిస్తుంది. ఈ పేస్ట్ తీసుకొని ముఖం మరియు మెడపై రాయండి. పేస్ట్ ఆరిపోయినప్పుడు, గోరువెచ్చని నీటితో చర్మాన్ని సున్నితంగా మసాజ్ చేయండి. తర్వాత చన్నీటితో కడిగేయండి. అవసరమైతే దీనిలో గుడ్డులోని తెల్లసొనను జోడించవచ్చు. ఇలా వారానికి ఒకసారి చేయవచ్చు.

పుదీనా ఆకులు

పుదీనా ఆకులు మరియు దోసకాయలతో ముఖ నల్లబడకుండా నివారించవచ్చు. పుదీనా ఆకులు యాంటీ ఫంగల్ మరియు యాంటీ బాక్టీరియల్ లక్షణాలను కలిగి ఉంటాయి. మిక్స్ లో కొన్ని పుదీనా ఆకులు మరియు కొన్ని దోసకాయ ముక్కలు మిక్స్ చేసి పేస్ట్ గా రుబ్బుకోవాలి. ఈ పేస్ట్ ను మీ ముఖానికి ఫేస్ మాస్క్ లా వేసుకోవాలి. అరగంట సేపు ఉంచి, ఆపై గోరువెచ్చని నీటితో శుభ్రం చేసుకోండి. ముఖం మీద నలుపు తగ్గి కాంతివంతంగా. మీరు ఇలా వారానికి నాలుగు సార్లు చేయవచ్చు.

కలబంద

మొదట, రెండు టేబుల్ స్పూన్ల దోసకాయ రసం, రెండు టేబుల్ స్పూన్లు కలబంద రసం మరియు రెండు టేబుల్ స్పూన్ల పెరుగు తీసుకోండి. ఈ మూడింటిని ఒక కప్పులో తీసుకుని బాగా మిక్స్ చేయాలి. దీన్ని ముఖం మరియు మెడపై అప్లై చేయండి. అరగంట పాటు అలాగే ఉంచి, తర్వాత శుభ్రం చేసుకోవాలి. మీరు దీన్ని వారానికి మూడుసార్లు చేయవచ్చు.

పెరుగు

పెరుగు ముఖానికి తేమను అందిస్తుంది. చర్మంను కాంతివంతంగా మార్చుతుంది. ఇది చర్మంలో నలుపు తగ్గిస్తుంది. మూడు టేబుల్ స్పూన్ల పెరుగులో నాలుగు కప్పులు కీరదోసకాయ ముక్కలు జోడించండి. అలాగే ఓట్స్ కూడా కలిపి మిక్సీలో మెత్గగా గ్రైండ్ చేయండి. ఈ మిశ్రమాన్ని ముఖం మరియు మెడపై అప్లై చేసి అరగంట పాటు అలాగే ఉంచాలి. వారానికి ఒకసారి ఇలా చేయండి. మీ చర్మంలో తప్పకుండా మార్పు కనబడుతుంది.

శెనగ పిండి

ముఖం మీద ఉన్న అదనపు నూనెను పీల్చుకోవడానికి మరియు చర్మం రంద్రాలను టైట్ చేయడానికి శెనగపిండి సహాయపడుతుంది. ముఖంలో ఉన్న మలినాలను, ధూళిని తొలగిస్తుంది. ఒక బౌల్లో దోసకాయ రసం మరియు శెనగపిండి సమాన పరిమాణంలో తీసుకోవాలి. దీన్ని ముఖం మరియు మెడ ప్రదేశంలో అప్లై చేయాలి. అరగంట తర్వాత చల్లని నీటితో కడగాలి. కడగడానికి ముందు మసాజ్ చేసి శుభ్రం చేసుకోవడం మంచిది. మంచి ఫలితం పొందాలంటే రోజు విడిచి రోజు ఈ పద్దతిని అనుసరించండి.

తేనె

దోసకాయ- తేనె కలయికను ఉపయోగించడం వల్ల ముఖం తేమగా ఉంటుంది. మీ ముఖాన్ని ప్రకాశవంతం చేయడానికి తేనె సహాయపడుతుంది. దోసకాయ తేనె మిశ్రమంతో మీ ముఖం మీద సున్నితమైన మసాజ్ చేయండి. ఐదు నిమిషాలు మసాజ్ చేసి అరగంట వదిలివేయండి. ఇలా వారానికి రెండుసార్లు చేయవచ్చు.

చర్మంలో ట్యాన్ నివారించడానికి కొన్ని ఉపయోగకరమైన చిట్కాలు

మీరు త్వరగా మంచి ఫలితాలను పొందాలంటే రోజూ దోసకాయ రసం త్రాగాలి.

బాటిల్స్ లో ఇన్ స్టాంట్ గా వచ్చే కీరదోసకాయ రసాలను తాగకూడదు. స్వయంగా ఇంట్లో తయారుచేసిన పళ్లరసం లేదా ఇంట్లో తయారుచేసిన పానీయాలు తాగడం మంచిది.

సన్‌స్క్రీన్ లోషన్ ఉపయోగించకుండా ఎండలో వెళ్లవద్దు.

చర్మం తేమగా ఉండాలంటే ఎక్కువ నీరు త్రాగాలి. రోజుకు కనీసం ఎనిమిది గ్లాసుల నీరు త్రాగాలి.

మీ ఆహారంలో దోసకాయను తప్పనిసరిగా చేర్చండి.

మేకప్‌తో పడుకోకుండా ఉండండి. పడుకునే ముందు మేకప్ తొలగించి బెడ్ పైకి వెళ్ళండి.