వార్నింగ్: హై బ్లడ్ షుగర్ ఉందని తెలిపే లక్షణాలు..!!

ఎక్కువ దప్పిక

బ్లడ్ లో షుగర్ లెవెల్స్ ఎక్కువగా ఉంటే.. అదనపు షుగర్ ని ఫిల్టర్ చేయడానికి కిడ్నీలు ఎక్కువ పనిచేయాల్సి ఉంటుంది. షుగర్ యూరిన్ రూపంలో తొలగించబడుతుంది. దీనివల్ల శరీరంలో డీహైడ్రేట్ కి గురై.. దప్పిక ఎక్కువగా అనిపిస్తూ ఉంటుంది.

తరచుగా ఆకలి

యూరినేషన్ లెవెల్స్ పెరిగేకొద్దీ.. క్యాలరీలు కోల్పోతారు. అలాగే హై బ్లడ్ షుగర్ లెవెల్ వల్ల..ఆకలి ఎక్కువగా ఉంటుంది. చాలా తరచుగా ఏదో ఒకటి తినాలి అనిపిస్తూ ఉంటుంది.

తరచుగా యూరినేషన్

శరీరంలో అదనపు షుగర్ లెవెల్స్ ని యూరిన్ రూపంలో తొలగించడం వల్ల.. డీహైడ్రేట్ గా, దప్పికగా ఫీలవుతారు. దప్పిక తీరడం కోసం ఎక్కువ ఫ్లూయిడ్స్ తీసుకుంటారు. దీనివల్ల.. ఎక్కువ యూరినేషన్ కి పోతుంటారు.

బరువు తగ్గడం

తరచుగా యూరినేషన్ కి వెళ్తూ ఉంటే.. క్యాలరీలు కోల్పోతుంటారు. దీనివల్ల చాలా ఎక్కువగా బరువు తగ్గుతారు.

స్పర్శ కోల్పోవడం

బ్లడ్ లో అదనపు షుగర్ లెవెల్స్ ఉంటే.. నరాలు డ్యామేజ్ అవుతాయి. దీనివల్ల చేతులు, పాదాల్లో స్పర్శ కోల్పోతారు.

చూపులో సమస్యలు

బ్లడ్ షుగర్ లెవెల్స్ ఎక్కువగా ఉన్నప్పుడు.. తరచుగా యూరినేషన్ కి వెళ్లడం వల్ల.. కళ్లు డ్రైగా మారతాయి. దీనివల్ల చూపులో సమస్యలు మొదలవుతాయి. బ్లర్ గా కనిపిస్తూ ఉంటుంది.

అలసట

బ్లడ్ షుగర్ లెవెల్స్ ఎక్కువగా ఉండటం వల్ల.. శరీరంలోని గ్లూకోజ్ సరిగా ఉపయోగించబడదు. కణాలు అవసరమైన ఎనర్జీని పొందడంలో విఫలమవుతాయి. దీనివల్ల తరచుగా అలసిపోతుంటారు.

స్కిన్ ఇన్ఫెక్షన్స్

పొడిబారిన, దురదతో కూడిన చర్మ సమస్యలు.. బ్లడ్ షుగర్ లెవెల్స్ ఎక్కువగా ఉన్నప్పుడు కామన్. తరచుగా యూరిన్ కి వెళ్లడం వల్ల శరీరం డీహైడ్రేషన్ కి గురై.. స్కిన్ టిష్యూస్ డ్రైగా మారతాయి. దీనివల్ల చర్మం దురదగా, ఇన్ఫెక్షన్ కి గురవుతాయి.