గుండెపోటు రాకుండా నివారించేందుకు సులువైన మార్గాలు..

Heart

oi-Saraswathi

By Sindhu

Published: Wednesday, August 15, 2012, 15:30 [IST]

గుండెపోటు అనేది ప్రాణాంతకమైన వ్యాధి. దీనిపై ప్రతి ఒక్కరికీ అవగాహన అవసరం. అందుకోసం గుండెపోటు కారణాలు, లక్షణాలు, నివారణోపాయాలపై అవగాహన కలిగి ఉండాలి. అకస్మాత్తుగా మరణాన్ని తెచ్చిపెట్టే అంశాల్లో గుండెపోటు ఒకటి. అసలు గుండె పోటు ఎలా వస్తుంది..? గుండెకు రక్తం సరఫరా చేసే రక్తనాళాలలో కొవ్వు పేరొకుని రక్త నాళానికి అడ్డంకులేర్పడతాయి. గుండెరక్తనాళాల్లోని లోపలి పొరను ఇంటిమా అంటారు. వాటిలో రక్తంలోని కొలెస్టరాల్‌ డిపాజిట్‌ కావడాన్ని అథిరోక్లిరోసిస్‌ అంటాం. అథిరోక్లిరోసిస్‌ ప్లేక్స్‌ (పలకలు) రక్తనాళాలలోని రక్తపీడన మార్పుల వల్ల పగలిపోతాయి. దీంతో వాటిమీద రక్తకణాలు గుమికూడి రక్తం గడ్డ కడుతుంది. దీనినే అథిరో త్రాంబోసిస్‌ అంటారు. దీని వల్ల గుండె కండరకానికి రక్తం సరఫరా ఆగిపోతుంది. ఎప్పుడైతే గుండెరక్త నాళం మొత్తంగా బ్లాక్‌ అవుతుందో ఆ గుండె కండర భాగానికి రక్తం ఆగి, కండరం దెబ్బతిని పనిచేయకపోవడం వల్ల గుండెపోటు వస్తుంది. దీన్ని అత్యంత తేలిగ్గా నివారించడానికి అనేక పరిశోధనలు, అధ్యయనాలు ప్రపంచ వ్యాప్తంగా జరుగుతున్నాయి. వాటి అధ్యయన ఫలితాల ప్రకారం కొన్ని తేలికైన మార్గాలివి....

మీకు కీవీ ఫ్రూట్స్ అందుబాటులో ఉంటే తరచూ తినండి. కీవీ ఫ్రూట్స్ రక్తంలోని ట్రైగ్లిజరైడ్స్ పాళ్లను సమర్థంగా 15 శాతం తగ్గించగలదు. ఒక మందులా రక్తాన్ని పలచబార్చేందుకు ఆస్పిరిన్ ఎలాంటి ఫలితాలను ఇస్తుందో... మందు కాకపోయినా కీవీ పండు కూడా అలాంటి ఫలితాలను ఇస్తుందని ఓస్లో యూనివర్సిటీ పరిశోధకులు చెబుతున్నారు.

ఎముకలు ఆరోగ్యంగా ఉన్నవారిలో గుండె కూడా ఆరోగ్యంగా ఉన్నట్టే. ఎందుకంటే... రుమటాయిడ్ ఆర్థరైటిస్ ఉన్న 60 శాతం మంది గుండెపోటుకు గురవుతుంటారు. అందుకే ఎముకల ఆరోగ్యాన్ని పరిరక్షించుకోడానికి క్యాల్షియమ్ పుష్కలంగా తీసుకోవడం అవసరమని జర్నల్ ఆఫ్ ఇంటర్నల్ మెడిసిన్ పేర్కొంది. క్యాల్షియమ్ కోసం రోజూ కనీసం 200 ఎం.ఎల్. పాలు తాగడం ఒక తేలికైన మార్గం.

కొవ్వులేని పాలతో తోడేసిన పెరుగు తినడం మంచిది. ఇక పాశ్చాత్య దేశాల్లో అయితే వెనిల్లా ఫ్లేవర్‌తో లభ్యమయ్యే యోగర్ట్ తింటే... అందులోని యాంటీ ఆక్సిడెంట్స్ గుండెజబ్బులను నివారిస్తాయని యూరోపియన్ జర్నల్ ఆఫ్ ఫార్మస్యూటికల్ సెన్సైస్ పేర్కొంటోంది.

తాజా ఆకుకూరలు, కాయగూరలు, పళ్లు, పీచుపదార్థాలు తీసుకోవాలి. మాంసం తగ్గించి తీసుకోడం మంచిది. మాంసాహారం ఇష్టమున్నవారు చేపలు తీసుకోవడం మంచిది. రోజూ కనీసం 20 నిమిషాలు వాకింగ్‌, రన్నింగ్‌, సైక్లింగ్‌, స్విమ్మింగ్‌, జాగింగ్‌ ఏదోకటి చేయాలి. నూనెలో వేయించిన పదార్థాలు, స్వీట్స్‌, పిజా ఫిజా, బేకరీ ఐటవమ్స్‌ తీసుకోడం అంతమంచిది కాదు. సిగరేట్‌, బీడి, పొగాకు, చుట్ట అలవాటుంటే మానేయాలి. రెగ్యులర్‌గా బిపి, సుగర్‌, కొలెస్ట్రాల్‌ చెకప్‌ చేయించుకునే సాధారణ స్థాయిలో ఉంచుకుంటే గుండెపోటు రాకుండా నివారించుకోవచ్చు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.