మనం ఆక్సీజన్ తీసుకోవడంపై ఫేస్ మాస్కులు ప్రభావం చూపుతాయా?

మాస్క్ మంచిది కాదా?

చాలా మంది కరోనా నుండి తమను తాము కాపాడుకోవడానికి మాస్క్ ధరించడం అనేది తప్పనిసరిగా మారిపోయింది. అయితే ఫేస్ మాస్క్ ధరించడం చాలా మందికి ఇబ్బందికరంగానే ఉంటోంది. ఎందుకంటే దీని వల్ల శ్వాస పీల్చుకోవడంలో కొన్ని ఇబ్బందులు వస్తున్నాయి. అయితే ఇప్పుడున్న పరిస్థితుల్లో మాస్క్ పెట్టుకోవడమే ఒక్కటే మార్గమని నిపుణులు చెబుతున్నారు. దీనికి మరో ప్రత్యామ్నాయం లేదు.

ఆక్సీజన్ లోపం ఉంటుందా?

ఇదిలా ఉండగా.. మాస్కులు పెట్టుకోవడం వల్ల శ్వాస తీసుకోవడంలో కొంత ఇబ్బంది ఉన్న మాట వాస్తవమే అని వైద్య నిపుణులు, కేంద్ర ప్రభుత్వ అధికారులు చెబుతున్నారు. అయితే దీని వల్ల కార్బన్ డై ఆక్సైడ్ శాతం పెరిగిపోయి.. ఆక్సీజన్ లోపం ఏర్పడుతుందనడంలో ఎలాంటి నిజం లేదని కేంద్ర ప్రభుత్వ సంస్థ స్పష్టం చేసింది. కానీ కొందరు సోషల్ మీడియాలో దీని గురంచి విపరీతంగా ప్రచారం చేస్తున్నారు. దీనిపై క్లారిటీ ఇచ్చిన కేంద్రం మాస్కులు ధరించడం వల్ల కరోనా రాకుండా జాగ్రత్త పడొచ్చని వివరించింది.

కరోనాను అరికట్టాలంటే..

ప్రస్తుతం కరోనా వైరస్ నుండి మనల్ని మనం కాపాడుకోవాలంటే.. కరోనా వ్యాప్తిని అరికట్టాలన్నా.. మాస్కులను సరైన క్రమంలో ధరించాలని, శానిటైజర్ తో ఎప్పటికప్పుడు శుభ్రం చేసుకోవడం.. భౌతిక దూరం తప్పనిసరిగా పాటించాలని సూచించింది.

మూడు లేయర్ల మాస్క్..

మిమ్మల్ని మీరు కరోనా వైరస్ నుండి కాపాడుకోవాలని భావించడానికి నాణ్యత గల మాస్కు ధరించాలని భావిస్తే.. మూడు లేయర్లు ఉండే మాస్కును ధరించడం మంచిదని నిపుణులు చెబుతున్నారు. దీనిలో ఆక్సీజన్ లెవెల్స్ మరియు కార్బ్ డై ఆక్సైడ్ వంటివి తగ్గడం చాలా తక్కువ. అయితే వీటిని ఎక్కువగా వైద్య నిపుణులు వేసుకుంటారు.

చిన్నారులకు ఈ మాస్కులు..

మూడు నండి ఐదు సంవత్సరాల కంటే ఎక్కువ వయసు ఉండే చిన్నారులకు కూడా మూడు లేయర్లు ఉండే మాస్కును ఇవ్వొచ్చు. ఇది ఆక్సీజన్ స్థాయిలను మరింత దూకుడుగా ప్రభావితం చేస్తుంది. కాబట్టి చిన్నారులు 3 లేయర్ల మాస్కులను ధరించడం మంచిదని ప్రముఖ వైద్యులు మనోజ్ వివరించారు. వీటితో పాటు మీ ఇంట్లోనే తయారు చేసిన కాటన్ ఫేస్ కవర్లను కూడా వాడొచ్చు.

వ్యాయామం సమయంలో..

ఉదయాన్నే వాకింగ్ చేసే సమయంలో లేదా వ్యాయామం చేసే సమయంలో కొన్ని రకాల ఫీట్లు చేసేటప్పుడు ఫేస్ మాస్క్ ధరించాలా వద్దా అనే విషయంలో చాలా మందిలో అనేక అపొహలు ఉన్నాయి. అయితే ఉదయాన్నే కఠినమైన కార్యకలాపాలు చేసేటప్పుడు మాస్క్ ధరించడం వల్ల ఊపిరితిత్తులపై అదనపు ఒత్తిడి ఉంటుంది. కాబట్టి మీరు ఒంటరిగా వ్యాయామం చేస్తే మంచిదని నిపుణులు సూచిస్తున్నారు. అలాంటి సమయంలో మాస్కులు ధరించకుండా.. మీకు వీలుగా ఉండే ఫేస్ షీల్డ్ లేదా మూడు లేయర్లు ఉండే మాస్క్ లు ధరించొచ్చు.