ఎసిడిటి ఉన్నవారు తినకూడని కొన్ని ఆహారపదార్థాలు...!

స్పైసీ ఫుడ్: స్పైసీ ఫుడ్స్ తినడం మీకు ఇష్టమైతే, మీ వంటకాల్లో కారాన్ని తగ్గించాలి. లేదా స్పైసీ ఫుడ్ తీసుకోవడంలో మోతాదును తగ్గించాలి. స్పైసీ ఫుడ్ వల్ల అతి త్వరగా ఎసిడిటి ఏర్పడుతుంది. వేపుడు కూరలు, జిడ్డు కలిగిన వస్తువులు, కొవ్వు కలిగిన పదార్థాలు. ఇవి ఆవ్లూశయంలోని పొరలకు అంటిపెట్టుకొని ఉండి యాసిడ్‌ ఎక్కువగా తయారయ్యేలా చేస్తాయి. దాంతో ఎసిడిటి సమస్య తలెత్తుతుంది. మసాలాలు, కారం, పులుపు పదార్థాలు, నారింజ, నిమ్మ, కమలా, ద్రాక్ష, చింత వంటి పుల్లటి ఫలాలు ఎసిడిటిని ఎక్కువ అయ్యేలా చేస్తాయి కనుక మానేయాలి.

చాక్లెట్స్: చాక్లెట్స్‌ తినడం మానేయాలి. ఇవి ఆవ్లూశయంలోని వాల్వులను వదులయ్యేలా చేసి యాసిడ్‌ని అన్ననాళం లోకి లీక్‌ అయ్యేలా చేస్తాయి. చాక్లెట్స్ లో ప్యాట్స్, కెఫిన్ మరియు కోకా అధికంగా ఉండటం వల్ల ఎసిడిటి సమస్యను తీవ్రతరం చేస్తాయి.

కార్బోనేటెడ్ డ్రింక్స్: కాఫీ, టీ, కోలా డ్రింక్స్‌, సాఫ్ట్‌ డ్రింక్స్‌, సోడా, తదితరాలను మానేయాలి. ఇవి ఆవ్లూశయంలోని వాల్వులను వదులయ్యేలా చేసి యాసిడ్‌ని అన్ననాళం లోకి లీక్‌ అయ్యేలా చేస్తాయి. దాంతో ఎసిడిటికి కారణం అవుతుంది. కాబట్టి ఈ కార్బొనేటెడ్ డ్రింక్స్ కు దూరంగా ఉండటం చాలా మంచిది.

పిజ్జా: మీరు రాత్రి భోజనం బయట ఇటాలియన్ ఫుడ్ తినాలనుకొన్నప్పుడు, ఒక్కసారి ఆలోచించండి. ఎందుకంటే పిజ్జాలో స్పైసీస్, టమోటో సాస్ మరియు చీజ్ వంటివి మీ జీర్ణక్రియ ప్రక్రియకు ఆటంకం కలుగజేస్తాయి. ఇది ఆహారంగా తీసుకోవడం వల్ల కడుపు నిండుగా, భారంగా అనిపిస్తుంటుంది. కాబట్టి జీర్ణం అవ్వడానికి ఎక్కువ సమయం తీసుకొని ఎసిడిటికి కారణం అవుతుంది. కాబట్టి పిజ్జా బర్గర్లను నైట్ టైమ్ అవాయిడ్ చేయడమే మంచిది.

మాంసాహారం: రెడ్ మీట్(మాంసాహారం): మాంసాహార ప్రియులు బయట అందంగా అలంకరించిన నాన్ వెజ్ ఐటమ్స్ ను చూసి ఆకర్షింపబడి రాత్రి డిన్నర్ కి కొంచెం ఎక్కువగా లాగించేస్తారు. దాంతో ఏమవుతుంది? మాంసాహారంలో అధిక ప్రోటీన్స్, కొవ్వు పదార్థాలు ఎక్కువగా ఉండటం వల్ల రాత్రి సమయంలో జీర్ణం అవడానికి కష్టం అవుతుంది. ఎసిడిటికి కారణం అవుతుంది. కాబట్టి రాత్రి సమయంలో అతి తక్కువగా తినడం లేదా పూర్తిగా అవాయిడ్ చేస్తే మంచిది. ముఖ్యంగా డిన్నర్ బెగ్గర్ లా తినాలి. బ్రేక్ ఫాస్ట్ కింగ్ లా తినాలి. అప్పుడే మీ ఆరోగ్యం సంపూర్ణ ఆరోగ్యం అవుతుంది.

