రాత్రిళ్లు నిద్రలో ఇబ్బందిపెట్టే కాళ్ల తిమ్మిర్లకు కారణాలేంటి ?

డీహైడ్రేషన్

రాత్రిపూట కాళ్లు తిమ్మిర్లు పట్టడానికి డీహైడ్రేషన్ చాలా సాధారణ కారణం. శరీరంలో ఫ్లూయిడ్స్ తక్కువైనప్పుడు.. కండరాలపై ఎక్కువ ఒత్తిడి పడుతుంది. దీనివల్ల.. మధ్య రాత్రిలో కాళ్లు తిమ్మిర్లు వస్తాయి.

హైపోథైరాయిడిజం

హైపోథైరాయిడిజంతో బాధపడేవాళ్లు.. తరచుగా రాత్రిపూట నిద్రలో.. కాళ్ల తిమ్మిర్ల సమస్యను ఎదుర్కొంటారు. అలసట, బలహీనత వంటి సమస్యలు.. కండరాల తిమ్మిర్లకు ప్రధాన కారణాలుగా చెప్పవచ్చు.

హై బ్లడ్ షుగర్ లెవెల్

రాత్రిపూట నిద్రలో కాళ్లు తిమ్మిర్లు పట్టడానికి హైబ్లడ్ షుగర్ లెవెల్స్ కూడా ఒక కారణం. షుగర్ సమస్యతో బాధపడేవాళ్లు.. ఈ సమస్యను ఎదుర్కొంటారు. కాబట్టి.. లెగ్ క్రాంప్స్ సమస్యతో తరచుగా బాధపడుతుంటే.. బ్లడ్ షుగర్ లెవెల్స్ చెక్ చేయించుకోవడం మంచిది.

సైడ్ ఎఫెక్ట్స్

రాత్రిపూట కాళ్ల తిమ్మిర్లకు వాడుతున్న మందుల సైడ్ ఎఫెక్ట్స్ కూడా కారణం కావచ్చు. ఒకవేళ మీరు మందులు వాడుతున్నారు, అలాగే కాళ్ల తిమ్మిర్ల సమస్య ఎదుర్కొంటున్నారు అంటే.. డాక్టర్ ని సంప్రదించాలి.

అలసట

చాలా అలసిపోయినప్పుడు కండరాల అలసట కాళ్ల తిమ్మిర్లకు కారణమవుతుంది. మోతాదుకి మించి వ్యాయామం చేయడం వల్ల కూడా రాత్రిళ్లు లెగ్ క్రాంప్స్ కి కారణం కావచ్చు.

కండరాల అలసట

బలహీనత లేదా అలసట కండరాల్లో కనిపించినప్పుడు.. రాత్రిళ్లు కాళ్లలో తిమ్మిర్ల సమస్య మొదలవుతుంది. కండరాల బలహీనత అనేది అంత సీరియస్ విషయం కాకపోయినా.. తరచుగా వస్తుంటే మాత్రం.. తీవ్ర అనారోగ్య సమస్యకు సంకేతం అవుతుంది.

పోషకాహార లోపం

పొటాషియం, సోడియం వంటి ముఖ్యమైన మినరల్స్ లోపం వల్ల ... రాత్రిళ్లు కాళ్లు తిమ్మిర్లు పడతాయి. ఏదైనా ముఖ్యమైన పోషకం శరీరంలో తగ్గిపోయినప్పుడు.. కండరాల కణాలపై ఒత్తిడి పెరిగి.. ఈ సమస్యకు దారితీస్తుంది.