స్త్రీలు బరువు పెరగడానికి గల 8 కారణాలు

హార్మోన్ల అసమతుల్యత, ఒత్తిడి:

మగవారితో పోల్చుకుంటే స్త్రీలలో ఒత్తిడి అధికం.ఈ ఒత్తిడి నిశ్శబ్దంగా హాని కలిగిస్తుంది. ఒత్తిడిని ఎదుర్కోవడానికి అడ్రినల్ గ్రంధులు కార్టిసోల్ ని అధికంగా స్రవించడం వల్ల బరువు పెరుగుతారు.

సరైన ఆహారపు అలవాట్లు లేకపోవడం:

ఆహారపు అలవాట్లు సరిగ్గా లేకపోతే స్త్రీలు చాలా తొందరగా బరువు పెరుగుతారు. మీరు కనుక ఒకసారి భోజనాన్ని మానెస్తే బరువు తగ్గుతారని అనుకోకండి.మీరు మరిన్ని కిలోలు పెరుగుతారు.హై కేలొరీ పదార్ధాలు అధికంగా తీసుకోవడం వల్ల కూడా బరువు పెరుగుతారు.

మందులు:

స్త్రీలు వాడే మందులు కూడ బరువు పెరగడానికొక కారణం. కొన్ని మందులవల్ల దుష్ప్రభావాలుండి బరువు పెరగటం వంటి సమస్యలు తలెత్తుతాయని నిపుణుల సూచన.అందువల్ల డిప్రెషన్, మధుమేహం,గర్భ నిరోధక మాత్రల వంటివి వాడేముందు మీ వైద్యుడిని సంప్రదించి ఈ మందులవల్ల కలిగే దుష్ఫలితాలని తెలుసుకోవడం మంచిది.

ఇన్సులిన్:

మహిళల్లో 35 సంవత్సరాలు దాటిన తరువాత తెల్లని పదార్ధాలైన మైదా, పంచదారా వంటి పదార్ధాలు తీసుకోవడం వల్ల శరీరానికి నష్టం వాటిల్లుతుంది.ఈ తెల్లటి పదార్ధాలలో కేలోరీలు, చక్కెరల శాతాలు అధికంగా ఉంటాయి.ఒకవేళ మీరు కనుక ఇన్సులిన్ తీసుకుంటూ ఈ తెల్లటి పదార్ధాలు కనుక తీసుకుంటూ ఉంటే మీ శరీర కణాలు ఇన్సులిన్ నిరోధకంగా తయారవుతాయి.

బద్ధకం:

శారీరకంగా పెద్దగా శ్రమ కలిగించని వర్కవుట్లవల్ల ఉత్సాహం తగ్గి డల్లు్‌గా అవుతారు. అందువల్ల అకస్మాత్తుగా బరువు పెరిగే అవకాశం ఉంది.అందువల్ల ఎప్పుడూ మిమ్మల్ని ఉత్సాహంగా ఉంచుకుంటూ, ఆరోగ్యంగా ఉండటానికి ప్రయత్నిస్తే మీ జీవక్రియలు వేగవంతమయ్యి కేలోరీలు కరిగి బరువు పెరిగే సమస్య ఉండదు.

పెరిగిన ఆకలి:

ఆకలి పెరిగితే శరీరానికి చాలా నష్టం.ఆకలి ఎక్కువయ్యి మీరు అతిగా తినడం మొదలెడితే కేలోరీలు కావాల్సిన దానికన్నా అధికంగా శరీరంలో చేరి క్రొవ్వులా రూపాంతరం చెంది బరువు పెరుగుతారు.

వయస్సు మీద పడటం:

వయస్సు పెరిగే కొద్దీ శరీరం నీరస పడిపోతూ ఉంటుంది.అందువల్ల శరీరకంగా శ్రమ తీసుకుని ఎక్సర్సైజులూ అవీ చెయ్యడానికి ఉత్సాహం ఉండదు.జీవక్రియలు మందగించడంవల్ల కూడా కేలోరీలు కరగక క్రొవ్వు రూపంలో నిలువ చేయబడి బరువు పెరుగుతారు.