ఈ ట్యాబ్లెట్ వేసుకుంటే 'అబ్బాయి' పుడతాడంట!..ఎవ్వరికీ తెలియని రహస్యం ఇక్కడ ఉంది

ఒకప్పుడు ఆడపిల్ల పుట్టడం భారంగా భావించేవారు. ఎందుకంటే విద్య, వివాహం, వరకట్నం అందించాల్సి వస్తుందనే భయం ఉండేది కనుక అలా భావించేవాళ్లు. కానీ ఇప్పుడు కాలం మారిపోయింది. ప్రజల ఆలోచనా విధానం కూడా మారిపోయింది. లింగంతో సంబంధం లేకుండా అందరికీ సమానత్వం పెరుగుతోంది. అయినప్పటికీ కొంతమంది ఇప్పటికీ తమ పాత ఆలోచనలను వదులుకోలేదు.

ఆడపిల్లలను వీధిలో వదిలివేయడం లేదా చెత్తబుట్టల్లో వేయడం వంటి సంఘటనలు నేటికీ జరుగుతున్నాయి. కొందరు దంపతులు తమ కుటుంబ వారసత్వాన్ని కొనసాగించడానికి కొడుకు మాత్రమే కావాలనే కోరుకుంటున్నారు. కొందరయితే తమ ఆర్థిక స్థోమత గురించి కూడా ఆలోచించకుండా కొడుకు పుట్టేదాకా ఎంతమంది పిల్లల్ని అయినా కంటుంటారు.

ఆయుర్వేదం పేరుతో కొన్ని మెడిసిన్స్

ఇంకొందరు అయితే కొన్ని మందులు లేదా ప్రత్యేక పద్ధతులను అనుసరించడం ద్వారా కొడుకు పుడతాడు అనే అపోహలు, పుకార్లను నమ్ముతారు. ఇదే సమయంలో పురుషుల సంతానోత్పత్తి మందులు అని పిలువబడే కొన్ని మెడిసిన్స్ మార్కెట్ లో అందుబాటులో ఉన్నాయి. శాస్త్రీయంగా చెప్పాలంటే ఏ మెడిసిన్ లేదా అభ్యాసం అబ్బాయి లేదా అమ్మాయి జననాన్ని పూర్తిగా నియంత్రించగలదని చెప్పడానికి ఎటువంటి ఆధారాలు లేవు. వాస్తవానికి గర్భం దాల్చడం మాత్రమే మన చేతుల్లో ఉంది. కానీ అది అమ్మాయినా లేక అబ్బాయినా అనే నిర్ణయం పూర్తిగా ప్రకృతి నియంత్రణలో ఉంటుంది.

అయినప్పటికీ అబ్బాయిలు పుట్టే మెడిసిన్ లు అంటూ ఆయుర్వేద వైద్యం పేరుతో కొన్ని ప్రొడక్ట్ లు మార్కెట్లో అందుబాటులో ఉన్నప్పటికీ వాటి ప్రభావం శాస్త్రీయంగా నిరూపించబడలేదు. మరోవైపు, కృత్రిమ లింగ ఎంపిక అనైతికంగా పరిగణించబడుతుంది. ఇది భారతదేశంలో చట్ట వ్యతిరేకం.

అసలు విషయం ఇది

నిపుణుల అభిప్రాయం ప్రకారం..పిల్లల లింగం పురుషుడి స్పెర్మ్‌లోని క్రోమోజోమ్‌లపై ఆధారపడి ఉంటుంది. X క్రోమోజోమ్‌ను కలిగి ఉన్న స్పెర్మ్ ఒక గుడ్డును ఫలదీకరణం చేస్తే ఒక అమ్మాయి పుడుతుంది. Y క్రోమోజోమ్‌ను కలిగి ఉన్న స్పెర్మ్ ఒక గుడ్డును ఫలదీకరణం చేస్తే మగ బిడ్డ పుడుతాడు. స్త్రీలు ఎల్లప్పుడూ X క్రోమోజోమ్‌ను మాత్రమే విడుదల చేస్తారు. పురుష శుక్రకణంలో మాత్రమే X లేదా Y క్రోమోజోములు ఉంటాయి. అందువల్ల,మగ బిడ్డ పుట్టాలంటే అది పూర్తిగా మగవారి కణాలపై ఆధారపడి ఉంటుంది.

నిపుణులు ఏమంటున్నారంటే

కొన్ని మందులు తీసుకోవడం వల్ల మగ బిడ్డ పుడతారనే ఆలోచన పూర్తిగా తప్పు. Y క్రోమోజోమ్‌ను పెంచే మందులు ఉన్నాయని సూచించడానికి ఎటువంటి ఆధారాలు లేవని నిపుణులు స్పష్టం చేశారు. కానీ అలాంటి మందులు కొనుగోలు చేసి ఎవరినీ నమ్మి మోసపోవద్దని ప్రజలకు సలహా ఇస్తున్నారు. ప్రమాదకరమైన మందులు, పుకార్లను నమ్మవద్దని నిపుణులు హెచ్చరించారు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.