గుండెపోటును కనిపెట్టగల రక్తపరీక్ష!

Heart

oi-Nageswara

By B N Sharma

Published: Friday, April 6, 2012, 11:05 [IST]

గుండెపోటు ఎంత దూరంలో వుందనేది... కనిపెట్టటానికి స్క్రిప్స్ ట్రాన్స్ లేషనల్ సైన్స్ ఇన్స్టిట్యూట్ పరిశోధకులు ఒక కొత్త రకం రక్తపరీక్షను కనిపెట్టారట. ఈ రక్తపరీక్ష రిపోర్టు గుండె జబ్బు రాగలదంటే...దానిని సుమారు రెండువారాలముందే డాక్టర్ కు రోగికి తెలియజేస్తుందట. ఈ అంశంలో పరిశోధన మరింత జరుగుతోందని ఇదే గనుక సరైనదని రుజువైతే ఇకపై డాక్టర్లకు పని మరింత సులువవుతుందని, ఎంత తీవ్రంగా, ఎంత త్వరగా వచ్చే గుండెపోటుకైనా సరే రోగులతో డాక్టర్లు వేగంగా వ్యవహరించగలరని త్వరలో రాబోయే గుండె పోటును, మరింత కలుగబోయే నష్టాలను కూడా అరికట్టే అవకాశాలుంటాయని టీమ్ లీడర్, కార్డియాలజిస్ట్ ఎరిక్ టోపాల్ వివరించారు.

ఈ రోగ నిర్ధారణ ఎంత అభివృధ్ధి చెందినప్పటికి కరోనరీ ఆర్టరీ డిసీజ్ నిర్ధారణలు ఎంత వేగంగా చేసినప్పటికి నేటి రోజుల్లో వచ్చే గుండెజబ్బులు ఏ సమయంలో ఎంత వేగంగా వచ్చేది చెప్పలేకుండా వున్నామని, రీసెర్చర్లు తెలిపారు. డాక్టర్లకు వేగంగా ఒక్కపెట్టున వచ్చే ఈ గుండెపోట్ల నిర్ధారణకై క్లినికల్ గా ఒక పరీక్ష అవసరం ఎంతో వుందని కూడా తెలిపారు. ఈ స్టడీలో కనిపెట్టిన రక్తపరీక్షలో అది రక్తనాళాల గోడలు బలహీనపడితే సంబంధిత కణాలను గుర్తుపట్టేస్తుందట.

వాటిని సిఇసిలు (సర్కులేటింగ్ ఎండోధిలియల్ సెల్స్) అని అంటారు. పరీక్ష గుర్తుపట్టి గుండె జబ్బులను ప్రారంభంలోనే సూచిస్తుంది. గుండెకురక్తాన్ని సరఫరా చేసే రక్తనాళాలలో అడ్డంకులు గుండెపోటు వచ్చే ముందుగానే మొదలవుతాయని కార్డియాలజిస్టులు తెలుపుతారు. గుండె జబ్బుల ప్రధమ దశలో, రక్తనాళాల గోడలు బలహీనపడతాయి. అవి రక్త సరఫరా మందగిస్తాయి. వాటిలోని కణాలు ఎర్రగా మారతాయి. ఇవి ఈ రకంగా మారి రక్తనాళాల గోడలకు లోపల వుండే ఎండోధిలియల్ సెల్స్ కు హాని కలిగిస్తాయి.

ఎండోధిలియల్ సెల్స్ టిష్యూ లోపలి లైనింగ్ ఏర్పరుస్తాయి. ఈ కణాలకు తీవ్ర మంట కలుగుతుంది. అవి విభజించబడి రక్తప్రవాహంలో కలుస్తాయి. ఈ స్టడీలో సుమారు 94 మంది రోగులు పాల్గొన్నారు. వీరిలో 50 మందికి గుండెపోటు రాగా, 44 మందికి అరికట్టబడింది.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.