‘లబ్ డబ్’ బదులుగా ‘డార్లింగ్...డార్లింగ్’!

By B N Sharma

Published: Tuesday, January 31, 2012, 15:48 [IST]

వేలంటైన్ల రోజు....అంటే ప్రేమికుల రోజు. మరి ఈ రోజున వ్యక్తపరిచే మీ ప్రేమను ఏ ప్రియురాలు శంకించలేదు. మీ జీవితంలోకి వచ్చే యువతికి ప్రత్యేకమైన రోజు. మరి ఆమెకు లేదా అతనికి దీర్ఘకాలం గుర్తుండిపోయేలా, అమితమైన స్వేచ్ఛను పొందగల రోజే ప్రేమికుల రోజు. ఫిబ్రవరి నెల రొమాన్స్ కు సంకేతం. ప్రతి ఏటా ఫిబ్రవరి 14వ తేదీ వచ్చే వేలంటైన్స్ డే నాడు తమ ప్రేయసి లేదా ప్రేమికుడికి ఏ బహుమతి ఇవ్వాలా అనేది ప్రతి ప్రేమికుడూ ప్రేయసి ఆలోచిస్తూనే వుంటుంది. ఈ రోజున ఎన్నో రకాల కొత్త ఆలోచనలు, కొత్త బహుమతులు, ఎన్నడూ కనీ వినీ ఎరుగని రీతిలో వేడుకలు, సినిమాలు, డిన్నర్లు, వంటలు మొదలైనవాటితో ఆనందాలు ప్రేమికులకు కలుగుతాయి.

ప్రపంచంలోని అన్నిరకాల సంస్కృతులు ఈ వేలంటైన్ పండుగలో ప్రతిబింబిస్తూంటాయి. మీ హృదయంలోని మాటలు ఐ లవ్ యు లేదా నేను ప్రేమిస్తున్నాను వంటివి ఈ రోజున ఎవరో ఒకరికి తెలుపకపోతే, మీకు హృదయానుభూతి కొరవడినట్లే. ఒక సారి నష్టపోయిన ప్రేమను సైతం ఈ రోజున మీరు మరోమారు హృదయం తెరిచి స్వాగతించవచ్చు. అందుకు ఇదే సరైన సమయం. మీరు మెచ్చే మీ ప్రేయసికి నచ్చే పూలు, చాక్లెట్లు లేదా మీ కవిత్వం ఒలికేటి గ్రీటింగ్ కార్డులు ఇచ్చి పుచ్చుకోండి. ఇవన్నీ పాతకాలం పద్ధతులనుకుంటే....కొన్ని కొత్త ఆలోచనలు మేమిస్తున్నాం పరిశీలించండి.

వేలంటైన్ పండుగ యువతకే కాదు, నలభయ్యో పడిలో పడిన వారికి కూడా వర్తిస్తుంది. లవర్స్ డే నాడు ఈ వయసులవారు కూడా ఇచ్చి పుచ్చుకోడాలలో ఆనందిస్తారు. ఈ రోజు మీ వేలంటైన్ ఒక గొప్ప స్నేహితుడు, జీవిత భాగస్వామి, కష్టాలలో మీ సహచరి. కనుక అతనిని లేదా ఆమెను ఈ రోజు అవసరం మేరకు ప్రత్యేకంగా భావించడం అత్యవసరం. మరి ఇంకా దేనికి మీ అనవసర వెయిటింగ్? ఈ రోజే ప్రేమ చరిత్రలన్నీ తిరగేయండి, రొమాంటిక్ సినిమాలు, వంటకాలు వంటివి గుర్తించి గుండెలో ఉబికి వస్తున్న మీ ప్రేమ పంచేయండి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.