Latest Updates
-
జలుబు వల్ల వచ్చే తీవ్రమైన తలనొప్పిని తగ్గించే బెస్ట్ చిట్కా ఇదే -
నార్త్ ఇండియా స్టైల్ పుట్టగొడుగులు బంగాళదుంప మసాలా..తరతరాలకు గుర్తుండిపోయే రుచి! -
విటమిన్ C, యాంటీఆక్సిడెంట్లు పుష్కలంగా ఉండే ఉసిరి సూప్..చలికాలంలో దీన్ని మించింది లేదు! -
పురుషుల దినోత్సవం స్పెషల్ స్వీట్..నోట్లో వెన్నలా కరిగిపోయే క్రీమీ రబ్రీని ఇంట్లోనే సులభంగా చేసుకోండిలా! -
చాక్లెట్ బ్రౌనీ చీజ్ కేక్ రెసిపీ.. పురుషుల దినోత్సవాన మీ ప్రియమైన వారికి ఇలా స్వీట్ సర్ ప్రైజ్ ఇవ్వండి! -
International men's day: ప్రతి పురుషుడు తప్పనిసరిగా చేయించుకోవాల్సిన టెస్టులు ఇవే! -
పిల్లల ఆట అనుకుంటున్నారా? పెద్దలు ఉయ్యాల ఊగడం వల్ల కలిగే ఆరోగ్య ప్రయోజనాలివే! -
చలికాలం స్పెషల్ బ్రేక్ ఫాస్ట్..ప్రోటీన్, ఐరన్ పుష్కలంగా ఉండే పెసరపప్పు పాలకూర దోసె చేసుకోండిలా.. -
చలికాలంలో హార్ట్ ఎటాక్ ముప్పు? తప్పక తెలుసుకోవాల్సిన నిజాలు! -
కేరళ స్పెషల్ మలబార్ చికెన్ బిర్యానీ.. బ్యాచిలర్లు కూడా చిటికెలో చేసేయొచ్చు!
ఉపవాసం ఉంటే క్యాన్సర్ కణాలు చనిపోతాయా?
క్యాన్సర్ కణాలకు గ్లూకోజ్ (చక్కెర) అంటే చాలా ఇష్టం. దాన్ని ఆహారంగా తీసుకునే అవి బతుకుతాయి. కాబట్టి మనం తినడం మానేసి ఉపవాసం ఉంటే, ఆ కణాలు పస్తులు ఉండి చనిపోతాయి కదా.. వినడానికి ఈ ఐడియా ఎంతో ఆసక్తికరంగా, చాలా సింపుల్ లాజిక్ లా అనిపిస్తుంది. స
సోషల్ మీడియాలో ఇలాంటి సలహాలు మనకు కోకొల్లలుగా కనిపిస్తుంటాయి. కానీ వాస్తవానికి మన శరీరం పనిచేసే విధానం వేరు. కఠినమైన ఉపవాసాలు ఉంటే క్యాన్సర్ తగ్గుతుందా? వైద్య శాస్త్రం ఏమంటోంది? అనే విషయాలను ఇక్కడ చూడండి.

మనం ఆహారం తీసుకోవడం మానేసినంత మాత్రాన క్యాన్సర్ కణాలు ఆకలితో అలమటించవని వైద్య నిపుణులు చెబుతున్నారు. మనం ఆహారం తీసుకోనప్పుడు, మన మెదడుకు, ఇతర ముఖ్యమైన అవయవాలకు నిరంతరం శక్తిని అందించడం కోసం మన లివర్ రంగంలోకి దిగుతుంది. అది మన శరీరంలో నిల్వ ఉన్న శక్తిని, ముఖ్యంగా కండరాలలోని అమైనో ఆమ్లాలను ఉపయోగించి స్వయంగా గ్లూకోజ్ ను తయారు చేయడం ప్రారంభిస్తుంది.
ఈ అద్భుతమైన ప్రక్రియనే వైద్య పరిభాషలో గ్లూకోనియోజెనిసిస్ (Gluconeogenesis) అని అంటారు. తివర్ ఎంతో కష్టపడి తయారు చేసిన ఈ గ్లూకోజ్ ను క్యాన్సర్ కణాలు కూడా చాలా సులభంగా గ్రహిస్తాయి. అంటే మనం రోజుల తరబడి పస్తులున్నా సరే క్యాన్సర్ కణాలకు కావాల్సిన ఆహారాన్ని మన శరీరమే స్వయంగా ఉత్పత్తి చేసి పెడుతుందన్నమాట.
క్యాన్సర్ వ్యాధితో పోరాడుతున్న వారిలో చాలా మంది ఇప్పటికే తీవ్రమైన కండరాల క్షీణత (దీనిని కాచెక్సియా అంటారు) బారిన పడే ప్రమాదంలో ఉంటారు. ఇలాంటి సమయంలో సరైన వైద్య పర్యవేక్షణ లేకుండా సుదీర్ఘమైన ఉపవాసాలు చేయడం వల్ల రోగిలోని కండరాలు మరింతగా కరిగిపోతాయి. దీనివల్ల వాళ్లు రోజురోజుకూ తీవ్రమైన నీరసానికి గురవుతారు. ఫలితంగా కీమోథెరపీ, రేడియేషన్ లేదా సర్జరీ లాంటి కఠినమైన, ఎంతో అవసరమైన క్యాన్సర్ ట్రీట్మెంట్స్ ని తట్టుకునే శారీరక బలాన్ని రోగులు పూర్తిగా కోల్పోతారు.
కొన్ని ప్రత్యేకమైన క్యాన్సర్ పరిస్థితులలో ఉపవాసం ఏమేరకు పనిచేస్తుందనే దానిపై శాస్త్రవేత్తలు ఇంకా పరిశోధనలు కొనసాగిస్తున్నారు. కానీ ప్రస్తుతానికి ఇది క్యాన్సర్ ను పూర్తిగా నయం చేస్తుందనడానికి గానీ, ప్రామాణిక మెడికల్ ట్రీట్మెంట్ కు ప్రత్యామ్నాయం అని చెప్పడానికి గానీ ఎలాంటి స్పష్టమైన శాస్త్రీయ ఆధారాలు లేవు. క్యాన్సర్ ట్రీట్మెంట్ అనేది ఇప్పటికే ఎన్నో సవాళ్లతో కూడుకున్న ప్రక్రియ. ఆధారాలు లేని తప్పుడు సలహాలను పాటించి, మీ పరిస్థితిని మరింత సంక్లిష్టం చేసుకోవద్దని నిపుణులు సూచిస్తున్నారు.
Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.



Click it and Unblock the Notifications
