డయాబెటీస్ ను కలిగించే కొవ్వు పదార్ధాలు

Diabetes

oi-Nageswara Sharma

By B N Sharma

Published: Tuesday, August 16, 2011, 9:44 [IST]

లండన్: డయాబెటీస్ ను పూర్తిగా నివారించటానికి నేటికీ పరిశోధనలు జరుగుతూనే వున్నాయి. తాజాగా అమెరికాలోని శాన్ఫోర్డ్ బర్న్ హాం మెడికల్ రీసెర్చి ఇన్స్టిట్యూట్ లోని రీసెర్చర్లు మొట్టమొదటి సారిగా కొవ్వు పదార్ధాలు శరీరంలో ఏ రకంగా డయాబెటీస్ ను కలిగిస్తాయనేది పరిశోధనలో కనుగొన్నారు. వీరు చేసిన ఈ పరిశోధనా ఫలితాలు ఇపుడు డయాబెటీస్ ను సమూలంగా నివారించటానికి ఉపయోగపడగలవని భావిస్తున్నారు.

టైప్ 2 డయాబెటీస్ కు అధిక బరువుకు గల సంబంధాన్ని వీరు శాస్త్రీయంగా నిరూపించటానికి ప్రయత్నాలు చేస్తున్నారు. అధికంగా తిన్నందువల్ల టైప్ 2 డయాబెటీస్ రావటానికి గల కారణాలను తాము అధ్యయనం చేశామని ఇపుడు దీని నివారణకు అవసరమైన ఎంజైముల సమర్ధతలను పెంచటంలో కృషి చేస్తున్నామని అధ్యయనానికి నేతృత్వం వహించిన డా. జేమీ మార్ధ్ తెలిపారు.

నేటికి ఇంగ్లాండ్ లో రెండు మిలియన్లకు పైగా జనాభా టైప్ 2 డయాబెటీస్ తో బాధపడుతున్నట్లు, ఈ వ్యాధి అతి సహజంగా వ్యాప్తి చెందుతున్నట్లు స్టడీ నివేదికలు తెలుపుతున్నాయి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.