ఆహారప్రణాళిక : ఈ ప్రణాళికలో జోడించదగినవి, జోడించకూడనివి

కూరగాయలు:

మీరు తీసుకోదగిన అన్ని రకాల కూరగాయలను తినండి. కూరగాయలు ఆరోగ్యకరమైనవి మరియు మీ ఆరోగ్యంపై ఎటువంటి ప్రతికూల ప్రభావాలను కూడా కలిగి ఉండదు.

పండ్లు:

ఒక మోస్తరు మోతాదులో పండ్లను తీసుకోవచ్చు. చక్కెరలను తీసుకోవడం పరిమితం అని గుర్తుంచుకోవలసిన అవసరం ఉంది.

సీఫుడ్ :

మీరు చేపలు మరియు షెల్ఫిష్ లను తీసుకోవచ్చు.

తాజా మాంసం:

అదనపు చక్కెరలు, ఉప్పు జోడించకుండా నిల్వ పరచని, తాజా మాంసం తీసుకోదగినదిగా సిఫార్సు చేయడమైనది.

నూనెలు:

ఈ Whole30 ఆహార ప్రణాళికలో కొబ్బరి మరియు ఆలివ్ నూనె మంచిదిగా చెప్పబడింది. నెయ్యి (క్లారిఫైడ్ బట్టర్) కూడా వినియోగించవచ్చు.

గుడ్లు:

అల్పాహారం సమయంలో గుడ్లను జోడించడం ద్వారా, Whole30 ఆహార ప్రణాళిక మీ శరీరానికి గొప్పగా పనిచేస్తుందని చెప్పబడింది.

నట్స్ మరియు తృణధాన్యాలు:

మీరు వేరుశెనగలు తప్ప, అన్నిరకాల గింజలు తీసుకోవచ్చు. ఎందుకంటే వేరుసెనగ వర్గం లెగ్యూమ్స్(చిక్కుళ్ళు) వర్గం కిందకు వస్తాయి

కాఫీ:

కాఫీ మంచిదే కాని బ్లాక్ కాఫీ తీసుకోండి. పాలు మరియు చక్కెరలు ప్రణాళిక నుండి నిషేదించబడినవి.

Whole30 ఆహారప్రణాళికలో తీసుకోకూడనివి ఏంటి?

మీరు 30రోజుల పాటు కొన్ని ప్రతికూల లక్షణాలు ఉన్న ఆహారాలను తొలగించవలసి ఉంటుంది. క్రమంగా, క్రింద తెలుపబడిన ఆహారపదార్ధాలను తొలగించుట మంచిది.

పాలపదార్ధాలు:

మీరు జున్ను, మీగడ, వెన్న, సోర్-క్రీం, ఆవు పాలు, యోగర్ట్, పెరుగు మరియు కేఫీర్ వంటి పాలపదార్ధాలను దూరంగా ఉంచాలి. పాడి ఉత్పత్తులలో నెయ్యిని మాత్రం మినహాయించవచ్చు.

మద్యం(ఆల్కహాల్):

Whole30 ఆహార ప్రణాళికలో, ఎట్టి పరిస్థితుల్లో మద్యం ముట్టరాదు. సేవించడమే కాదు, వంటలోకూడా మద్యాన్ని(రం,వైన్,జిన్ వంటివి విరివిగా వాడుతారు) వాడకండి. వెనీలా ఎక్స్ట్రాక్ట్ కూడా మంచిది కాదు, బదులుగా కొంబుచా ఎంచుకోవచ్చు. (దీనిలో తక్కువ ఆల్కహాల్ కంటెంట్ ఉంది). అదనపు చక్కెరలు లేకుండా చూసుకోండి.

ధాన్యాలు:

మీరు బియ్యం, గోధుమ, మిల్లెట్, రై, మొక్కజొన్న, క్వినోవా, అమరాంత్, బల్గర్, సోర్ఘుం, బక్వీట్ లేదా మొలకెత్తిన గింజలను తీసుకోకూడదు.

చిక్కుళ్ళు:

30రోజుల పాటు బీన్స్ లేదా సోయ తీసుకోవడం మానివేయాలి. చిక్పీస్, కాయధాన్యాలు, వేరుశెనగలు మరియు బఠానీలను కూడా ఆహారప్రణాళిక నుండి తొలగించాలి.

జంక్ ఫుడ్:

మీరు ఏ రకమైన జంక్ ఫుడ్ లేదా ఫాస్ట్ ఫుడ్ జోలికి వెళ్ళకూడదు. ఏపదార్దాలనైనా, ఇంట్లో తయారు చేసుకునేలా ఉండాలి. నిల్వ పదార్ధాలు, అదనపు ఎసెన్స్, ఈస్ట్, చక్కెరలు జోడించిన పదార్ధాలు, స్పైసీ మరియు ఆమ్ల లక్షణాలు అధికంగా ఉండే ఆహార పదార్ధాలను తీసుకోవడం పూర్తిగా నిషేదించాలి. వీలయితే, Whole30 సమయంలోనే కాకుండా, మిగిలిన రోజుల్లో కూడా వీటికి దూరంగా ఉండడమే మంచిదని, నిపుణులు సూచిస్తున్నారు. జంక్ ఫుడ్ మీ మానసిక ఆరోగ్యాన్ని సైతం ప్రతికూలంగా ప్రభావితం చేస్తుంది. గుడ్లు మరియు అరటిపండు ఉపయోగించి చేసే పాన్-కేక్స్ కూడా ఈ ప్రణాళిక సమయంలో తీసుకోవడం సరికాదు.

చక్కెరలు జోడించబడిన ఆహారాలు:

ఏ రూపంలో అయినా సరే (నిజమైన లేదా కృత్రిమ) 30 రోజులపాటు చక్కెరలను నిషేధించాలి. తేనె, మాపుల్ సిరప్, జిలిటల్, స్టెవియా లేదా అగేవ్ వంటివి సైతం దూరం ఉంచాలి. మీరు షాపింగ్ చేయడానికి ముందు లేబుల్ తనిఖీ చేయండి. శ్రీరాచా వంటి సాధారణ పదార్థాలు అదనపు చక్కెరలను కలిగి ఉంటాయని గుర్తుంచుకోండి.

MSG మరియు సల్ఫైట్స్:

మీరు ఎటువంటి ఆహారాలను కొనుగోలు చేస్తున్నా, ముందుగా లేబుల్ తనిఖీ చేయడం మంచిది. నిల్వ చేసిన ఆహార పదార్ధాలను పూర్తిగా తొలగించాలి.

Whole30 ఆహారప్రణాళికలో అనుసరించడానికి, తీసుకోవలసిన చిట్కాలు మరియు సూచనలు:

• మీరు ఎటువంటి అవరోధం లేకుండా ఖచ్చితంగా 30 రోజులు పాటించిన ఎడల ఖచ్చితమైన ఫలితాలను పొందగలరు.

• మీరు కొనుగోలు చేసే ఆహార పదార్ధాల మీద లేబుళ్ళను తనిఖీ చేయండి. పాక్ చేసిన మరియు నిల్వ ఉంచిన ఆహారపదార్ధాలను దూరం చేయండి. కృత్రిమ చక్కెరలు, రసాయనాలు ఉంటాయి కాబట్టి.

• కూరగాయలు, పండ్లు, తృణ ధాన్యాలు, మాంసం మరియు చేపలు వంటి ఆహారాలను ఎంచుకోవడం ఎల్లప్పుడూ మంచిది.