క్యాన్సర్ : చిన్న లక్షణాలే కదా అని నిరక్ష్యం చేయకూడదు....

బరువు తగ్గడం

డైటింగ్‌, వ్యాయామం చేయడం వల్ల బరువు తగ్గుతున్నట్లయితే ఫర్వాలేదు. కానీ ఆహారపు అలవాట్లు మార్చుకోకుండానే, ఏ కారణం లేకుండానే బరువు తగ్గుతున్నట్లయితే అనుమానించాల్సి ఉంటుంది. పాంక్రియాజ్‌, స్టమక్‌ వంటి కేన్సర్‌లలో బరువు తగ్గడం జరుగుతూ ఉంటుంది.

జ్వరం

ఎంతకీ విడవని జ్వరం లింఫోమా, ల్యుకేమియా వంటి బ్లడ్‌కేన్సర్‌లకు సంకేతం కావచ్చు. కాబట్టి జ్వరం తగ్గకుండా ఉన్నట్లయితే డాక్టర్‌ను సంప్రదించాలి. ఒకవేళ అది కేన్సర్‌ కాకపోయినా జ్వరం తగ్గేవరకు చికిత్స తీసుకోవడం మరువద్దు.

నొప్పి

నొప్పికి చాలా కారణాలుంటాయి. అయితే వదలకుండా ఉన్న తలనొప్పి బ్రెయిన్‌ కేన్సర్‌ సంకేతం కావచ్చు. నడుంనొప్పి రెక్టల్‌, ఒవేరియన్‌ కేన్సర్‌కు సంకేతం కావచ్చు. ఒకవేళ విడవకుండా నొప్పి ఉన్నట్లయితే వైద్యుని సంప్రదించి కారణం తెలుసుకోండి.

దగ్గు

చాలా రోజులుగా దగ్గు బాధిస్తోందా? అది లంగ్‌ కేన్సర్‌కు సంకేతం కావచ్చు. సీజనల్‌ అలర్జీ వల్ల వచ్చిన దగ్గు కావచ్చు. కారణం ఏదైనా పరీక్ష చేయించుకోవడం మాత్రం మరువద్దు.

శరీరంలో గడ్డలు

శరీరంలో ఎక్కడైనా గడ్డల మాదిరిగా తగిలితే నిర్లక్ష్యం పనికిరాదు. బ్రెస్ట్‌, టెస్టికల్స్‌, లింఫ్‌ నోడ్స్‌ దగ్గర గడ్డల మాదిరిగా ఉంటే పరీక్ష చేయించడం ఉత్తమం.

రక్తస్రావం

అబ్‌నార్మల్‌ బ్లీడింగ్‌ కేన్సర్‌కు సంకేతం కావచ్చు. దగ్గినపుడు కఫంలో రక్తం పడటం, మలంలో రక్తం పడటం, మూత్రంతో పాటు రక్తం రావడం, వెజైనల్‌ బ్లీడింగ్‌ వంటివి కేన్సర్‌కు సంకేతాలు.

ఎంతకీ మానని పుండు

ఒకవేళ పుండు ఎంతకీ తగ్గకుండా ఉన్నట్లయితే డాక్టర్‌తో చెక్‌ చేయించుకోవాలి. నోట్లో పుండ్లు ఉన్నా ఓరల్‌ కేన్సర్‌ లక్షణం కావచ్చు.

చర్మంపై మార్పులు

ఒకవేళ పుట్టుమచ్చల్లో ఏమైనా మార్పులు కనిపించినా, చర్మంపై ఇతర మార్పులు కనిపించినా మెలనొమాకు సంకేతం కావచ్చు. కాబట్టి డెర్మటాలజిస్టును కలవాలి.

నీరసం

ఎప్పుడూ నీరసంగా ఉండటం కూడా కేన్సర్‌ సంకేతం కావచ్చు. చాలా మందిలో వివిధ కారణాల వల్ల నీరసం ఉంటుంది. ఒకవేళ రోజంతా నీరసంగా ఉన్నట్లయితే డాక్టర్‌ను సంప్రదించడం ఉత్తమం.

టెస్టిక్యులర్ మార్పుల:

టెస్టిక్యులర్స్(వృషణాలు) బరువుగా తెలిసినప్పుడు. ఒకదాని కంటే మరొకటి బరువుగా గుర్తించినప్పుడు(క్యాన్సర్) కు ప్రారంభ లక్షణంగా గుర్తించాలి. వెంటనే డాక్టర్ ను సంప్రధించాలి.

యూరిన్ లో బ్లడ్:

ప్రొస్టేట్ క్యాన్సర్ పురుషుల్లో అత్యంత ప్రాణాంతకమైన వ్యాది. పురుషల అండర్ వేర్ లో ఏదైన బ్లడ్ స్పాట్స్ లేదా రాషెస్ కనిపించినప్పడు వెంటనే డాక్టర్ ను సంప్రదించాలి.

అజీర్తి మరియు పొత్తికడుపులో నొప్పి:

క్రోనిక్ ఇన్ డైజషన్ మరియు అబ్డోమినల్ పెయిన్, కడుపు నొప్పి వంటివి ప్యాంక్రియటిక్ క్యాన్సర్ లక్షణాల్లో ఒకటి . ఈ క్యాన్సర్ ముక్యంగా స్మోకింగ్ వల్ల వస్తుంది.