నిద్రలేమి సమస్యను నివారించే ఉత్తమ మార్గాలు

Updated: Tuesday, December 9, 2014, 15:48 [IST]

నిద్రలేమి సమస్య ప్రతి ఒక్కరినీ ఏదో ఒక సందర్భంలో లేదా ఏదో ఒక వయస్సులో పట్టి పీడించే సమస్య. మనిషి మనుగడకు నీరు, గాలి, ఎండ, ఆహారం ఎంత అవసరమో నిద్రకూడా అంతే ముఖ్యం. సరిగా నిద్రపోకపోతే, ఆరోగ్యం మీద వివిధ రకాలుగా దుష్ప్రభావాలను చూపుతుంది. నిద్రరావడం లేదని నిద్రమాత్రలకు అలవాటు పడితే అది మరో విధంగా శరీరానికి హానికలిగిస్తుంది. ప్రస్తుత రోజుల్లో పెద్ద పెద్ద నగరాల్లో నివసించే వారిలో 40శాతం మంది దీర్ఘకాలిక నిద్రలేమి సమస్యతో బాధపడుతున్నారు.

జీవనశైలిలో మార్పులు, నిద్రకు సరైన సౌకర్యాలు ఏర్పరచుకోలేకపోవడి, శబ్ద మరియు కాలుష్యం మరియు ఇతర మరికొన్ని కారణాల వల్ల నిద్రలేమికి గురి అవుతుంటారు. అయితే ఇప్పటికీ మించిపోయినదేమీ లేదు. ఈ సమస్యను నివారించుకోవడానికి ఎంతో కొంత నమ్మకం ఉంది. సరైన సమయానికి సరిగా నిద్రిపోవడానికి కొన్నిసహజ మార్గాలున్నాయి. అందుకు మీరు కొంచె ఓపిగ్గా స్లీప్ ప్యాట్రన్ మార్చుకొన్నట్లైతే చాలు మీరు మంచి గాఢమైన నిద్రను పొందవచ్చు.

మంచి నిద్రపొందడానికి కొన్ని చిట్కాలు

కెఫిన్/టుబాకో/ఆల్కహాల్ తీసుకోవడం తగ్గించాలి

మీకు కనుక స్మోకింగ్, డ్రింకింగ్ హ్యాబిట్స్ ఉన్నట్లైతే, వాటిని వెంటనే నివారించడం ఉత్తమం. అలాగే నిద్రంచడానికి కొన్ని గంటల ముందు టీ లేదా కాఫీ వంటి బెవరేజస్ ను తీసుకోవడం మానుకోండి. ఇటువంటి అలవాట్ల వల్ల నిద్రలేమికి కారణం అవుతుంది. నిద్రలేమి సమస్య లక్షణాలు కనిపించినప్పుడు, అది ఇతర ఆనారోగ్య సమస్యలకు లక్షణాలుగా గుర్తించాలి.

నిద్రించడానికి ముందు వేడి నీటి స్నానం

నిద్రించడానికి ముందు గోరువెచ్చని నీటితో స్నానం చేయడం ఒక మంచి ఐడియా. స్నానానికి ఉపయోగించే వేడినీటిలో కొన్ని ఔషధగుణాలున్న హెర్బ్స్ ను వేయడం వల్ల అది మరింత సహాయపడుతుంది. ఇంకా వామ్ వాటర్ బాత్, మీ శరీరం మరింత విశ్రాంతి పొందడానికి మంచిగా నిద్రపట్టడానికి సహాయపడుతుంది. నిద్రపొందడానికి మాత్రలు మింగడం కంటే ఇలాంటి నేచురల్ పద్దతులను అనుసరించడం ఉత్తమం.

ప్రతి రోజూ వ్యాయామం

మీరు ప్రతి రోజూ మంచిగా నిద్రపోవడానికి వ్యాయామం ఒక ముఖ్య పాత్రను పోషిస్తుంది. నిద్రయొక్కనమూనాలు మీ యాక్టివిటి లెవల్స్ మీద నేరుగా ప్రభావం చూపుతుంది. మీరు ఒక మంచి జీవనశైలిని అలవరుచుకోవాలి.

యోగ

మంచి నిద్రపొందడానికి యోగ ఒక ఉత్తమ మార్గం. నిద్రించడానికి రెండు మూడు గంట ముందు కొన్ని ఆసనాలను ప్రయత్నింపచండి . మీరు యోగా క్లాసులకు చేరి నిపుణుల సలహాలను తీసుకోండి. నిద్రపోవడానికి ఇలాంటి నేచురల్ పద్దతులు చాలా బాగా సహాయపడుతాయి.

మసాజ్ లేదా ఆరోమా థెరఫీ

మసాజ్ థెరఫీ మీ శరీరం రిలాక్స్ అవ్వడానికి చాలా బాగా సహాయపడుతుంది. అయితే ప్రతి రోజూ మసాజ్ చేయించుకోవడం కుదరదు కాబట్టి, కొన్ని సువాసనభరితమైన ఆయిల్స్ ను తెచ్చుకొని స్నానం చేసే నీళ్ళలో వేసి, ఆ నీటితో స్నానం చేస్తే మంచి ఫలితం ఉంటుంది.