Importance Of Shoes: మార్నింగ్ వాక్‌కు షూస్ అంత ముఖ్యమా?

1. ఎలాంటి షూ కొనాలంటే..

షూ కొనేముందు చాలా మంది చూసేది వాటి డిజైన్. ఎలాంటి రంగులో ఉన్నాయనే చాలా మంది చూస్తారు. అయితే వాకింగ్‌కు వెళ్లే వారు షూ డిజైన్ కంటే.. అవెంత సౌకర్యంగా ఉన్నాయి.. మీ బరువుకు సరిపోయేవి ఏవి.. ఎంత మన్నికగా ఉన్నాయి.. వాటి కూషన్ సరిగ్గా ఉందా లేదా అనే విషయాలను చూసుకోవాలి.

2. షూస్ ఎంత బరువు ఉండాలి?

రన్నింగ్ షూస్ సాధారణంగా 184 గ్రాముల నుండి 368 గ్రాముల మధ్య బరువు ఉంటాయని ప్రముఖ షూ తయారీ కంపెనీ చెప్పింది. తేలికపాటి షూస్ అంటే 227 గ్రాముల కంటే తక్కువ ఉండాలి.

మిడ్‌సోల్ బరువు బూడ్ల బరువును ప్రభావితం చేస్తుంది. మిడ్‌సోల్‌ సాధారణ రన్నింగ్ షూ బరువులో 75 శాతం వరకు ఉంటుంది. మిడ్‌సోల్్ అనేది అవుట్‌సోల్‌కు జోడించబడిన రన్నింగ్ షూలో భాగం. కుషనింగ్, షాక్ శోషణను నిర్దేశిస్తుంది.

3. మంచి బూట్లతో గాయాలయ్యే అవకాశాలు తక్కువ

సరైన బూట్లు ధరించడం వల్ల పాదాలు, మోకాళ్లపై ఒత్తిడి తక్కువగా ఉంటుంది. బ్రిస్క్ వాకింగ్ చేసే వాళ్లు సరైన షూస్ ఎంపిక చేసుకోవడం చాలా చాలా ముఖ్యం. వదులుగా, సరిగ్గా సరిపోని షూస్ వల్ల పాదాలకు మంచి రక్షణ ఉండదు. మడమలు, చీలమండలు, మోకాలు, హిప్స్, దిగువ వెన్నుపై విపరీతమైన ఒత్తిడి పడుతుంది.

4. కాలి వేళ్ల వద్ద ఖాళీ స్థలం

షూస్ ధరించినప్పుడు కాలి వేళ్లు కదిలించడానికి తగిన స్థలం ఉండాలి. ఇలా ఖాళీ స్థలం ఉండటం వల్ల నడుస్తున్నప్పుడు, పరిగెత్తటప్పుడు బొటనవేలు బూట్ల అరికాలిపై సరైన పట్టు ఉంటుంది.

5. శాండల్స్, స్లిప్పర్స్ ధరించి నడవొచ్చా?

మామూలు చెప్పులు వేసుకుని నడవడం వల్ల మోకాళ్లపై ఒత్తిడి పడుతుంది. నడక మంచిదే, నడక వల్ల ఎన్నో ప్రయోజనాలు ఉన్నాయి.. అయితే ఆ ప్రయోజనాలు పూర్తిస్థాయిలో అందాలన్నా.. నడక వల్ల ఎలాంటి సమస్యలు రాకుండా ఉండాలన్నా మంచి షూస్ ధరించడం ముఖ్యమని చెబుతున్నారు వైద్యులు.

ఫిట్‌నెస్‌ కోసం నడవాలనుకుంటున్నట్లైతే ముందుగా మంచి జత షూస్ కొనండి. స్లిప్పర్లు, శాండల్స్ ధరించి నడవడం మానుకోండి. బూట్లు కొనుగోలు చేసేటప్పుడు సౌకర్యం, కుషనింగ్, మంచి పట్టు ఉండేవి తీసుకోండి.