‘పుష్ప’ పోరికి అవంటే అస్సలు నచ్చవట...! కానీ ఓసారి టేస్ట్ చేసేసిందట...!

ప్రతిరోజూ లీటరు నీరు..

రష్మీక మందాన తన డైట్ లో భాగంగా ప్రతిరోజూ ఓ లీటరు వాటర్ కచ్చితంగా తాగాలని రిజల్యూషన్ తీసుకుందట. అంతేకాదు ఆమెకు అస్సలు ఇష్టం లేని బంగాళదుంపలు, టమోటాలను కూడా మెల్లగా తీసుకోవడం ప్రారంభించిందట.

చిలకడదుంపలకు ప్రాధాన్యత..

రష్మీక మందాన తనకు నచ్చని కూరగాయలను పక్కనబెట్టి.. నచ్చిన వాటికి తొలి ప్రాధాన్యత ఇస్తోందట. ఇందులో భాగంగా చిలకడ దుంపలకు తొలి ప్రాధాన్యత ఇస్తోందట.

హెల్త్ పై ఫోకస్..

తెలుగు, కన్నడ చిత్రాలతో బిజీగా మారిపోయిన రష్మీక మందాన తన హెల్త్ పై చాలా ఎక్కువగా ఫోకస్ పెట్టిందట. షూటింగ్ ముగిశాక లేదా షూటింగుకు ముందు కచ్చితంగా జిమ్ కు వెళ్లి వర్కవుట్స్ చేస్తోందట. ఇంతకుముందు సాయంత్రం వేళ ఎక్కువగా వర్కవుట్లు చేసేదట. అయితే ప్రస్తుతం బిజీ షెడ్యూల్ కారణంగా సాయంకాలం సమయంలో వర్కవుట్స్ తగ్గించిందట.

వర్కవుట్స్ పూర్తయ్యాక..

వర్కవుట్స్ పూర్తయిన వెంటనే కోడిగుడ్లను లేదా కోడిగుడ్లతో తయారైన ఆహారాన్ని తీసుకునేదట. ఎందుకంటే ఆరోగ్యం విషయంలో పూర్తి శ్రద్ధ తీసుకోవాలని చెబుతోంది ఈ కన్నడ భామ. అంతేకాదు ఆరోగ్యమే మహాభాగ్యం అని.. ఎవరికైనా అదే శ్రీరామ రక్ష అని ఉచిత సలహా కూడా ఇచ్చేస్తోంది ఈ ‘భీష్మ‘ కథానాయిక.

పొగ త్రాగేవారంటే..

రష్మీక మందాన గతంలో ఇచ్చిన ఇంటర్వ్యూలలో కూడా తనకు సంబంధించిన కొన్ని వ్యక్తిగత విషయాలను పంచుకుంది. ముఖ్యంగా సిగరేట్ (పొగ త్రాగడం) తాగే వ్యక్తులంటే ఈ కన్నడ భామ అస్సలు ఇష్టపడదట. అంతేకాదు ‘‘సిగరేట్ తాగే వారు తన చుట్టూ ఉండటాన్ని కూడా నేను తట్టుకోలేను‘‘ అని చెబుతుంది. ఎందుకంటే ఈ భామ ఆ వాసనను అస్సలు భరించలేదట.

ఆల్కహాల్ మితంగా తీసుకుంటే..

అయితే ఈ భామకు అప్పుడప్పుడు ఆల్కహాల్ తీసుకునేవాళ్లు నచ్చుతారట. అయితే ఆల్కహాలిజం(ఎక్కువగా తాగడం) వంటివి చేస్తే అస్సలు నచ్చదట. ఎందుకంటే ఆల్కహాల్ అధికంగా తీసుకుంటే కలిగి అనర్థాలేంటో.. ఆరోగ్యం ఏమవుతుందో తనకు బాగా అవగాహన ఉన్నట్టు చెబుతోంది రష్మీక మందాన.

కుక్క బిస్కెట్లను కూడా...

రష్మీక మందాన డైట్ లో భాగంగా ఓ సారి కుక్కబిస్కెట్లను కూడా తినిందని హీరో నితిని ఇంటర్వ్యూలో చెప్పాడు. ఈ విషయాన్ని రష్మీక మందాన కూడా స్వయంగా ఒప్పుకుంది. తను ఒకసారి కుక్క బిస్కెట్లను రుచి చూసిందట. అంతేకాదు అవి ఎలా ఉన్నాయో కూడా చెప్పి అందరినీ ఆశ్చర్యపరించింది.

All Images Credited to : Rashmika Twitter