New Year Party Outfit Ideas:ఈ లేటెస్ట్ డ్రస్సులతో న్యూ ఇయర్ కు వెల్ కమ్ చెప్పేయండి...

లెహంగాలు..

మనలో చాలా మంది వెస్ట్రన్ స్టైల్ ఫ్యాషన్ ను ఇష్టపడుతుంటారు. అయితే మన భారతీయ సంప్రదాయ దుస్తుల్లో ఈ మధ్యన అమ్మాయిల మనసును దోచేస్తున్న డ్రస్సుల్లో లెహంగాలు ముందు వరుసలో ఉంటాయి. వీటిని ధరిస్తే.. మగువల అందం మరింత పెరుగుతుంది. ముఖ్యంగా పొడవుగా ఉండే అమ్మాయిలకు లెహంగాలు బాగా సూటవుతాయి. ఇవి ఇప్పుడు అనేక రకాల డిజైన్లలో లభిస్తున్నాయి. ఈ లెహంగా డ్రస్సులు కేవలం న్యూ ఇయర్ పార్టీకే కాదు.. ఎలాంటి వేడుకల్లోనైనా మిమ్మల్ని ప్రత్యేకంగా కనిపించేలా చేస్తాయి.

ప్రత్యేకమైన లుక్..

న్యూ ఇయర్ పార్టీ వేడుకల్లో వెల్వెట్ డ్రస్ అమ్మాయిలకు చాలా అద్భుతంగా సూటవుతుంది. దీని క్లాసీ ఫ్లోరల్ ప్రింట్ కూడా మంచి ఫ్యాషన్. ఇది ధరించినప్పుడు మీకు ప్రత్యేకమైన లుక్ వస్తుందనడంలో ఎలాంటి సందేహం లేదు. పొట్టి డ్రస్సులు వేసుకోవడానికి ఎవరైతే వెనుకాడరో.. అలాంటి వారికి ఇది చక్కగా సూటవుతుంది. ఫుల్ హ్యాండ్, పుల్ నెక్ తో ఈ డ్రస్ మగువల మనసు దోచేందుకు సిద్ధంగా ఉంటుంది. ఈ డ్రస్ వేసుకున్నప్పుడు మీరు మంచి హై హీల్స్ వేసుకోవడంతో పాటు.. పెద్ద ఇయర్ రింగ్స్ పెట్టుకుని, మెడలో చిన్న చైన్ లాంటిది వేసుకుంటే.. మీ డ్రస్ హైలెట్ అవుతుంది. నలుగురిలో మీరు ప్రత్యేకంగా కనిపిస్తారు.

ట్యూల్ డ్రస్..

మనం వేసుకునే డ్రస్సును బట్టి మనకు సమాజంలో గౌరవం వంటివి లభిస్తాయనడంలో ఎలాంటి సందేహం లేదు. అందుకే చక్కని డ్రస్సులకు మంచి కాంప్లిమెంట్స్ కూడా వస్తుంటాయి. ఈ నేపథ్యంలో కొత్త సంవత్సరం సందర్భంగా మీరు కొత్త డ్రస్సు ప్రయత్నించాలని చూస్తుంటే.. ఈ ట్యూట్ డ్రస్ ట్రై చేయండి. ఇది చూడటానికి చాలా అందంగా ఉంటుంది. మీకు ప్రిన్సెస్ లుక్ ను అందించడంలో ఎంతో సహాయపడుతుంది. ఈ డ్రస్ కు క్లాసిక్ బ్లూ లేదా బ్లూ కలర్లోని షేడ్స్ ఏవైనా ఎంచుకోండి. ఈ డ్రస్ కు సూటయ్యే మంచి హై హీల్స్, డైమండ్ నెక్లెస్ జత చేస్తే మీ అందం మరింత పెరిగిపోతుంది. దీంతో పాటు మీ హెయిర్ స్టైల్ కూడా కొంచెం కొత్తగా కనిపిస్తుంది.

సరికొత్త దుస్తులతో..

కొత్త సంవత్సరంలో మీరు సరికొత్త డ్రస్సులతో మీ స్నేహితులను, శ్రేయోభిలాషులను ఆశ్చర్యపరచాలంటే.. ఈ ప్లంజ్ నెక్ ఉన్న డ్రస్ ప్రయత్నించి చూడండి. ఇది పొడవాటి నెక్ ఉండి.. ఫుల్ స్లీవ్స్ తో ఉన్న షార్ట్ డ్రస్ ను సెలెక్ట్ చేసుకుంటే.. ఎంతమందిలో ఉన్నా మీరు ఎంతో బోల్డ్ గా కనిపిస్తారు. ఈ రకమైన డ్రస్సు వేసుకున్నప్పుడు మీరు గోల్డ్ మెటాలిక్ చోకర్ తో పాటు.. స్టేట్ మెంట్ ఇయర్ రింగ్స్ ధరించడం వల్ల మీ లుక్ అద్భుతంగా ఉంటుంది. ఇలాంటి డ్రస్సులు పార్టీలతో పాటు స్నేహితులతో కలిసి కొత్త సంవత్సరలో డిన్నర్ లాంటి వాటికి అటెండ్ అయ్యేటప్పుడు వేసుకుంటే మంచిగా ఉంటుంది.

రెడ్ డ్రస్..

సాధారణంగా చాలా మంది మగువలు పార్టీలంటే రెడ్క కలర్ డ్రస్సులకు ఎక్కువ ప్రాధాన్యత ఇస్తుంటారు. ఎందుకంటే చూసేందుకు ఇలా చాలా ప్రత్యేకంగా కనిపిస్తుంది. ఇందులో స్టేట్ మెంట్ కలర్స్ ను ఎంచుకోవడం వల్ల పది మందిలో మీరు ప్రత్యేకంగా కనిపిస్తారు. ఈ రకమైన డ్రస్సులు కావాలంటే శాటిన్ డ్రస్ ట్రై చేయండి. ఇది రెడ్ కలర్ లేదా గులాబీ రంగులో వస్తుంది. దీనికి మ్యాచింగ్ అయ్యే చైన్ వేసుకున్నా కూడా బాగుంటుంది. వీటికి బ్లాక్ కలర్ జాకెట్ కూడా వేసుకోవచ్చు. దీని వల్ల అటు స్టైల్ తో పాటు ఇటు చలి నుండి రక్షణ కూడా ఉంటుంది.