గుండె పోటుమరణాలు ఆగాలంటే!

అమెరికాలోని ఆల్మస్టెడ్ కౌంటీ, మిన్, ప్రాంతంలో పొగరహిత చట్టాలను చేసిన తర్వాత గుండెపోట్లు, ఆకస్మిక గుండెపోటు మరణాలు సగానికి సగం తగ్గిపోయాయని రీసెర్చి వెల్లడించింది. ఈ అంశాన్నిమేయో క్లినిక్ నికోటైన్ డిపెండెన్స్ సెంటర్ డైరెక్టర్ మరియు రీసెర్చర్ రిచర్డ్ హర్ట్ తన పరిశోధనలో వెల్లడించారు. గుండె సంబంధిత వ్యాధులు లేదా కరోనరీ ఆర్టరీ వ్యాధులు వున్నవారు, పొగతాగేవారికి దూరంగా వుండాలని తెలిపారు.

సాధారణ వ్యక్తులకంటే కూడా వ్యాధులు వున్నవారికి పొగతాగే వారి చుట్టుపక్కల వుండటం ప్రమాదకరం కాగలదని రీసెర్చి తెలుపుతోంది. రీసెర్చి మేరకు పొగతాగే చట్టాలు చేసి అమలు చేసిన తర్వాత గుండెపోటు కేసులు, లేదా గుండెపోటు మరణాలు వంటి ప్రమాదాలు సుమారు 45 శాతం వరకు తగ్గాయని రీసెర్చర్లు పేర్కొన్నారు. వీరు చేసిన స్టడీ ఫలితాలను అమెరికన్ హార్ట్ అసోసియేషన్ సైంటిఫిక్ సమావేశాలలో సమర్పిస్తున్నారు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.