గుండెకు మేలు చేసే చాక్లెట్, రెడ్ వైన్!

By B N Sharma

Published: Friday, February 17, 2012, 14:32 [IST]

డార్క్ చాక్లెట్లు తినటం, రెడ్ వైన్ తాగటం వంటివి గుండెకు మేలు చేస్తాయని గుండె నిపుణులు చెపుతున్నారు. వివాహమైనవారు లేదా అతి దగ్గర సంబంధాలున్నవారు తక్కువగా పొగతాగటం, శారీరకంగా చురుకుగా వుండి సమాజంలో పేరు కలిగినవారుగా వుంటారట. వీరిలో ఒత్తిడి, ఆందోళనలు తక్కువగా వుంటాయి. ప్రేమించే స్వభావాలు కలవారు వారిలో రిలీజ్ అయ్యే హార్మోన్ల కారణంగా శరీరంపై మంచి ప్రభావం కలిగి వుంటారని గుండెపై మరింత ప్రయోజనం కలుగుతుందని హృదయ సంబంధిత వైద్యలు చెపుతున్నారు.

వ్యతిరేక భావాలు, శత్రుత్వాలు, మనిషిని చూడంగానే కోపం వచ్చేయటం వంటివి కరోనరీ ఆర్టరీ వ్యాధిని పెంచుతుందట. డార్క్ చాక్లెట్లు మరియు రెడ్ వైన్ రెండూ కూడా మంచి భావనలు కలిగించి ఎదుటివ్యక్తులను ప్రేమించే మనసు కలిగి వుండటం చేత గుండెకు మంచిదని వెల్లడైంది. డార్క్ చాక్లెట్లలో ఫ్లేవనాయిడ్లు వుంటాయి. ఫ్లేవనాయిడ్లు యాంటీ ఆక్సిడెంట్లను అందించి ప్రేమను పుట్టిస్తాయి. అంతేకాదు డార్క్ చాక్లెట్ తింటే రక్తపోటు, షుగర్ స్ధాయి కూడా తక్కువవుతుంది.

రెడ్ వైన్ లో కూడా ఫ్లేవనాయిడ్లు వుంటాయి. ప్రతిరోజూ కొద్దిపాటి రెడ్ వైన్ మహిళలైతే ఒక సారి, పురుషులు రెండు సార్లుగా తాగితే, గుండె జబ్బులు వంటివి వచ్చే అవకాశాలు తక్కువని వైద్య నిపుణులు వెల్లడిస్తున్నారు. అయితే, ఆల్కహాల్ వంటివి తాగే అలవాటు లేనివారు మాత్రం దానికి దూరంగా వుండటమే మంచిదట.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.