మహిళ గుండె అంటే దానికి ఇష్టం?

నేటిరోజుల్లో వారు వివిధ రకాల ఉద్యోగాలు, వ్యాపకాలు ఆచరిస్తున్నారని ప్రత్యేకించి గుండెపోట్లు, మెనోపాజ్ దశలోకి చేరుతున్న మహిళలను లక్ష్యం చేస్తున్నాయని వీరు వెల్లడించారు. కుటుంబ చరిత్ర, ఒత్తిడి, కాలుష్యం, రక్తపోటు, డయాబెటీస్, కొల్లెస్టరాల్ వంటివి ప్రధానంగా చిన్నవయసు వారిలో గుండెపోట్లు కలిగిస్తున్నాయి. మహిళలు తప్పక తమ జీవన విధానం మార్చుకోవాలని వ్యాయామాలు, నియమిత ఆహారం, ధ్యానం వంటివి తప్పక చేయాలని, మెనోపాజ్ దశకు చేరుతున్నవారు, తప్పక సంబంధిత పరీక్షలు చేయించుకోవాలి.

పోషకాహార లోపం ప్రత్యేకించి యుక్తవయసులో వుంటే, దాని ప్రభావం వారికి తర్వాతి వయసులో కరోనరీ హార్ట్ డిసీజ్ గా పరిణమిస్తుందని ఒక తాజా అధ్యయనం తెలుపుతోంది. యువతకు చిన్న వయసులో వున్నపుడు కలిగిన తీవ్రపోషకాహార లోపం భవిష్యత్తులో వారి ఆరోగ్యంపై ప్రభావం చూపుతుంది. ఈ స్టడీని యూనివర్శిటీ మెడికల్ సెంటర్ యుట్రెట్ మరియు యూనివర్శిటీ ఆఫ్ ఆమస్టర్ డామ్ పరిశోధకులు రెండవ ప్రపంచయుద్ధం చివరిలో వచ్చిన తీవ్ర కరువు సమయంలో సుమారుగా 7845 మహిళలపై నిర్వహించారు. రీసెర్చర్లు తమ స్టడీని 1993 - 1997 ల మధ్య ప్రధానంగా మహిళల బ్రెస్ట్ కేన్సర్ స్క్రీనింగ్ ప్రోగ్రామ్ గా మొదలుపెట్టి దానిని 2007 వారకు కొనసాగించారు. కరువు సమయంలో దానికి గురై వున్న మహిళలలో గుండె సంబంధిత కరోనరీ వ్యాధులు తీవ్రంగా వచ్చినట్లు తెలిపారు. కరువు సమయంలో ఈ మహిళల వయసు 10 నుండి 17 సంవత్సరాలున్నాయని, వీరికి తర్వాతి వయసులో 38 శాతం అధిక గుండె సంబంధిత రిస్కు కలిగిందని తెలిపారు.

పరిశోధకులు తమ పరిశోధనలో కరువు సమయంలో మహిళల వయసు, వారి విద్య, జీవన విధానం, స్మాకింగ్ వంటి అలవాట్లు అన్నిటికి ప్రాధాన్యతనిచ్చారు. కరువు సమయంలో దాని బారిన పడిన మహిళలకు, కరువంటే తెలియని మహిళల కంటే అధిక సమస్యలున్నాయని నిర్ధారించారు. ఈ స్టడీని యూరోపియన్ హార్ట్ జర్నల్ లో ప్రచురించారు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.