ఓట్ గింజల ఆహారం తేలికగా తినాలంటే?

By B N Sharma

Published: Saturday, June 16, 2012, 10:22 [IST]

ఓట్ మీల్ కు ఈ మధ్య కాలంలో వేగవంతంగా ఆదరణ వస్తోంది. ఏ మాత్రం డైటింగ్ చేయాలనుకున్నా, లేదా బరువు తగ్గాలన్నా, ఆరోగ్యకర ఆహారం తినాలన్నా, చాలామంది ఓట్ మీల్ తినేందుకు ప్రయత్నిస్తున్నారు. ఓట్ గింజలు ఎంతో ఆరోగ్యకరం, అనేక పోషకాలు వీటిలో వుంటాయి. కాని ఓట్ గింజల రుచి అవి మీకు గొంతు దిగటం కష్టమనిపిస్తుంది. ఓట్ గింజలను నీరు లేదా పాలతో కలిపినప్పటికి అదే రుచిగా వుంటాయి. మార్పు వుండదు. కనుక ఓట్ గింజల ఆహారాన్ని ఆరోగ్యకరంగాను, రుచికరంగాను చేయాలంటే, కొన్ని తేలిక మార్గాలు పరిశీలించండి. నేడే ఈ ఆరోగ్యకర ఆహారాన్ని మీ రెగ్యులర్ మెనులో చేర్చండి.

పొడిగా తినండి - ఓట్లు తినేందుకు ఇది ఒక తేలికైన మార్గం. ఎండు ఓట్లు అలాగే తినేయండి. వీటిని పాలతో కలిపి తినాలంటే అది తీపి పాయసంగా వుంటుందని చాలామంది ఇష్టపడరు. మరి ఈ ఎండు ఓట్లను మరింత రుచిగా చేయాలంటే, వాటికి జీడిపప్పులు, కిస్ మిస్, బాదం పప్పు వంటివి కలిపి తినండి.

పాలు లేదా పెరుగుతో కలిపి తినండి - సాధారణంగా ఓట్లను వేడినీటిలో మరిగిస్తారు. అలా కాకుండా వాటిని బాదంపాలు లేదా రుచికర పెరుగుతో కలిపి తినండి. పెరుగు తీపిగా లేకుండా చూడండి. వేడిపాలు ఓట్ గింజలకు కలిపి అది ఒక పాయసంగా కాకుండా వెంటనే తినేయవచ్చు. అయితే, డైటింగ్ చేసేవారు బరువు పెరగకుండా, వెన్న తీసిన పాలను ఉపయోగించాలి. మీరు తీపి తినేవారైతే, దానిలో కొద్దిగా చాకోలెట్ సాస్ వేసుకు తినండి.

పండ్లు లేదా సిరప్ - ఓట్ ఆహారానికి పండ్లు లేదా సిరప్ కలిపితే, రుచి చాలాబాగుంటుంది. ఓట్లకు ఏ కొద్ద మార్పు చేసినా మంచి రుచి వచ్చేస్తుంది. మీకిష్టమైన పండ్లను లేదా పండ్ల రసాలైన ఆపిల్, మామిడి, వాటర్ మెలన్, ద్రాక్ష, కివి, స్ట్రాబెర్రీ మొదలైన వాటిని చేర్చండి. మీ బ్రేక్ ఫాస్ట్ ఎంతో రుచికరంగా వుంటుంది. పండ్లు రెడీగా లేనపుడు పండ్ల రసాలు కలిపితే మరింత రుచిగా వుంటుంది.

చల్లుకు తినండి - సలాడ్ లలో కర కర మనేటందుకు ఓట్లు చల్లుకొని తినండి. పండ్లు, కూరల సలాడ్లకు పైన ఓట్ గింజలు వేస్తే మంచి రుచి, కర కర అంటూ వుంటాయి. మరింత రుచి రావాలంటే, క్రీమ్, దానిమ్మ, స్ట్రాబెర్రీ లేదా చెర్రీల వంటివి కూడా సలాడ్ పై వేసి తినవచ్చు.

ఓట్లతో ఛాట్ ఎలా? ఓట్లను తినటానికి ఇది తేలిక మార్గం. కోసిన దోసకాయ, ఉల్లిపాయ, కేప్సికం, పచ్చిమిరప మరియు టమాటాల ముక్కలలో ఓట్లు కలిపి తినండి. ఈ డిష్ లో కొన్ని మసాలాలు, లేదా నిమ్మరసం వేస్తే కూడా బాగుంటుంది. సాయంకాలం స్నాక్స్ గా తినవచ్చు. దీనిని తీపిగా కూడా చేయవచ్చు. అందుకుగాను దానిమ్మ లేదా ఇతర పండ్లను చేర్చండి. ఇవి మీ కడుపు నింపటమే కాక, ఆరోగ్యాన్ని కూడా ఇస్తాయి.

ఓట్లను మరిన్ని విధాలుగా రుచికరంగా ఎలా తినాలో మీకు తెలిస్తే వాటిని మాతో పంచుకోండి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.