రెడ్ ఫుడ్ తినండి... జీవిత కాలం ఆరోగ్యంగా జీవించండి...

ఎర్రని ద్రాక్ష

ఎర్రని ద్రాక్ష అధిక శాతం న్యూట్రిషియన్స్ కలిగి ఉంటుంది. అందులోనూ విటమిన్ సి, యాంటిఆక్సిండెంట్స్ ఎక్కువగా ఉంటాయి. ఇవి గుండెను సంరక్షించుటలో బాగా పనిచేసి, లో కొలెస్ట్రాల్ లెవెల్స్ ను సమతుల్యతకు ఉపయోగపడుతాయి. ద్రాక్ష పండ్లలోని టన్నీస్, పాలిఫినాల్స్ క్యాన్సర్ సంబంధిత కారకాలపై పోరాడుతాయి.

టమోటో

టమోటో: వెజిటేబుల్స్ లో అధిక పోషకవిలువలు కలిగినటువంటింది టమోటో. ఇందులో విటమిన్ సి అధికంగా కలిగి ఉండి, బరువును తగ్గించడానికి బాగా సహాయపడుతుంది. ఇందులోని బీటా కెరోటిన్ క్యాన్సర్ కణాలతో పోరాడి, క్యాన్సర్ బారీన పడకుండా సహాయపడుతుంది.

వాటర్ మెలోన్(పుచ్చకాయ)

వాటర్ మెలోన్(పుచ్చకాయ): పుచ్చకాయను ప్రతి రోజూ తీసుకోవడం వల్ల గుండె సంబంధిత ఏ ఇతర జబ్బులను ధరిచేరనివ్వదు. పుచ్చకాయలో ఉన్నటువంటి విటమిన్స్, మినిరల్స్ రోగనిరోధక శక్తిని పెంచడానికి బాగా ఉపయోగపడుతాయి. పుచ్చకాయ (వాటర్ మెలోన్), మస్క్ మెలోన్, లేదా హనీడ్యూ ఇవన్నీ ఒకే జాతికి చెందినటువంటి పండ్లు. వీటిలో విటమిన్ బి మరియు విటమిన్ సి అధికంగా ఉంటాయి. అలాగే బీటా కెరోటి, పొటాషియం మరియు లైకోపిపిన్ పుష్కలంగా ఉంటాయి కాబట్టి ఇవి ఆరోగ్యాన్నికి చాలా మంచిది. మీ శరీరం ఆరోగ్యంగా ఉంచడానికి కావలసినన్ని విటమిన్లు అంధిస్తుంది.

దానిమ్మ

దానిమ్మ: దానిమ్మ మన ఆరోగ్యానికి ఎంతో మేలు చేస్తుంది. ఎర్రగా నిగనిగ లాడుతూ కంటికి ఇంపుగా కనిపించేదానిమ్మ గింజలు ఆరోగ్యానికి అనేక విధాలుగా ప్రయోజనం కలిగిస్తాయి. అత్యంత ఔషధ విలువలతో పాటు కమ్మని రుచిని దానిమ్మ నుంచి పొందవచ్చు. విటమిన్ ఇ, మెగ్నీషియం, పొటాషియం ఇందులో అధికం గా ఉంటుంది.

క్రేన్ బెర్రీస్

క్రేన్ బెర్రీస్: క్రాన్ బెర్రీస్, రెస్ బ్రెర్సీ, బ్లూ బెర్రీస్: ఇలా ముదురు రంగుల్లో ఉండే బెర్రీస్ అంటే అందరీకీ చాలా ఇష్టమే. బెర్రీస్ అనే ఈ పండ్లు పలు రంగుల్లో వస్తాయి. వీటిలో బ్లాక్‌బెర్రీ తప్పించి మిగిలినవన్నీ తినతగినవే. బ్లూ, రెడ్, స్ట్రాబెర్రీ, క్రేన్ బెర్రీస్ అనే ఈ పండ్లలో యాంటీ ఆక్సిడెంట్స్ పుష్కలంగా ఉంటాయి. బెర్రీ పండ్లలో పీచు పదార్థం, వర్ణకాలు మెదడు కణాలను, రక్త నాళాలను ఫ్రీరాడికల్స్ ప్రభావం నుండి రక్షిస్తాయి. బెర్రీస్ లో ఫైబర్, తక్కువ పిండి పదార్థాలు అనేక విటమిన్స్ కలిగి ఉంటాయి. కాబట్టి వీటిని షుగర్ వ్యాది గ్రస్తులు తీసుకోవడం చాలా మంచిది.

యాపిల్

యాపిల్: యాపిల్స్‌లో ఫైబర్ ఎక్కువగానూ, కొవ్వు పదార్థాలు అత్యల్పంగానూ ఉంటాయి. సోడియం తక్కువగానూ, పొటాషియం ఎక్కువగానూ ఉంటాయి. విటమిన్ సి అధిక మొత్తాల్లో ఉంటుంది. రక్తపోటు ఎక్కువగా ఉన్న వారికి యాపిల్ మంచి ఆహారౌషధంగా పనిచేస్తుంది. పొటాషియం అధిక మొత్తాల్లో ఉండటంవల్ల మూత్రం హెచ్చు మొత్తాల్లో తయారై వెలుపలకు విసర్జితమవుతుంది. అలాగే, సోడియం నిల్వలను తగ్గించి రక్తపోటు తగ్గటానికి కారణమవుతుంది.

రాస్బెర్రీ

రాస్బెర్రీ: బెర్రీస్ లో ఇది కూడా ఒక రకమైనటువంటి పండే. ఇది ముఖ్యంగా అధిక బరువును తగ్గించుటలో బాగా పనిచేస్తుంది. మరియు కంటి చూపును బాగా మెరుగు పరుస్తుంది.

ఎండు మిర్చి

ఎండు మిర్చి: ఎండు మిర్చిలో అతి తక్కువ సాచురేటెడ్ ఫాట్స్ కలిగి ఉండి, శరీరంలో పేరుకొన్న ఎక్సట్రా కొలెస్ట్రాల్ ను బర్న్ చేయడానికి బాగా ఉపయోగపడుతుంది.

స్ట్రాబెర్రీ

స్ట్రాబెర్రీ: స్ట్రాబెర్రీ హై బ్లెడ్ ప్రెజర్, ఆర్థెటీస్, గౌట్, గుండె సంబంధిత రోగాలను రాకుండా కాపాడుతుంది.

బీట్ రూట్

బీట్ రూట్: బీట్ రూట్ లో ఐరన్, క్యాల్షియం, ఫైబర్, విటమిన్ సి అధికంగా ఉంటాయి. ఈ ఎర్రని వెజిటేబుల్ రక్తాన్ని వద్ది చేయడానికి బాగా సహాపడుతుంది.

చెర్రీస్

చెర్రీస్: చెర్రీ పండ్లలో యాంటి ఆక్సిడెంట్స్ అధికంగా కలిగి ఉండటం వల్ల దీర్ఘకాలిక వాపు, కీళ్ళనొప్పులు, కీళ్ళ వాపు వంటి సమస్యలతో బాధపడుతున్నారా.. అయితే రోజుకు రెండుసార్లు చెర్రీపండ్ల రసాన్ని తీసుకోండని ఆరోగ్య నిపుణులు అంటున్నారు. రోజుకు 12 చెర్రీ పండ్లను తీసుకోవచ్చు.