ఆయిల్ స్కిన్‌తో ఇబ్బందిగా ఉందా? ఈ 3 నారింజ ఫేస్ ప్యాక్‌లు మీకు ఖచ్చితంగా ప్రయోజనం చేకూరుస్తాయి!

1) ఆరెంజ్ మరియు వేప ఫేస్ ప్యాక్

కావల్సినవి:

• ఆరెంజ్ పల్బ్(ఆరెంజ్ గుజ్జు) - 3 టేబుల్ స్పూన్లు
• పాలు - 2 టేబుల్ స్పూన్లు
• వేప పేస్ట్- 3 టేబుల్ స్పూన్లు



తయారీ విధానం:

ఒక గిన్నెలో వేప మరియు పాలు వేసి కలపాలి. ఇప్పుడు మిశ్రమానికి ఆరెంజ్ పేస్ట్ జోడించండి. ఈ మూడు బాగా కలిసే వరకూ స్పూన్ తో కలపాలి. పేస్ట్ తయారైన తర్వాత, ముఖం నుండి మెడ వరకు అప్లై చేయండి. 20 నిమిషాల తరువాత చల్లటి నీటితో కడిగిన, ఆయిల్ స్కిన్ అదృశ్యమై ముఖాన్ని రిఫ్రెష్ చేస్తుంది.



2) నారింజ మరియు శెనగ పిండితో ప్యాక్ వేసుకోండి

కావల్సినవి:

• శెనగ పిండి - 2 టేబుల్ స్పూన్లు
• రోజ్ వాటర్ - 2 టేబుల్ స్పూన్లు (అవసరమైనంత)
• ఆరెంజ్ జ్యూస్ - 3 టేబుల్ స్పూన్లు



తయారీ విధానం:

ఒక గిన్నెలో నారింజ రసం పోసి అందులోనే శెనగ పిండిని కలపాలి. అందులోనే అవసరమైనంత రోజ్ వాటర్ పోసి మొత్తం మిశ్రమాన్ని బాగా కలుపుకోవాలి. దీనివల్ల ముఖం తాజాగా కనిపిస్తుంది మరియు మంచి వాసన వస్తుంది. ఈ మిశ్రమాన్ని మీ ముఖానికి అప్లై చేసి 20 నిమిషాలు ఆరనివ్వండి, తరువాత చల్లటి నీటితో శుభ్రం చేసుకోండి లేదా పత్తితో శుభ్రంగా తుడవండి. మంచి ఫలితాల కోసం ఈ ప్యాక్ ను వారానికి మూడుసార్లు వేసుకోండి.



3) ఆరెంజ్ మరియు వోట్మీల్ ఫేస్ ప్యాక్

కావల్సినవి:

• వోట్మీల్ - 1 టేబుల్ స్పూన్
• ఆరెంజ్ జ్యూస్ - 2 టేబుల్ స్పూన్లు



తయారీ విధానం:

రెండింటినీ ఒక గిన్నెలో కలిపి పేస్ట్‌లా కలపండి. పేస్ట్ ఇప్పుడు స్క్రబ్బర్ లాగా కనిపిస్తుంది. దీన్ని ముఖం మొత్తం అప్లై చేసి, మర్ధన చేసి వదిలేయాలి 10-12 నిమిషాలు తర్వాత చల్లటి నీటితో కడగాలి.

రసాయనాలతో నిండిన ఫేస్ ప్యాక్‌లకు స్వస్తి చెప్పి ఈ పద్ధతిని ఉపయోగించి ఆయిల్ స్కిన్‌కు వీడ్కోలు చెప్పండి.