డయాబెటీస్ రోగుల మార్పులు, లక్ష్యాలు?

By B N Sharma

Published: Thursday, February 2, 2012, 14:35 [IST]

డయాబెటీస్ వ్యాధి మీకు వున్నదనేది ఒక వాస్తవం. అయితే మీ జీవన శైలి మీ టీములో అందరికంటే కూడా చురుకుగా వుండాలి. అదే మీకు ఆరోగ్యాన్నిస్తుంది. ఆరోగ్యం మెరుగుపడాలంటే మన ప్రవర్తనకూడా మారాలి. అయితే మీలో ఏరకమైన మార్పులు రావాలి? బరువు తగ్గాలా? ఆరోగ్యపుటలవాట్లు ఏమిటి? మీ ఆహారం సంతులితంగాను, ఆరోగ్యంగాను వుందా? కార్బోహైడ్రేట్లు తగినంతే తీసుకుంటున్నారా? రోజుకు 30 నిమిషాల చొప్పున వారంలో నాలుగు సార్లు వ్యాయామాలు చేస్తున్నారా? పొగతాగటం మానాలా? డాక్టర్లు చెప్పినట్లు మీ బ్లడ్ గ్లూకోజ్ స్ధాయి ఎప్పటికపుడు చెక్ చేస్తున్నారా?

ఈ రకంగా మీ గురించి జాగ్రత్త పడాలంటే ఎంతో వుంది. మానసిక నిపుణులు ముందుగా మన ప్రవర్తన మార్చుకోడానికి మనం ఇష్టం చూపాలంటారు. మొదటగా వీరు ఒక లక్ష్యమనేది పెట్టుకోవాలని, ఆ లక్ష్యాన్ని నెరవేర్చుకోటానికి తమ ప్రయత్నాలు చేయాలని చెపుతారు. లక్ష్యం ఆచరణీయంగాను, నిర్దేశించినదిగాను వుండాలి. ఉదాహరణకు....వారంలో మూడు సార్లు లంచ్ సమయానికి 10 నిమిషాలపాటు నడుస్తాను అనేది గా వుండాలిగాని, నేను అధికంగా నడవటానికి ప్రయత్నిస్తాను అనేట్లు వుండరాదు. మీరు పెట్టుకున్న లక్ష్యం పట్ల ఎంత ప్రోగ్రెస్ సాధించారనేది కూడా ఎప్పటికపుడు సరిచూసుకోండి.

ఈ విధంగా మీ లక్ష్యం అనేది వ్రాయండి. దాని ఆచరణకు ఒక ప్రణాళిక రచించండి. ఆచరణలో అభివృధ్ధిని ఎప్పటికపుడు కొలతలు వేయండి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.