గుండెపోటు రాకుండా వుండాలంటే?

Heart

oi-Nageswara

By B N Sharma

Published: Tuesday, April 10, 2012, 15:01 [IST]

నలభై ఏళ్ళ వయసు వచ్చిందంటే, నేటిరోజులలో, చాలామందికి గుండె సంబంధిత సమస్యలు వచ్చేస్తున్నాయి. కొన్ని కేసుల్లో గుండె పోటు వచ్చిందంటే, చికిత్సకు కూడా అవకాశం లేకుండా వెంటనే మరణించిన వారు కూడా వుంటున్నారు. గుండె శరీరంలో ప్రధాన కండరం. ఇది ఏ మాత్రం విశ్రాంతి పొందక ఇరవై నాల్గు గంటలూ మీ శరీరంలోని వివిధ భాగాలకు రక్తాన్ని సరఫరా చేస్తుంది. చెడు రక్తాన్ని లోపలికి తీసుకుంటూ, మంచి రక్తాన్ని సరఫరా చేస్తుంది. ఇంత ప్రధాన అవయవమైన గుండెకు ఏ కష్టం రాకుండా ఎలా? చూపుకోవాలి. ఏ రకమైన జాగ్రత్తలు, ఏరకమైన ఆహారాలు, ఏ రకమైన వ్యాయామాలు చేయాలి? అనేది పరిశీలించండి.

1. బరువు పెరగకుండా చూసుకోవాలి. ఇందుకు క్రమం తప్పక ప్రతిరోజూ ఏరోబిక్స్ వ్యాయామాలు చేయాలి. నడక. క్రమం తప్పకుండా వ్యాయామం చేయడం వల్ల రక్తప్రసరణ మెరుగుపడుతుంది.

2. రక్తపోటు రాకుండా ఆహారంలో ఉప్పు తొలగించాలి. పూర్తిగా తొలగించలేనివారు కొంత మేరకు తగ్గించాలి. దీనికి బదులుగా ఆహారంలో ఎక్కువ మొత్తం పొటాషియం గల పదార్థాలు ఉండేలా చూసుకోవాలి.

3. పొగాకు ఉత్పత్తులు, పొగతాగడం, ఆల్కహాల్, లిక్కర్, మాదకద్రవ్యాలు వంటివి మోతాదు మించి సేవించడం వల్ల రక్తపోటు పెరుగుతుంది. గుండెపనితీరు మారుతుంది.

4. వయసు పైబడుతున్న కొద్ది రక్తనాళాలలో అడ్డంకులు ఏర్పడతాయి. కనుక రక్తనాళాలు విశాలం అవడానికి విటమిన్ -బికి చెందిన నియాసిస్ ఉపయోగపడుతుంది. దీనికి సంబంధించిన టాబ్లెట్లు వాడటానికి వైద్యుల సలహా తప్పనిసరిగా వుండాలి.

5. గోధుమ ఊక, వేరుశనగపప్పు, పొద్దుతిరుగుడు గింజలు, కోడిగుడ్డు, చేపలలో బి - విటమిన్ ఎక్కువ. బి. విటమిన్ శరీరానికి అవసరమైన రోగ నిరోధక శక్తినిస్తుంది.

6. బేటా కెరోటిన్ అధికంగా వుండే ఆహారాలు తినాలి. బేటా కెరోటిన్, కేరట్లు, కేబేజి, వింటర్ స్క్వాష్, చిలకడ దుంపలు, పచ్చని ఆకు కూరలు, బాదం పప్పులు మొదలైనవాటిలో అధికంగా వుంటుంది. ఈ ఆహారాలు తింటే గుండెకు తగిన బలం ఏర్పడి, గుండెపోట్లు రాకుండా వుంటాయి.

సరళమైన ఈ చిట్కాలు పాటిస్తే రక్తపోటు, దాని నుండి వచ్చే గుండెపోటు మీ వద్దకు చేరవు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.