కళ్యాణ వేళ.. బాలీవుడ్ భామల మెడలో ధరించిన మంగళసూత్రం ధరెంతో తెలుసా...

అనుష్క శర్మ..

టీమిండియా కెప్టెన్ విరాట్ కోహ్లీను ప్రేమించి పెళ్లాడిన అనుష్క శర్మ ఖర్చుల విషయంలో ఏ మాత్రం వెనుకాడదట. తన కళ్యాణం సమయంలో కేవలం మంగళ సూత్రానికి 52 లక్షల రూపాయల ఖర్చు పెట్టిందట.

ఐశ్వర్యరాయ్..

అమితాబ్ బచ్చన్ కుమారుడు అభిషేక్ బచ్చన్ ను పెళ్లాడిన ఐశ్వర్యరాయ్ తన కళ్యాణం సమయంలో అచ్చం మహారాణిలా కనిపించింది. పెళ్లి తర్వాత కూడా ఆమె మంగళసూత్రంతో దర్శనమిచ్చింది. పెళ్లి సమయంలో తను పసుపు బంగారు వర్ణాల కలయిక ఉన్న కాంజీవరం చీరను ధరించింది. దాని ఖరీదు సుమారు రూ.75 లక్షలు కాగా.. తను ధరించిన మంగళసూత్రం ధర అక్షరాల రూ.45 లక్షల రూపాయలు.

దీపికా పదుకొనే..

బాలీవుడ్ హీరో రణవీర్ ను పెళ్లాడిన పొడుగు కాళ్ల సుందరి దీపికా పదుకొనే తన పెళ్లి సమయంలో మంగళ సూత్రానికి దాదాపు 20 లక్షల రూపాయలు ఖర్చు చేసిందట.

ప్రియాంక చోప్రా..

తన కంటే వయసులో చిన్న వాడు.. అమెరికా దేశస్థుడు, పాపులర్ సింగర్ నిక్ జోన్స్ ను పెళ్లాడిన ప్రియాంక చోప్రా తన మంగళసూత్రం ఎంత ఖర్చు పెట్టిందనే విషయం బయటకు రాలేదు. కానీ నిక్ ప్రియాంక మెడలో కట్టిన మంగళ సూత్రానికి పెద్ద డైమండ్ కనిపించింది. దాని విలువ సుమారు లక్షల రూపాయల్లో ఉంటుంది.

సోనమ్ కపూర్..

మరో బాలీవుడ్ భామ సోనమ్ కపూర్. తన పెళ్లి సమయంలో మంగళ సూత్రాన్ని చాలా డిఫరెంట్ గా డిజైన్ చేయించారు. తన పెళ్లి సమయంలో దంపతులిద్దరి రాశులను తెలియజేసేలా ఈ మంగళసూత్రాన్ని తయారు చేశారు. ఇది ఎంత ఖరీదైనదనే విషయం కూడా బయటకు రాలేదు.

మాధురీ దీక్షిత్..

బాలీవుడ్ సూపర్ డ్యాన్సర్ మాధురీ దీక్షిత్ 90వ దశకంలో(1999)నే పెళ్లి చేసుకోగా.. అప్పట్లోనే ఆమె ధరించిన మంగళసూత్రం ధర 8.5 లక్షల రూపాయలు కావడం విశేషం.

శిల్పాశెట్టి..

బాలీవుడ్ లో మరో పొడుగు కాళ్ల సుందరీ, రాజస్థాన్ రాయల్స్ ఓనర్ అయిన శిల్పాశెట్టి పెళ్లి సమయంలో భారీగా ఖర్చు చేసింది. తన పెళ్లి ఉంగరం విలువ మూడు కోట్ల రూపాయలు కాగా.. తన మెడలో మంగళసూత్రం ధర సుమారు 30 లక్షల రూపాయలు ఉంటుంది.

కరిష్మా కపూర్..

మరో బాలీవుడ్ బ్యూటీ కరిష్మా కపూర్ తన పెళ్లి సమయంలో అందమైన లెహంగాను ధరించగా.. విలువైన ఆభరణాలను ధరించి అందరినీ ఆకట్టుకుంది. ఇక తన మంగళసూత్రం ఒక్క దానికే 17 లక్షల రూపాయలు ఖర్చు పెట్టింది.

కాజోల్

బాలీవుడ్ సింగం అజయ్ దేవ్ గన్ ను పెళ్లాడిన కాజోల్ తన కళ్యాణం సమయంలో ఖరీదైన ఆభరణాలు, పట్టుచీరలు ధరించింది. తన పెళ్లి సమయంలో ఒక్క మంగళసూత్రానికే దాదాపు 21 లక్షల రూపాయలను ఖర్చు చేసింది.