పాలు: రాత్రి సమయంలో చల్లగా ఉండే పచ్చిపాలను త్రాగడం వల్ల ఛాతి మంటను తగ్గిస్తుంది. అయితే హెవీ మీల్స్ తీసుకొన్న తర్వాత పాల త్రాగడం వల్ల పరిస్థితి వ్యతిరేకంగా ఉంటుంది.

చీజ్: చీజ్ మరయు బట్టర్ లో ఫ్యాట్స్ ఎక్కువగా ఉంటాయి. హై ఫ్యాట్ చీజ్ మరియు బటర్ వంటివి రాత్రి సమయంలో తీసుకోవడం వల్ల ఎసిడిటికి కారణం అవుతుంది. కాబట్టి వీటిని రాత్రి సమయంలో తీసుకోక పోవడం చాలా మంచిది.

ఆల్కహాల్: బీర్‌, వైన్‌, విస్కి, బ్రాంది తదితరాలను మానేయాలి. ఇవి ఆవ్లూశయంలోని వాల్వులను వదులయ్యేలా చేసి యాసిడ్‌ని అన్ననాళంలోకి లీక్‌ అయ్యేలా చేస్తాయి. దాంతో ఎసిడిటికి కారణం అవుతుంది. కాబట్టి ఆల్కహాల్, బెవరేజస్ ను తీసుకోకపోవడం మంచిది.

స్మోకింగ్: స్మోకింగ్ చేయకూడదు. సిగరెట్ పొగవల్ల అమాశయపు లోపలి పొర రేగటమే కాకుండా, ఒకవేళ అల్సర్లు ఏవన్నా తయారైతే మొండిగా మారతాయి.

కాఫీ: కాఫీ, టీ, మానేయాలి. ఇవి ఆవ్లూశయంలోని వాల్వులను వదులయ్యేలా చేసి యాసిడ్‌ని అన్ననాళం లోకి లీక్‌ అయ్యేలా చేస్తాయి. దాంతో ఎసిడిటికి కారణం అవుతుంది. కాఫీ తాగడం వల్ల తలనొప్పి నుండి ఉపశమనం పొందవచ్చు. అయితే ఇందులో ఎక్కువగా కెఫిన్ ఉండటం వల్ల ఎసిడిటికి కారణం అవుతుంది.

సిట్రస్ పండ్లు: పండ్లు ఆరోగ్యానికి మంచిదే. అయితే అవి తినడానికి కూడా ఒక సమయం అంటూ ఉంటుంది. పండ్లను రాత్రి సమయంలో ఎందుకు తీసుకోకూడదంటే చాలా రకాల పండ్లలో యాసిడ్స్ మరియు జ్యూస్ లు ఎక్కువగా ఉంటాయి. వీటిని తీసుకోవడం వల్ల గాస్ట్రిక్ మొదలవుతుంది. ముఖ్యంగా చెప్పాలంటే సిట్రస్ కలిగినటువంటి ద్రాక్ష, ఆరంజ్, పైనాపిల్, బెర్రీస్ పండ్లను అవాయిడ్ చేయాలి. ఇటువంటి పండ్లను తినడానికి మధ్యహాన్నం మంచి సమయం. ఉదయం 11 నుండి సాయంత్రం 4గంటల సమయంలోపల తీసుకొంటే అవి సులభంగా జీర్ణం అవుతాయి.

టమోటో: ఎసిడిటి ఉన్నవారు టమోటోలను పూర్తిగా మానేయమని డాక్టర్లు సలహా ఇస్తుంటారు. సాధారణంగా టమోటో జ్యూసీగా ఉండి ఎసిడిటికి కారణం అవుతుంది. దాంతో ఛాతీలో మంట పుడుతుంది.

మింట్ టీ: గుండెలో మంట, ఎసిడిటికి మింట్ టీ త్రాగడానికి చాలా మంది సలహా ఇస్తుంటారు. అదే విధంగా హార్ట్ బర్న్ ఎక్స్ పర్ట్స్ ఈ మింట్ టీ ఎసిడిటికి కారణం అంవుతుందని వారి నమ్మకం.