జననాంగ భాగాల పరిశుభ్రత!

Wellness

oi-Nageswara

By B N Sharma

Published: Thursday, October 13, 2011, 17:03 [IST]

వ్యక్తిగత పరిశుభ్రత ఇన్ ఫెక్షన్స్ నుండి దూరంగా వుంచుతుంది. అదే విధంగా జననాంగ భాగాల పరిశుభ్రత కూడా చాలా ప్రధానమైంది. మహిళలు జననాంగ భాగాల పరిశుభ్రతకు ప్రత్యేక శ్రధ్ధ వహించాలి. ఎందుకంటే వీరి జననాంగంలో అతి సూక్షమైన క్రిములు సైతం చేరే అవకాశం వుంది. జననాంగం పరిశుభ్రంగా వుంటే ఆ భాగం దుర్వాసన కొట్టకుండా కూడా వుంటుంది. మహిళల జననాంగ భాగాల పరిశుభ్రతకవసరమైన కొన్ని చిట్కాలు పరిశీలించండి.

1. జననాంగ భాగాన్ని ప్రతిరోజూ వాష్ చేయండి. టాయ్ లెట్ కు వెళ్ళినపుడు ప్రధానంగా క్లీన్ చేయాలి. బాక్టీరియా, ఈస్ట్ లు పేగులలోకి చొరబడే అవకాశం వుంది కనుక వజీనాను ఎప్పటికపుడు సరిగా శుభ్రం చేయాలి.

2. స్నానం చేసేటపుడు, క్లిటోరియస్, యురిత్రా (మూత్ర విసర్జన భాగాలు) తప్పని సరిగా శుభ్రం చేయాలి.ఎందుకంటే వాటినుండి ద్రవాలు బయటకు వస్తూంటాయి. సోప్ లేదా ఇతర బాడీ వాష్ వంటివి ఉపయోగించండి.

3. ప్యూర్ కాటన్ లేదా సిల్క్ వస్త్రాలు లోదుస్తులుగా ధరించండి. సింధటిక్, పాలీయస్టర్ వంటివి తడిస్తే త్వరగా ఆరక, ఆ ప్రదేశంలో బాక్టీరియాను పెంచుతాయి.

4. రతిక్రీడకు ముందు జననాంగ భాగాన్ని బాగా కడగండి. ఇది శుభ్రతకే కాక, దుర్వాసన రాకుండా చేస్తుంది.

5. రతిక్రీడ అయిన తర్వాత, జననాంగ భాగాన్ని బాగా కడగండి. వీలైనంతవరకు 20 నిమిషాలలోపు కడిగేస్తే, ఇన్ఫెక్షన్లు అంటకుండా వుంటాయి. స్నానం చేయవలసిన అవసరం లేదు. ఆ భాగం వరకు బాగా కడిగితే చాలు.

6. స్నానం అయిన తర్వాత, జననాంగ భాగం పొడిగా వుండేలా చూసుకోండి. తడి వుంటే బాక్టీరియా త్వరగా పెరిగిపోతుంది. లోపలి దుస్తులు ద్రవాల కారణంగా తడిగా వుంటుంటే, రోజుకు రెండు మార్చండి.

7. జననాంగ భాగ వెంట్రుకలు ఎదిగినపుడల్లా తీసివేయాలి.

8. రుతుక్రమ సమయంలో ప్రతి 3 లేదా 4 గంటలకు ప్యాడ్ మార్చండి లేకుంటే అది తడిగా వుండి సమస్యలు కలిగిస్తుంది.

9. గుడ్డలు తడిగా వుంటే వెంటనే మార్చండి. సాధ్యమైనంతవరకు జననాంగ భాగాన్ని పొడిగా వుంచటానికి ప్రయత్నించండి.

10. బిగువైన ప్యాంట్లు, ఇతర దుస్తులు వేయకండి. ఈ రకమైన దుస్తులు వేస్తే చర్మం గాలి ఆడక తేమను ఏర్పరుస్తుంది.

11. ఆ భాగాలకు ఇన్ఫెక్షన్స్ త్వరగా వస్తుంటే, వజీనా ను పిహెచ్ సోప్ ఉపయోగించి కడగండి.

12. శుభ్రత లేని పబ్లిక్ టాయిలెట్లపై కూర్చోరాదు. కూర్చునేముందు సీటు శుభ్రం చేసుకోండి. ఈ భాగానికి వచ్చే సమస్యలు పబ్లిక్ టాయ్ లెట్ ల వలనే వస్తాయి. మీరు సీటుపై కూర్చొని ఎపుడూ ఫ్లష్ చేయకండి. అందులోని క్రిములు మీ జననాంగ భాగానికి అంటే ప్రమాదముంది.

13. మాంసం తింటే అది వజీనాకు దుర్వాసన కలిగిస్తుంది. వదిలేయండి. జననాంగభాగాలు పరిశుభ్రంగా వుండాలంటే, మహిళలు, తగినన్ని పచ్చటి కూరలు, తాజా పండ్లు తింటూ రోజుకు కనీసం అంటే 2 లీటర్ల నీరు తాగాలి. ఈ నీరు వజీనాలో మంట రాకుండా కూడా చేస్తుంది.

ఈ అంశాలు ఆచరిస్తూ ఆరోగ్యంగా, మంచి వాసనలతో సంతోషంగా గడిపేయండి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.