శారీరక శ్రమతో అరోగ్యం...యవ్వనం.. అందం..

Diet Fitness

oi-Saraswathi

By Sindhu

Updated: Friday, August 17, 2012, 12:55 [IST]

ప్రస్తుత ఉరుకుల పరుగు జీవితంలో స్త్రీలకు పనులు తక్కువై శరీరం విపరీతంగా లావెక్కుతోంది. ముఖ్యంగా 20ఏళ్ల యువతులు. అందుకే ఆడపిల్లల చేత ఇంటిపనులు చేయించటం ముఖ్యం. హై.బి.పి, షుగర్‌, హార్ట్‌ ఎటాక్‌ రాకుండా వాకింగ్‌, గుడికెళ్లటంతో భుక్తిముక్తి కూడా. ఇంట్లో చీపురు పెట్టి ఊడ్చి ముగ్గువేసే ఆడపిల్ల నేడు కనపడటం లేదు. పనిమనిషి ఉందనే నిర్లక్ష్యం ఎక్కువైంది. శారీరక శ్రమంటే బరువులు మోయక్కర్లేదు. మెట్లు ఎక్కి దిగండి. బట్టలు ఝాడించండి. ఆ...వాషింగ్‌ మిషన్‌ ఉంది అనుకుంటే మీ అపార్ట్‌మెంట్‌ పైనించి కిందకి కనీసం 3ఫ్లోర్స్‌ ఎక్కి దిగండి చాలు పదిసార్లు అలసేదాకా. వంటిల్లే వ్యాయామశాల. భుజాలనొప్పికి, మిక్సీ వాడకుండా చక్కగా బండరోలు వాడండి. మణికట్టు, చేతివ్రేళ్లకు మంచి వ్యాయామం.
పిండి తడిపి బాగా మెత్తగా పిసకటం, వత్తటం వేయించటం, కాల్చటం వల్ల చేతులకి వ్యాయామం అవుతుంది. అంట్లు తోమటం, బాత్రూం టైల్స్ శుభ్రం చేయటం, టబ్స్ పాచిని వదలగొట్టడం, గార్డెనింగ్‌, మొక్కల్ని కొమ్మలు కత్తిరించటం, నీరుపోయటం వల్ల చేతికండరాలు గట్టిపడతాయి. స్వయంగా షాపుకెళ్లి షాపింగ్‌ చేయటంతో మానసికంగా రిలాక్స్ అవుతారు.

సాద్యమైనంత వరకు పనిమనిషిని మానిపించి, ఆడ,మగ, పిల్ల పెద్ద ఎవరైనా సరే వారి కప్పు, గ్లాసు, కంచం తోమి కడగడం, ఎవరి బట్టలు వారు ఉతికి ఆరేయడం మొదలుపెడితే రోగాలు మటుమాయం సుమా! అలాగే చిన్నా చితకా ఆరోగ్యంగా ఉండాలంటే కుర్చీకి రెస్టు ఇవ్వాలి. ఆ...మమ్మల్ని నేలమీద కూర్చోమంటారా అని కాకుండా . అలా కుర్చీకి అతుక్కుపోతే, లాంగ్‌సిట్టర్‌ అయితే హార్టు, షుగర్‌ పేషెంట్స్ అవటం ఖాయం. డెస్క్ జాబ్‌ చేసే వారి సిట్టింగ్‌ అవర్స్ ని చూడండి. నిద్రకి ఎనిమిది గంటలు వదిలేస్తే మిగతా 90శాతం అలా కూచుని టి.వి.తో, ఆఫీసుపనితో గడిపేస్తారు. ఇలా కూచోటంతో మెటబాలిక్‌, కార్డియో వాస్క్యులర్‌ సిస్టమ్ కి నష్టం కలుగుతుంది. దీనితో హైపర్‌ టెన్షన్‌, కార్డియో వాస్కులర్‌ డిసీజ్‌, ఒబెసిటీ, టైప్‌-2 షుగర్‌, కేన్సర్‌ వచ్చే ఛాన్సు ఎక్కువ.

అమెరికన్‌ పరిశోధన ప్రకారం, అలా కుర్చీకి అతుక్కుపోవటం త్వరగా చావుని కొనితెచ్చు కోవటమే. పైగా హిప్‌, స్పైన్‌, షోల్డర్‌, నెక్‌ పెయిన్‌కి బాధ్యులం మనమే అవుతాం. కండరాలు ఒకే పొజిషన్‌కి అలవాటు పడి పూర్‌ బాడీ బాలెన్స్‌, కదలకపోవటం జరిగే ప్రమాదం ఉంది. కీ-బోర్డుపై వంగి టైపింగ్‌ చేస్తే అలా వంగి నడవటమే అలవాటు అవుతుంది. కాళ్లను క్రాస్‌ చేసి కూచుంటే హిప్‌, లోయర్‌ బాడీ ప్రభావితం అవుతుంది. మరి లాంగ్‌ సిట్టింగ్‌కి ఎలా బ్రేక్‌ ఇవ్వాలి? మొబైల్‌లో ప్రతి గంటకీ ఐదునిమిషాలు బ్రేక్‌ ఇవ్వాలి అనేలా అలారం సెట్‌ చేయాలి. టి.వి ముందు అలా కూలబడకుండా కాసేపు అటు,ఇటు నడుస్తూ కళ్లకు కూడా విశ్రాంతి ఇవ్వాలి. కుర్చీలో కాకుండా ఎక్సర్‌సైజ్‌ బాల్‌పై కూచుంటే మజిల్స్ యాక్టివ్‌గా ఉంటాయి. ఫోన్‌ని ఎప్పుడూ నించునే రిసీవ్‌ చేసుకుని మాట్లాడండి. రెండు నిముషాలైనా నించునే ప్రయత్నం చేయాలి. ఇక కాస్త దూరం అయినా నడవటం ఫ్రెండ్స్ తో, మెసేజ్‌ పంపకుండా వారి దగ్గరకు వెళ్లి మాట్లాడటం చేయాలి. లిఫ్ట్‌బదులు మెట్లను ఎక్కి దిగాలి. ఇలా చేస్తే మీ శరీరాకృతి మీ చేతుల్లోనే ఉంటుంది.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.